فرانس کے دارالحکومت پیرس کے مضافاتی علاقے ٹریپس میں حجاب کے معاملے پر شروع ہونے والی کشیدگی بدستور جاری ہے۔ فرانس میں حجاب کے مسئلے پر شروع ہونے والی کشیدگی مختلف علاقوں میں پھیل رہی ہے۔ کشیدگی کا آغاز اس وقت ہوا۔ جب پولیس نے ایک خاتون کو حجاب اترانے کی ہدایت کی۔ خاتون کے شوہر نے مخالفت کی تو پولیس نے انہیں گرفتار کرلیا۔
جس کے بعد فسادات پھوٹ پڑے۔ سیکڑوں افراد نے ٹریپس پولیس اسٹیشن پر دھاوا بول دیا۔ جہاں گرفتار کئے جانے والے شخص کو رکھا گیا تھا۔ مشتعل افراد نے متعدد گاڑیوں کو آگ لگا دی اور پولیس کو آگ کے گولوں کا نشانہ بنایا گیا۔ پولیس نے ہنگامہ آرائی کے الزام میں چار افراد کو گرفتار کرلیا۔ فرانس میں عوامی مقامات پر حجاب پہننے پر پابندی اپریل دو ہزار گیارہ میں لگائی گئی تھی اوراس پر عمل نہ کرنے والوں کو جرمانے کی سزا تجویز کی گئی تھی۔
عراق میں سیکیورٹی فورسز نے 2 جیلوں پر حملہ ناکام بنا دیا
مصری عبوری حکومت کا خارجہ تعلقات مستحکم بنانے کا اظہار
