فتح پور (میاں محمد رضوان) میونسپل کمیٹی فتح پور 4 کروڑ 88 لاکھ روپے کا ششماہی بجٹ پیش کر دیا گیا ، جسے ممبران کے اتفاق رائے سے منظور کر لیا، جب کہ چار ممبران نے بجٹ اجلاس میں شرکت نہیں کی ،تفصیل کے مطابق میونسپل کمیٹی فتح پور کا ششماہی بجٹ اجلاس زیر صدارت وائس چیئرمین میاں جاوید اصغر کی زیر صدارت منعقد ہوا ،اس موقع پر چیئر مین میونسپل کمیٹی فتح پور کا بجٹ پیش کرتے ہوئے تفصیلات بتاتے ہوئے کہا کہ میونسپل کمیٹی فتح پور کو جنوری 2017ء سے 30جون 2017ء تک چار کروڑ 88لاکھ روپے کی آمدن متوقع ہے،جب کہ6 ماہ کے متوقع اخراجات کا تخمینہ 4کروڑ63لاکھ روپے ہے ، انہوں نے بجٹ پیش کرتے ہوئے بتایا کہ میونسپل کمیٹی کو مختلف ٹیکسز کی مد ،احمد علی،گیلانی مارکیٹ و دکانات ،پلاٹ کرایہ جات،شہری منقولہ جائیداد ٹیکس، لائسنسوں،منظوریوں اورپرمٹوں ،جنرل بس اسٹینڈو غیرہ سے 94لاکھ روپے سے زائداور گورنمنٹ گرانٹ اورایم سی کے ملازمین کی تنخواہوں کی مد میںتقر یبا 3کروڑ 93لاکھ روپے سے زائد آمدن متوقع ہے ،جب کہ اخراجات میں عملہ کی تنخواہوں ،سکر جینٹگ مشین کی خریداری،ترقیاتی کاموں ،سٹریٹ لائٹس ،گرین بیلٹ ،پارک سمیت سپورٹس اور یوتھ فیسٹیول ،ناگہانی آفات و غیرہ و دیگر متفرق اخراجات کے لئے4 کروڑ 63 لاکھ روپے متوقع بجٹ حصہ رکھا گیا ہے ، بجٹ ممبران کی اکثریت رائے سے متفقہ طور پر منظور کر لیا گیا،بجٹ اجلاس میںچیئر مین اظہار حسین کاہلوں، وائس چیئر مین میاں جاوید اصغر،ملک رمضان کھنڈ، ریاض الحسن ، حاجی نصراللہ جٹ، چوہدری محمد شفیع گجر ، ملک ثناء اللہ کھنڈ، ابرار نمبر دار ،تنویر حسین، سلیم گل نے شرکت کی ،جب کہ اولکھ گروپ کے چار ارکان رانا غلام مصطفی بابو،ملک حنیف کھرل ، چوہدری عبدالرزاق ، محمد اشرف نے بجٹ اجلاس میں شرکت نہیں کی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فتح پور (میاں محمد رضوان ) اختلاف رائے سے بچنے کے لئے بجٹ اجلاس طے شدہ وقت سے قبل شروع کر کے بجٹ پاس کرا لیا گیا ، دھوکہ دہی سے اقتدار میں آنے والے ہمارا سامنا کرنے سے کتراتے ہیں، جس کی بھر پور مذمت کرتے ہیں، ہر فورم پر ان کے اس رویے کے خلاف آواز اٹھائیں گے، ان خیالات کا اظہا ر میونسپل کمیٹی فتح پور میں اولکھ گروپ کے کونسلر ز کی احتجاجی پریس کانفرنس میں کرتے ہوئے کیا ، تفصیل کے مطابق میونسپل کمیٹی فتح پور میں اولکھ گروپ کے ارکان ملک حنیف کھرل،رانا غلام مصطفی بابو، ملک عبدالرزاق اورمحمد اشرف نے بجٹ اجلاس کے حوالے سے پریس کانفرنس کرتے ہوئے بتایا کہ بجٹ اجلاس کے حوالے سے ہمارے ساتھ طے شدہ ٹائم سے قبل ہی بجٹ اجلاس شروع کیا اور اہم اجلاس میں اپنی من مرضی کا پیش کردہ بجٹ پاس کر لیا گیا ، انہوں نے کہا کہ بر سر اقتدار گروپ کا پیش کردہ ہم قبول نہیں کرتے ،غیر قانونی طور پر پیش کئے گئے بجٹ اجلاس کے حوالے سے ہر فورم پر جائیں گے،اور دوبارہ بجٹ اجلاس کروائیں گے، بر سر اقتدار گروپ کو من مرضی نہیں کرنے دیں گے، انہوں نے کہا کہ بر سر اقتدار گروپ کے پاس شہر کی فلاح و بہبود کے لئے کوئی ایجنڈا نہیں ہے ، بر سر اقتدار اپنے گروپ کے کونسلروں کے وارڈز میں کاموں کو ترجیح دے رہے ہیں، انہوں نے بتایا کہ بر سر اقتدار گروپ دھوکہ دہی کے ذریعے اقتدار میں آئے ہیں،دھوکہ دہی کے ساتھ اقتدار میں آنے والے عوام کے ساتھ بھی دھوکہ دہی کر رہے ہیں،اگر انہوں نے یہی رویہ رکھا تو میونسپل کمیٹی فتح پور میں پر امن احتجاج اور اعلیٰ فورم تک آواز اٹھائیں گے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فتح پور (میاں محمد رضوان) نجی سکول کے سامنے ضلعی انتظامیہ بے بس، سرکاری سڑک پرلگے گیٹ بد ستور قائم ،شہری حیران و پرپریشان، تفصیل کے مطابق ایم ایم روڑ پر قائم نجی سکول بیکن لائیٹ پبلک سکول انتظامیہ نے سیکورٹی کے نام پر عام پبلک شاہراہ پر قبضہ کر نے کے لئے ایم ایم روڑ پر لوہے کے جنگلے لگانے کی خبر کی اشاعت پر بھی ضلعی انتظامیہ ، میونسپل کمیٹی ،محکمہ جنگلات نے کوئی نوٹس نہ لیا ، کیو نکہ نجی سکول کے مالک کو سیاسی اور جنگلات کی مکمل حمایت پشت پناہی حاصل ہے ، جنگلے ہٹانے کی بجائے بد ستور قائم ہیں، جس پر شہریوں نے شدید غم و غصہ کا اظہار کیا۔
یوم پاکستان باسکٹ بال میچ کراچی اور حیدر آباد کی ٹیموں کا اعلان
گجرات کی خبریں 17/3/2017
