تحریک آزادی کا بیس کیمپ غیر ریاستی جماعتوں کا اکھاڑہ بن چکا ہے آزاد کشمیر کی سابقہ و موجودہ قیادتیں اقتدار
بھمبر ( ڈسٹرکٹ رپورٹر ) تحریک آزادی کا بیس کیمپ غیر ریاستی جماعتوں کا اکھاڑہ بن چکا ہے آزاد کشمیر کی سابقہ و موجودہ قیادتیں اقتدار حاصل کرنے کیلئے کشمیریوں کی بولی لگاتے ہیں مقبوضہ کشمیر کی نام نہاد قیادت دہلی اور آزاد کشمیر کا اقتداری ٹولہ اسلام آباد کے گن گا رہا ہے ریاست جموں و کشمیر کے عوام کو مفاد پرست ٹولے سے نجانے دلانے کیلئے فریڈم موومنٹ جلد لائحہ عمل کا اعلان کرے گی فریڈم موومنٹ کی جدوجہد مکمل آزاد اسلامی ریاست کے قیام تک جدوجہد جاری رہے گی ان خیالات کا اظہار مرکزی راہنما کشمیر فریڈم موومنٹ محمد یاسین تبسم نے میڈیا نمائندگان سے گفتگو کرتے ہوئے کیا انہوں نے کہا کہ آزاد کشمیر اور مقبوضہ کشمیر میں نام نہاد اقتدار پرست ٹولہ نے ریاست جموں و کشمیر کے عوام کو آزادی کے نام پر بے وقوف بنا رکھا ہے مقبوضہ کشمیر کی نام نہاد قیادت دہلی جبکہ آزاد کشمیر کی قیادت اسلام آباد کو خوش کرنے میں مصروف ہے ریاست جموں وکشمیر کے وسائل غیر ریاستی جماعتوں کی تشہیر سمیت ان کے لیڈروں کو نوازانے کیلئے استعمال ہو رہے ہیں آزاد کشمیر کو تحریک آزادی کا بیس کیمپ قرار دیا گیا لیکن اقتدار کے نشے میں دھت تحریک آزادی سے نا بلد کشمیری قیادت نے اصل مقصد سے ہٹ کر کشمیریوں کو مزید غلامی میں دھکیل دیا ہے انہوں نے کہا برطانیہ میں مقیم کشمیریوں سے تحریک آزادی کے نام پر فنڈز اینٹھ کر اپنے ذاتی بینک بیلنس میں اضافہ کیا جا رہا ہے جبکہ دوسری طرف بھارت مقبوضہ کشمیر میں ظلم کے پہاڑ توڑ رہا ہے اور بھارتی بربریت کے توڑ کیلئے کسی قسم کی سفارتی کوششیں نہیں کی جا رہی ہیں انہوں نے کہا کہ فریڈم موومنٹ بہت جلد لائحہ عمل ترتیب دے کر اقتدار پرستوں کی عیاشیوں اور تحریک آزادی کو نقصان پہنچانے والی داستانوں کو بے نقاب کرے گی اور مکمل آزاد اسلامی ریاست کے قیام تک جدوجہد جاری رکھے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تیل کی قیمتوں میں کمی کے باوجود بھمبر میں ٹرانسپورٹ کے کرایے کم نہ کرائے جا سکے ٹرانسپورٹر سابقہ کرائے وصول کرنے میں بھمبر ( ڈسٹرکٹ رپورٹر ) تیل کی قیمتوں میں کمی کے باوجود بھمبر میں ٹرانسپورٹ کے کرایے کم نہ کرائے جا سکے ٹرانسپورٹر سابقہ کرائے وصول کرنے میں مصروف ضلعی انتظامیہ نے بھی آنکھیں موند لیں بھمبر میں ٹرانسپورٹ کے کرائے جائیں مسافروں اور عوام علاقہ کا مطالبہ تفصیلات کے مطابق حکومت کی طرف سے تیل کی قیمتوں میں کمی کی گی جس پر ملک کے متعدد حصوں میں ٹرانسپورٹروں نے کرایوں میں کمی کی جبکہ بھمبر میں انتظامیہ کی عدم دلچسپی کے باعث ٹرانسپورٹ کے کرایے کم نہ کرائے جا سکے اور ٹرانسپورٹر سابقہ کرائے ہی وصول کر رہے ہیں جس کے باعث مختلف روٹس پر سفر کرنے والے مسافروں ، ملازمین اور عوام علاقہ زائد کرایہ دے کر سفر کرنے پر مجبور ہیں مسافروں اور عوام علاقہ نے کہا کہ حکومت کی طرف سے تیل کی قیمتوں میں خاطر خواہ کمی کا ریلیف عام عوام کو بھی ملنا چاہیے ڈپٹی کمشنر بھمبر نوٹس لے کر ٹرانسپورٹ کرایوں میں کمی کروائیں تا کہ عوام کو بھی حقیقی ریلیف مل سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ ق کا 22 نومبر کو بہاولپور میں جلسہ عظیم الشان اور تاریخی ہو گا جلسہ موجود ہ کرپٹ اور نااہل حکومت بھمبر ( ڈسٹرکٹ رپورٹر ) پاکستان مسلم لیگ ق کا 22 نومبر کو بہاولپور میں جلسہ عظیم الشان اور تاریخی ہو گا جلسہ موجود ہ کرپٹ اور نااہل حکومت کی نیندیں اڑا دے گا عوام جلسہ میں بھر پور شرکت کر کے حکومت کے خلاف عدم اعتماد کا اظہار کرینگے ان خیالات کا اظہار پاکستان مسلم لیگ ق سائوتھ افریقہ کے صدر چوہدری ماجد مکیانہ نے صحافیوں سے گفتگو کرتے ہوئے کہا انہوں نے کہا کہ میاں برادران کی موجودہ حکومت نااہل اور کرپٹ ہے جس نے ملک کو اندرونی اور بیرونی طور پر خطرات سے لاحق کر دیا ہے ملک کے اندر کرپشن ، لوٹ مار ، مہنگائی ، لوڈ شیڈنگ ، بے روز گاری اور لا قانونیت عروج پر ہے حکومت کو عوامی مسائل سے کوئی دلچسپی نہ ہے موجودہ حکمران ملک کو لوٹنے میں مصروف ہیں اور بیرون ملک بینک بیلنس میں اضافہ کے سوا کچھ نہیں کر سکے عوام بھوکے مر رہے ہیں جبکہ حکمران عیاشیوں میں مصروف ہیں کرپٹ اور نااہل حکمرانوں سے عوام سے دو وقت کی روٹی کا نوالہ چھین لیا ہے اب ان کا اقتدار میں مزید رہنا ملک کی تباہی کا باعث بنے گا انہوں نے کہا کہ پاکستان کے عوام خاندانی بادشاہت اور کرپٹ حکمرانوں کو خوب جان چکے ہیں اب ان سے چھٹکارہ حاصل کرنا چاہتے ہیں پاکستان مسلم لیگ ق نے موجودہ کرپٹ اور نا اہل حکمرانوں کے خلاف تحریک کا آغاز کر دیا ہے 22 نومبر کو بہاولپور میں تاریخ ساز اور عظیم الشان جلسہ منعقد ہو گا جس میں عوام بھر پور شرکت کر کے موجودہ حکومت کے خلاف عدم اعتماد کا اظہار کرینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر اندرون شہر تجاوزات کی بھر مار ، شہریوں گاہکوں ، راہگیروں کو بازاروں سے گزرانے میں دقت کا سامنا ٹریفک جام معمول بن گیا بھمبر ( ڈسٹرکٹ رپورٹر ) بھمبر اندرون شہر تجاوزات کی بھر مار، شہریوں گاہکوں، راہگیروں کو بازاروں سے گزرانے میں دقت کا سامنا ٹریفک جام معمول بن گیا بلدیہ بھمبر بازاروں میں غیر قانونی تھڑے ، ٹھیلے اور دیگر تجاوزات ختم کرائے شہریوں کا مطالبہ تفصیلات کے مطابق بھمبر کے اندرون بازاروں میرپور چوک تا سماہنی چوک ، لاری اڈہ روڈ، مین بازار، مسلم بازار، تھانہ روڈ، گجرات روڈ پر دوکانداروں نے اپنی دوکانوں کے باہر ریڑھیاں لگانے کے ساتھ ساتھ تھڑے بھی بنا رکھے ہیں جس کے باعث بازاروں میں ٹریفک جام رہنا معمول بن چکا ہے جبکہ بازاروں میں خریداری کیلئے آنے والے گاہکوں سمیت عام راہگیروں ، شہریوں طلبا طالبات کو بھی بازاروں میں تجاوزات کے باعث گذرنے میں مشکلات کا سامنا ہے شہری اور عوامی حلقوں نے بلدیہ بھمبر کے اعلی حکام سے مطالبہ کیا ہے کہ اندرون شہر قائم ناجائز تجاوزات کا خاتمہ کیا جائے تا کہ بازاروں میں عام شہریوں اور گاہکوں کو گذرنے میں آسانی اور ٹریفک کی روانی بہتر ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مسئلہ کشمیر کو حل کیے بغیر جنوبی ایشیا میں امن کا خواب کسی صورت پورا نہیں ہو سکتا بھمبر ( ڈسٹرکٹ رپورٹر ) مسئلہ کشمیر کو حل کیے بغیر جنوبی ایشیا میں امن کا خواب کسی صورت پورا نہیں ہو سکتا پیپلز پارٹی نے مسئلہ کشمیر کو بین الاقوامی سطح پر اجاگر کرنے میں اہم کردار ادا کیا ان خیالات کا اظہار پاکستان پیپلز پارٹی آزاد کشمیر سٹی بھمبر کے صدر چوہدری سعید خادم ایڈووکیٹ نے کیا انہوں نے کہا کہ بھارت دنیا کا سب سے بڑا دہشت گرد اور انسانیت کا قاتل ہے جس نے کشمیریوں کی آزادی کو سلب کر رکھا ہے اور ان کو حق خودارادیت دینے سے انکاری ہے بھارت مقبوضہ کشمیر میں معصوم اور بے گناہ انسانوں کو قتل کر کے تحریک آزادی کشمیر کو ختم کرنے کی کوششیں کر رہا ہے اقوام متحدہ یورپی ممالک اور او آئی سی بھارتی جارحیت بربریت اور قتل و غارت کا نوٹس لے انہوں نے کہا کہ پیپلز پارٹی کی بنیاد مسئلہ کشمیر پر رکھی گئی تھی پیپلز پارٹی نے ہر دو ر میں مسئلہ کشمیر کو اجاگر کرنے اور اس کو حل کروانے کیلئے اپنا بھر پور رول ادا کیا ہے پیپلز پارٹی نے مسئلہ کشمیر کو بین الاقوامی سطح پر اجاگر کیا ہے اور دنیا کو باور کروایا ہے کہ مسئلہ کشمیر جنوبی ایشیا میں مسائل کی اصل جڑ ہے جب تک مسئلہ کشمیر کو حل نہیں کیا جاتا اس وقت تک جنوبی ایشیا میں امن کے قیام کا خواب کسی صورت پورا نہیں ہو سکتا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک شوکت اعوان ، ملک مشتاق اعوان ، ،ملک یوسف اعوان ، ملک عبدالمجید ، ماسٹر ملک محمد طارق، ملک طفیل اعوان بھمبر ( ڈسٹرکٹ رپورٹر ) ملک شوکت اعوان ، ملک مشتاق اعوان ، ،ملک یوسف اعوان ، ملک عبدالمجید ، ماسٹر ملک محمد طارق، ملک طفیل اعوان ، ملک عامر شہزاد، ملک امجد حسین ، محمد یٰسین تبسم نے اپنے ایک مشترکہ بیان میں ملک غلام غوث کی والدہ محترمہ کی وفات پر گہرے دکھ اور غم کا اظہار کرتے ہوئے لواحقین سے اظہار تعزیت کیا ہے اور دعا کی ہے کہ اللہ تعالیٰ پسماندگان کو ماں کی جدائی کا غم جھیلنے کی توفیق عطا فرمائے اور مرحومہ کو اپنے جوار رحمت میں جگہ دے۔
