اسلام آباد (جیوڈیسک) سابق صدر پرویز مشرف غداری کیس میں خصوصی عدالت میں پیشی کا امکان ہے، اے ایف آئی سی میں سیکیورٹی اہل کاروں کی غیر معمولی نقل و حرکت ہے اور بڑی تعداد میں سیکورٹی اہلکار تعینات کیے گئے ہیں۔
قبل بم ڈسپوزل اسکواڈ نے خصوصی عدالت کے احاطے کی تلاشی لی۔ ذرائع کے مطابق اے ایف آئی سی سے عدالت جانے والے راستے پر ایک ہزار سے زائد سیکورٹی اہلکار تعینا کیے گئے ہیں۔ خصوصی عدالت نے سابق صدر کو سنگین غداری کیس میں طلب کر رکھا ہے۔
جسٹس فیصل عرب کی سربراہی میں خصوصی عدالت کا تین رکنی بینچ کیس کی سماعت کر رہا ہے۔ آج سماعت کے دوران جسٹس فیصل عرب نے سابق صدر کے وکیل سے استفسار کیا کہ پرویز مشرف کب پیش ہوں گے۔
سابق صدر کے وکیل انور منصور ایڈوکیٹ نے کہا کہ سیکورٹی حکام نے جب کہا پرویز مشرف پیش ہو جائیں گے، سیکورٹی حکام پرویز مشرف کی آمد کے بارے میں وقت کا تعین کرینگے، ان کی عدالت آمد کا درست وقت نہیں بتا سکتا۔
سرجانی ٹاون سے ملنے والی تین لاشوں کی شناخت ہو گئی
غداری کیس: مشرف پر فرد جرم عائد نہ کی جاسکی، سماعت 21 فروری تک ملتوی
