لاہور (جیوڈیسک) لاہور کی مقامی عدالت نے کرکٹر عمر اکمل کے خلاف ٹریفک وارڈن سے جھگڑے کا کیس واپس لینے کی درخواست خارج کر دی۔کرکٹر عمر اکمل کو چند روز پہلے لاہور ٹریفک پولیس کی جانب سے معاف کر دیا گیا تھا، آج ماڈل ٹاوٴن کچہری میں جوڈیشل مجسٹریٹ کی عدالت میں پولیس کی جانب سے درخواست دائر کی گئی۔
پراسیکیوٹر نے دلائل دیتے ہوئے کہا کہ عمر اکمل اور وارڈن کے درمیان صلح ہو گئی ہے اس لئے کیس خارج کر دیا جائے۔ جوڈیشل مجسٹریٹ امتیاز احمد نے ریمارکس دیئے کہ ہیرو ہو یا زیرو، قانون کی نظر میں سب برابر ہیں۔ صلح کے لئے عدالت میں پیش ہونا ہو گا۔ عدالت نے کرکٹر عمر اکمل کو 14 مارچ کو پیش ہو نے کی ہدایت کر دی۔
پاکستان کرکٹ ٹیم 14 مارچ کو بنگلہ دیش روانہ ہو گی
چمپئنز لیگ : بائرن میونخ نے کوارٹر فائنل کے لیے کوالیفائی کر لیا
