اسلام آباد (اصل میڈیا ڈیسک) اپوزیشن اتحاد پاکستان ڈیموکریٹک موومنٹ و جمعیت علمائے اسلام کے سربراہ مولانا فضل الرحمان اور لندن میں موجود سابق وزیراعظم و مسلم لیگ (ن) کے قائد نواز شریف کے درمیان ٹیلیفونک رابطہ ہوا ہے۔
ذرائع کے مطابق ٹیلیفونک گفتگو میں وزیراعظم کے خلاف تحریک عدم اعتماد کے معاملے پر مشاورت کی گئی ہے۔
ذرائع نے بتایا کہ دونوں رہنماؤں نے نمبر گیم پر اطمینان کا اظہار کیا۔
ذرائع کا کہنا ہے کہ مولانا فضل الرحمان نے نواز شریف کو اپوزیشن کی پیش قدمی سے متعلق آگاہ کیا، دونوں رہنماؤں نے موجودہ حکومت سے جلد ازجلد قوم کو نجات دلانے پر اتفاق کیا۔
خیال رہے کہ اپوزیشن کی جانب سے حکومت کے خلاف تحریک عدم اعتماد لانے کا اعلان کیا گیا تھا اور دو روز قبل مولانا فضل الرحمان نے اس حوالے سے 48 گھنٹے میں قوم کو خوشخبری سنانے کا اعلان کیا تھا۔
روس کا ویانا مذاکرات کے لیے امریکا سے ضمانتوں کا مطالبہ تعمیری نہیں: ایرانی عہدہ دار
تحریک عدم اعتماد عمران خان کیلئے تحریک اطمیمان بن جائیگی: شیخ رشید
