کوئٹہ (اصل میڈیا ڈیسک) پاکستان ڈیموکریٹک موومنٹ کے سربراہ مولانا فضل الرحمان نے پارلیمنٹ میں انتخابی اصلاحات سے متعلق قانون سازی کو تسلیم نہ کرنے کا اعلان کیا ہے۔
کوئٹہ میں پی ڈی ایم کے زیر اہتمام احتجاجی جلسے سے خطاب میں مولانا فضل الرحمان نے کہا کہ دھاندلی کے نتیجے میں اقتدار میں آنے والی حکومت انتخابی اصلاحات لارہی ہے، انتخابی اصلاحات سے متعلق قانون سازی کو مستر د کرکے جوتے کی نوک پر رکھیں گے۔
انہوں نے کہا کہ موجودہ حکمرانوں کی جانب سے اب اگلے الیکشن کے لیے انتخابی اصلاحات لاکر دھاندلی کا پروگرام بنایا جا رہا ہے۔
پی ڈی ایم سربراہ کا کہنا تھا کہ ہم میدان میں نکلے ہیں،اس کاانشاء اللہ نتیجہ نکلے گا۔
انہوں نے وزیراعظم عمران خان کا نام لیے بغیر کہا کہ تمہاری خیر اسی میں ہے کہ اقتدار چھوڑ کر نکل جاؤ۔
کورونا وبا؛ مزید 10 افراد جاں بحق،460 مثبت کیسز رپورٹ
صوابی میں لاپتہ ٹریفک پولیس اہلکار کی لاش برآمد
