کراچی (جیوڈیسک) ہدایتکار سنگیتا نے کہاہے کہ پاکستان میں فلم انڈسٹری کا احیاء ہو رہا ہے اور اس بار پڑھے لکھے لوگوں کی فلم انڈسٹری میں موجودگی اور فلم بنانے کی صلاحیتوں کو دیکھا جائے تو پاکستان فلم انڈسٹری واپس اپنے عروج کی جانب آرہی ہے۔
انھوں نے کہا کہ پاکستان کی فلم انڈسٹری کی تباہی کی کوئی بھی وجہ ہو لیکن اب سب کو متحد ہوکر کام کرنا ہے۔ ان کا کہنا تھا کہ اگر نوجوان پڑھے لکھے لوگ اس شعبے میں کام کرتے رہیں گے تو وہ وقت دور نہیں جب انڈسٹری ایک بار پھر اپنے ماضی کے دور میں کامیابی کی طرح اب بھی کامیاب ہو گی۔
پاکستان میں حالیہ بننے والی فلمز کے حوالے سے انھوں نے کہا کہ اس وقت جو فلمز بن رہی ہیں اس میں کوئی شبہ نہیں ہے کہ یہ پاکستان کا سنہرا دور ہے کہ پاکستانی فلموں نے بھارتی فلموں کو بھی پچھاڑ دیا تو کیا یہ پاکستان کی جیت نہیں ہے۔ انھوں نے کہا کہ میں نے یہ سب فلمز دیکھی ہیں مجھے لگتا ہے کہ اگر اسی تسلسل کے ساتھ فلمز بننے لگیں تو پاکستان کا وہ دور واپس آ سکتا ہے۔ اپنی فلم کے بارے میں ان کا کہنا تھا کہ میری فلم کی شوٹنگ تیزی سے جاری ہے سال 2016 میں فلم کو ریلیز کرنے کا ارداہ ہے جس کے لیے تمام کاسٹ اور ٹیکنکل عملہ سرگرم عمل ہے۔
ٹام کروز سے شادی کے وقت کمسن اور ناسمجھ تھی،نکول کڈمین
فہد مصطفی اور ماہرہ خان ایک ساتھ فلم میں کام کریں گے
