اسلام آباد (اصل میڈیا ڈیسک) پاکستانی فٹبال فینز کیلئے بڑی خبر سامنے آگئی ہے کہ سابق برطانوی فٹبالر مائیکل اوون رواں ہفتے پاکستان کے پہلے فٹبال سٹی کا سنگ بنیاد رکھنے کیلئے اسلام آباد پہنچیں گے۔
ذرائع کا کہنا ہے کہ سابق برطانوی فٹبالر مائیکل اوون 25 جنوری منگل کی صبح اسلام آباد پہنچیں گے جہاں وہ وزیراعظم عمران خان اور ان کے معاون خصوصی عثمان ڈار سے ملاقات کریں گے ۔
اس کے علاوہ وہ آرمی چیف سے ملاقات کے ساتھ صدر ڈاکٹر عارف علوی کی جانب سے منعقدہ ایک اعلیٰ سطحی صدارتی استقبالیہ میں شرکت بھی کریں گے۔
رپورٹس کے مطابق 26 جنوری کو مائیکل اوون این ای ڈی یونیورسٹی میں ایک پریس کانفرنس میں شرکت کریں گے جس کے بعد وہ باضابطہ طور پر پاکستان کے پہلے فٹبال سٹی کا سنگ بنیاد رکھیں گے۔
مائیکل اوون کا کہنا ہے کہ’ میں پاکستان کے سب سے بڑے فٹ بال ٹرانسفارمیشن پروگرام کی سربراہی کیلئے بہت پرجوش ہوں’۔
بھارت براستہ پاکستان 50 ہزار ٹن گندم افغانستان بھیجے گا
پاکستان میں کورونا سے مزید 8 اموات، 7000سے زائد کیسز بھی رپورٹ