لاہور (جیوڈیسک) قومی ٹیم کے فاسٹ بولر سہیل خان تربیتی کیمپ کے دوران انجرڈ ہو گئے جس کے بعد انہیں دورہ بنگلادیش سے ڈراپ کر دیا گیا۔
قومی کرکٹ ٹیم کے فاسٹ بولر دورہ بنگلادیش کے لئے لگائے گئے تربیتی کیمپ کے چوتھے روز اچانک کمر کی تکلیف کا شکار ہوگئے جس کے بعد انہیں کیمپ سے باہر بٹھا دیا گیا۔
پی سی بی ذرائع کے مطابق سہیل خان انجری کے باعث دورہ بنگلادیش میں قومی ٹیم کا حصہ نہیں بن سکیں گے جب کہ ان کی جگہ اسکواڈ میں جنید خان کو شامل کرلیا گیا ہے۔
واضح رہے کہ پاکستانی کرکٹ ٹیم 13 اپریل کو بنگلہ دیش روانہ ہوگی جبکہ قومی ٹیم دورہ بنگلہ دیش میں 3 ون ڈے ،ایک ٹی ٹوئنٹی اور 2 ٹیسٹ میچز کی سیریز کھیلے گی۔
انسداد دہشتگردی عدالت کا طاہر القادری کے خلاف اشتہار جاری کرنے کا حکم
ٹنڈولکر کے دل میں پھر سے آئی پی ایل کھیلنے کی خواہش مچلنے لگی
