اسلام آباد (اصل میڈیا ڈیسک) احتساب عدالت نے فرزانہ راجہ کے وارنٹ گرفتاری جاری کر دیے۔
احتساب عدالت میں سابق چیئرپرسن بےنظیر انکم سپورٹ پروگرام فرزانہ راجہ کیخلاف کرپشن ریفرنس کی سماعت ہوئی۔ احتساب عدالت نے فرزانہ راجہ کو اشتہاری قرار دیتے ہوئے ان کے دائمی ناقابل ضمانت وارنٹس جاری کردیے۔ جج اصغر علی نے ہدایت کی کہ فرزانہ راجہ کا شناختی کارڈ بلاک کرکے ان کا نام ای سی ایل میں ڈالا جائے۔
عدالت نے فرزانہ راجہ کو ریفرنس سے الگ کرکے فرد جرم کیلئے نئی تاریخ مقرر کرتے ہوئے آئندہ سماعت پر نیب تفتیشی کو بھی طلب کرلیا اور سماعت 14 جون تک ملتوی کر دی۔
عمران خان کی حکومت عالمی تصدیق شدہ کرپٹ ترین حکومت ہے، ترجمان (ن) لیگ
ٹرین حادثے کے ذمے داروں کو معاف نہیں کیا جائے گا: وزیر ریلوے
