ممبئی (جیوڈیسک) بالی ووڈ کی دبنگ گرل سوناکشی سنہا کہتی ہیں کہ ان کی خواہش ہے کہ وہ ہریتھک روشن کے ساتھ کسی فلم میں کام کریں۔
وہ ایسی فلموں میں کام کرتی ہیں جسے ناظرین کی ناظرین تعداد دیکھے اور انہیں خوش کرے۔ گزشتہ فلموں میں ان کے کرداروں میں یکسانیت محض ایک اتفاق ہے لیکن اب انہوں نے عہد کررکھا ہے کہ وہ مختلف کردار بھی نبھائیں اور آئندہ برس ناظرین کو وہ مختلف انداز میں نظر آئیں گی۔
سوناکشی سنہا کا کہنا تھا کہ انہوں نے اپنے فلمی کیرئیر کے دوران جہاں سلمان خان، اجے دیوگن اور اکشے کمار کے ساتھ کام کیا ہے وہیں وہ نوجوان ہیروز کے ساتھ بھی اداکاری کے جوہر دکھائے ہیں لیکن ان کا خواب ہے کہ وہ ہریتھک روشن کے ساتھ کام کریں کیونکہ ان کے ساتھ بڑی اسکرین میں رنگ جمانے کا لطف ہی دوسرا ہو گا۔
