پیرس (جیوڈیسک) پیرس فرنچ اوپن ٹینس ٹورنامنٹ کے فائنل میں کون کون سے کھلاڑی پہنچیں گے، اس کا فیصلہ آج ہوجائے گا۔ پیرس میں جاری ایونٹ میں آج کا پہلا سیمی فائنل ٹاپ سیڈ نوواک جوکووچ اور دفاعی چمپئن رافیال نڈال کے درمیان ہوگا۔
اسپین کے رافیال نڈال اس سے قبل 7 بار ٹائٹل جیت چکے ہیں، جبکہ نوواک جوکووچ نے صرف ایک مرتبہ فائنل میں جگہ بنائی۔ دوسرا سیمی فائنل اسپین کے ڈیوڈ فیرر اور فرانس کے جو ولفریڈ سونگا کے درمیان ہو گا، جو ولفریڈ سونگا نے کوارٹر فائنل میں سابق چمپئن راجر فیڈرر کو شکست دی تھی۔