اسلام آباد (اصل میڈیا ڈیسک) وفاقی وزیر داخلہ شیخ رشید احمد کا کہنا ہے کہ پاکستان میں موجود تمام غیر ملکیوں کو رجسٹرڈ کرنے کا فیصلہ کیا ہے۔
اسلام آباد میں میڈیا سے گفتگو کرتے ہوئے شیخ رشید کا کہنا تھا کہ پاکستان میں 70 سالوں کے دوران 40 سے 50 ہزار غیر ملکی آئے جن کا اتا پتہ ہی نہیں ہے۔
وفاقی وزیر داخلہ کا کہنا تھا کہ اب پاکستان میں موجود تمام غیر ملکیوں کو رجسٹرڈ کرنے کا فیصلہ کیا ہے۔
شیخ رشید کا کہنا تھا کہ تمام ویزے آن لائن کر دیے گئے ہیں جبکہ طورخم بارڈر پر پھنسے پاکستانیوں کی آمد کے لیے راستہ تلاش کر رہے ہیں اور پاکستانیوں کے لیے سرحد کھول رہے ہیں۔
کالعدم تحریک لبیک سے متعلق پوچھے گئے سوال پر وزیر داخلہ کا کہنا تھا کہ ٹی ایل پی کا فیصلہ کابینہ میں ہو گا، کابینہ کالعدم قرار دیتی ہے تو ٹی ایل پی کالعدم ہو جائے گی ورنہ نہیں۔
چیئرمین پیپلز پارٹی بلاول بھٹو زرداری سے متعلق بات کرتے ہوئے شیخ رشید کا کہنا تھا کہ بلاول دل کا جانی ہے، بلو رانی کے خلاف کوئی بات نہیں کروں گا۔
آزاد کشمیر کی قانون ساز اسمبلی کے انتخابات کے حوالے سے شیخ رشید کا کہنا تھا کہ آزاد کشمیر میں بلا جیتے گا، عمران خان کشمیر جا رہے ہیں، تحریک انصاف کشمیر میں حکومت بنائے گی۔
مقبوضہ کشمیر میں بھارتی ریاستی دہشتگردی جاری، مزید 4 نوجوانوں کو شہید کر دیا
لڑکے لڑکی پر تشدد کا معاملہ، وزیراعظم نے واقعے کا نوٹس لے لیا
