اسلام آباد (جیوڈیسک) عسکری ادارہ امراض قلب میں زیرعلاج سابق صدر پرویز مشرف کے آئندہ دو روز میں گھر منتقل کیے جانے کا امکان ہے، دوسری جانب سابق صدر کی صحت بارے خصوصی عدالت میں پیش کی جانیوالی رپورٹ تیار نہ کی جا سکی۔
ذرائع کے مطابق پرویز مشرف کے معالجوں نے انہیں ہسپتال سے گھر منتقل کرنے کے لیے مشاورت شروع کر دی ہے۔
سابق صدر کی تمام میڈیکل رپورٹس کا جائزہ لیا جا رہا ہے اور آئندہ ایک سے دو روز میں انہیں گھر منتقل کیے جانے کا امکان ہے۔
ذرائع کا کہنا ہے کہ تاحال پرویز مشرف کے دل اور دماغ سے متعلق رپورٹس کلیئر قرار نہیں دی گئیں۔
دوسری جانب ذرائع کے مطابق پرویز مشرف کی عدالت میں پیش کی جانیوالی میڈیکل رپورٹ تاحال تیار نہیں کی جا سکی۔
راولپنڈی: اہم شخصیات اور دفاتر پر حملوں کا خطرہ، سیکیورٹی مزید سخت
شمالی وزیرستان، پاک فوج کی کارروائی کے بعد مقامی لوگوں کی نقل مکانی
