کراچی (اسپورٹس رپورٹر) اللہ داد محمڈن فٹ بال کلب کے زیر اہتمام سرحد اسپورٹس لانڈھی کے تعاون سے جاری آل کراچی انیس و راجہ شہید یادگاری فٹ بال ٹورنامنٹ میں میزبان کلب سرحد اسپورٹس نے اہم میچ میں ایک کانٹے دار مقابلے کے بعد مد مقابل مضبوط حریف مسلم برادرز کورنگی کو 1-0سے شکست دیکر ٹورنامنٹ کے ٹاپ 8میں جگہ کنفرم کر لی۔
کھیل کے دوران دونوں ٹیموں نے ابتداء ہی سے نہایت تیز اور عمدہ کھیل کا مظاہرہ کیا دوسرے ہاف کے 50ویں منٹ میں سرحد اسپورٹس کے سلمان اپنی انفرادی کوششوں سے گول اسکور کرکے اپنی ٹیم کی کامیابی میں نمایاں کردار ادا کیا۔
کھیل کے اختتام پر مہمان خصوصی ڈسٹرکٹ فٹ بال ایسوسی ایشن ملیر کے وائس چیئر مین سائیں عبدالحق جوکھیو کا دونوں ٹیموں کے کھلاڑیوں سے تعارف کرایا گیا اس موقع پر ڈی ایف اے ملیر ریفریز ایسوسی ایشن کے سیکریٹری محمد رفیق بلوچ ،کوچ اللہ داد محمڈن محمد علی ،خان گل،شاہد اور مصطفیماربل والے ،احمد بلوچ ،طارق خان ،با با آدم ،جان محمد گبول اور دیگر موجود تھے کھیلے گئے میچ میں ریفریز کے فرائض نیشنل فٹ بال ریفری عبدالرشید ۔ممتاز شاہ اور عبدالغفار بلوچ نے انجام دیئے جبکہ میچ کمشنر شاہ جہاں بلوچ اور میڈیا کوارڈینٹر شیر افضل تھے۔
خورشید گورنمنٹ گرلز ڈگری کالج شاہ فیصل کالونی میں محفل میلاد کی روح پرور تقریب کا انعقاد
کراچی: منگھوپیر میں ٹرک اور کار میں تصادم، ایک شخص جاں بحق
