اسلام آباد (اصل میڈیا ڈیسک) وفاقی وزیر قانون بیرسٹرو فروغ نسیم وزارت سے مستعفی ہو گئے۔ ذرائع کے مطابق وفاقی وزیر قانون فروغ نسیم نے وزارت سے استعفیٰ دے دیا ہے اور اب وہ سپریم کورٹ میں وفاق کی نمائندگی کریں گے۔
ذرائع کا کہنا ہے کہ فروغ نسیم سپریم کورٹ میں جسٹس قاضی فائز عیسیٰ سے متعلق کیس میں وفاق کی نمائندگی کریں گے۔
استعفے کے تین روز بعد فروغ نسیم پھر وفاقی وزیر بن گئے
یاد رہے کہ اس سے قبل فروغ نسیم نے 26 نومبر کو اپنے عہدے سے استعفیٰ دیا تھا تاکہ وہ سپریم کورٹ میں آرمی چیف کی مدت ملازمت میں توسیع سے متعلق کیس میں جنرل قمر جاوید باجوہ کی پیروی کر سکیں۔
مستعفی ہونے کے بعد بیرسٹر فروغ نسیم آرمی چیف کی مدت ملازمت میں توسیع سے متعلق کیس میں جنرل قمر جاوید باجوہ کی طرف سے سپریم کورٹ میں پیش ہوئے اور مقدمے کی پیروی کی۔
بعدازاں حکومت نے سینیٹر فروغ نسیم کو دوبارہ وفاقی وزیر قانون کا عہدہ سونپ دیا تھا۔
تاہم اب فروغ نسیم ایک بار پھر جسٹس فائز عیسیٰ کیس کے لیے عہدے سے فارغ ہوگئے ہیں۔
بھارت: دو پاکستانی سفارت کاروں کو ملک چھوڑنے کا حکم
ڈینیل پرل کیس: ملزمان کی رہائی کا فیصلہ معطل کرنے کی سندھ حکومت کی اپیل مسترد
