بالی وڈ (جیوڈیسک) بالی وڈ کی اداکارہ ودیا بالن نے کہا ہے کہ فلم میں رومانس کے لئے عمر کی کوئی حد نہیں ہوتی، میں نے فلم عشقیہ میں اپنے سے بڑے اداکار نصیر الدین شاہ کے ساتھ کام کیا ہے اور اب نئی فلم بوبی جاسوس میں اپنے سے عمر میں چھوٹے اداکار علی فضل کے ساتھ کام کر رہی ہوں۔
چار جولائی کو ریلیز ہونے والی اس فلم میں ودیا بالن اپنے سے کوئی دس برس چھوٹے اداکار علی کے ساتھ جلوہ گر ہو رہی ہے۔
ودیا بالن اب تک سیف علی خان،اکشے کمار،سنجے دت، شاہد کپور اور جان ابراہام جیسے اداکاروں کے ساتھ کام کر چکی ہے ، جب کہ شاہ رخ خان، عامر خان اور سلمان خان کے ساتھ کام کرنے کی منتظر ہے۔
ایک سوال کے جواب میں ودیا بالن نے کہا ہے کہ فلم کے بارے میں میرا کوئی خاص منصوبہ نہیں ہوتا ، اور میں صرف سکرپٹ کی پیروی کرتی ہوں۔ اس میں میرے مقابل اداکار کم عمر ہو یا ادھیڑ عمر اس سے مجھے کوی فرق نہیں پڑتا۔ میں صرف کام اور کردار کو اہمیت دیتی ہوں۔
پری نیتی چوپڑا نے ٹویٹر پر اپنی ہم عصر اداکاراؤں کو پیچھے چھوڑ دیا
ہالی ووڈ فلم ” اسپیئر پارٹس”کا ٹریلر جاری
