لاہور (جیوڈیسک) فیصل آباد وولفزکی ٹیم چیمپئنز لیگ کھیلنے کے لئے بھارت روانہ ہوگئی۔ لاہور ایئر پورٹ پر روانگی کے وقت کھلاڑی جیت کیلئے پرعزم دکھائی دیئے۔ فیصل آباد وولفز کے8 کھلاڑی لاہور ایئرپورٹ سے دبئی کے راستے بھارت روانہ ہوئے، ٹیم منیجر ہارون رشید اور کوچ نوید انجم بھی ساتھ تھے۔
کھلاڑیوں میں محمد آصف، سمیع اللہ، وقاص اور نائب کپتان محمد سلمان شامل ہیں۔ اسد علی، خرم شہزاد اور مصباح بھی روانہ ہو گئے۔ قومی ٹیم کے کپتان مصباح الحق، احسان عادل اور سعید اجمل بیرون ملک دورے پرہیں اور وہ وہیں سے بھارت جائیں گے۔
میڈیا سے گفتگو کرتے ہوئے ٹیم منیجر ہارون رشید کا کہنا تھا کہ پریشر بہت ہو گا، تاہم ٹیم بڑی فارم میں ہے اورجیت کر آئیں گے۔ نائب کپتان محمد سلمان کا کہنا تھا کہ بھارت کو ہوم گراونڈ کا فائدہ ہوگا لیکن پریشر کوئی نہیں ہوگا۔
سلطان جوہر باہرو ہاکی کپ کیلئے قومی جونیئر ٹیم کا تربیتی کیمپ لاہور میں جاری
ورلڈ باکسنگ چیمپئن شپ: قومی ٹیم 11 اکتوبر کو الماتے روانہ ہوگی، اقبال حسین
