اسلام آباد (خصوصی رپورٹ) تاریخ اسلام میں کہیں بھی مثال نہیں ملتی کہ رسول ۖ نے کبھی کسی کے خلاف دھرنا دیا ہو ، یا آپکے پیروکاروں ، صحابہ کرام، نے کبھی کسی کے خلاف دھرنا دیا ہو۔ تاریخ اسلام میںکوئی ایسی مثال نہیں کہ نبی ۖ کے سچے پیرو کاروں نے کبھی کسی کے خلاف دھرنا دیا ہو۔ البتہ یہ لمحہ فکریہ ہے کہ اسلام دشمن لوگوں نے دھرنے دیئے جسکی کم از کم تین مثالیں پیش خدمت ہیں۔ سب سے پہلے ہجرت کی رات رسول خدا ۖ کے گھر کے باہر تمام کفار مکہ نے ملکر دھرنا دیا وہ نبی ۖ کی جان لینا چاہتے تھے۔
لیکن وہ ایک سچے نبی تھے ، خدا نے انہیں محفوظ رکھا ۔ دوسری مثال یہ عرض کروں گا کہ خلیفہ سوم حضرت عثمان کے گھر کے باہر اسلام دشمنوں نے ایک دھرنا دیا جو دو ماہ تک جاری رہا اسکے نتیجہ میں حضرت عثمان غنی کو شہادت نصیب ہوئی ، قرآن پاک کے اوراق شہید ہوئے ، کتاب مقدس خلیفہ سوم اور انکی اہلیہ کے لہو سے سرخ ہوگئی ، اور انکی اہلیہ حضرت نائلہ کی انگلیاں کاٹ کر رکھ دی گئیں۔ تیسرا دھرنا کربلا کی بے آب و گیاہ سر زمین پر خاندان نبوتۖ کے معصوم ، نہتے ، اور بے گناہ لوگوں کے خلاف دیا گیا۔
جو واپس مدینے جانا چاہتے تھے ۔ فاسق و فاجر حکمران کے حامیوں نے اگر وہ دھرنا نہ دیا ہوتا تو امام ِ عالی مقام اپنے اہل خانہ سمیت بخیر وخوبی واپس ہو جاتے ۔ نبی اکرم ۖ کی نواسیاں بے پردہ ہو کر پابند ِ زنجیر نہ کی جاتیں انکے سروں سے چادریں نہ اتاری جاتیں معصوم بچوں کے چہروں پر تمانچے نہ مارے جاتے ،معصوم علی اصغر کے حلق میں تیر پیوست نہ کیا جاتا، یہ ہے دھرنوں کی تاریخ جو اسلام ہمیں بتاتا ہے۔ فیصلہ آپکے ہاتھ میں ہے۔
منجانب : قائد اللہ اکبر تحریک۔ ڈاکٹر میاں احسان باری۔
سربراہ مجلس وحدت مسلمین علامہ راجہ ناصر عباس نے فیصل آباد میں منعقدہ عوامی جلسے سے خطاب
اورنگزیب سلطان جیسے نوجوان پاکستان کا فخر اور قیمتی اثاثہ ہیں :سید خورشید شاہ
