لاہور (جیوڈیسک) فلم اسٹار شان نے کہا ہے کہ فلم انڈسٹری کے مستقبل کے لیے جدت کے ساتھ منصوبہ بندی کی جائے، اب وقت آ گیا ہے کہ فارمولہ فلموں سے پیچھا چھڑایا جائے اور موجودہ دور کے تقاضوں کے مطابق فلمیں پیش کی جائیں۔
ایک انٹر ویو میں فلم اسٹار شان نے کہا کہ ہمیں ٹی وی ڈراموں کی طرح فلموں میں بھی جاندار اسکرپٹس کو اہمیت دینا ہو گی کیونکہ جب بھی اچھا کام ہو گا اسے ضرور پزیرائی ملے گی۔ انھوں نے کہا کہ اب روائتی فلموں کا دور یکسر بدل چکا ہے ۔ہمیں روایتی فلموں سے جان چھڑانی ہو گئی اور ایسی فلمیں بنانا ہونگیں جو موجودہ دور کی عکاسی کرتی ہوں۔
انھوں نے کہا کہ ہمارے ڈائریکٹرز کو اب جدید ٹیکنالوجی سے بھی استفادہ کرنا چاہیے اور میرے خیال میں اس کے لیے بیرون ممالک سے کورسز بھی کرنے چاہئیں۔
