لاہور : ممبر قومی اسمبلی این اے 118 حاجی ملک محمد ریاض نے کہا ہے کہ تعلیم کے فروغ اور وطن عزیز پاکستان کا مستقبل مزید روشن کرنے کیلئے حکومت کے جانب سے کئے جانیوالے تمام اقدامات قابل تحسین ہیں، وزیر اعظم پاکستان میاں محمد نواز شریف اور وزیر اعلی پنجاب میاں محمد شہباز شریف اس نیک مشن کو پروان چڑھانے میں ناقابل فراموش کردار ادا کر رہے ہیں۔
ان خیالات کا اظہار انہوں نے ممبر صوبائی اسمبلی غزالی سلیم بٹ کے ہمراہ شاہدرہ کے گورنمنٹ ایم پی ای ہائی سکول میں 1کروڑ 48لاکھ روپے کی لاگت سے جبکہ گورنمنٹ ایم سی بوائز سکول رسول پارک شاہدرہ میں 1کروڑ 40لاکھ روپے کی لاگت سے تیار کئے جانیوالے 3منزلہ عمارت پر مشتمل نئے بلاک کا سنگ بنیاد رکھنے کے بعد میڈیا سے گفتگو کرتے ہوئے کیا ، حاجی ملک محمد ریا ض کا کہنا تھاکہ پاکستان کے مستقبل کو مزید مستحکم اور روشن بنانے کیلئے تمام تر وسائل کو بروئے کار لایا جا رہا ہے جس کی بدولت انشاء اللہ بہت جلد پڑھا لکھا پاکستان کے خواب کو شرمندہ تعبیر بنا لیا جائے گا۔
انہوں نے کہا کہ این اے8 11 میںہر طرف ترقیاتی کاموں کا جال بچھا دیا گیا ہے تمام سکولز و کالجز اور رہائشی علاقے کی ترقی کیلئے بلا تفریق خدمات سرانجام دی جارہی ہیں اور پاکستان مسلم لیگ ن کی قیادت کی جانب سے عوام کے ساتھ کئے جانیوالے تمام وعدوں کو پورا کیا جارہاہے ، پاکستان مسلم لیگ ن حقیقی معنوں میں ملک و قوم کی عملی خدمت کا نام ہے ، آج الحمد اللہ پاکستان ترقی کی شاہراہ پر گامزن ہے جووزیراعظم میا ں محمد نوازشریف اور وزیر اعلیٰ پنجاب میاں محمد شہباز شریف کاملک وقوم سے بے لوث محبت اور عملی خدمت کا منہ بولتا ثبوت ہے۔
وزیر اعلی پنجاب نے ایجوکیشن اور سپورٹس کے سلسلہ میں مجھے کبھی مایوس نہیں کیا۔ محمد یعقوب ندیم
ڈاکوئوں نے اسلحہ کے زور پر ایک لاکھ پندرہ ہزار روپے نقدی چھین کر فرار
