گجرات (جی پی آئی) صدر پنجاب نعت کونسل و صدر سٹیزن فرنٹ شیخ عرفان پرویز کے صاحبزادے شیخ ریحان عرفان رشتہ ازدواج میں منسلک ہو گئے ۔ ان کا نکاح جلالپورجٹاں کے تاجر راہنما شیخ مبشر کی صاحبزادی سے بخیرو خوبی سرانجام پایا اس موقع پر شیخ جمشید اقبال ، شیخ عبدالمناک ، شیخ مدثر حسین ، شیخ شاہد شیخ ظہیر ، ملک عثمان ، شیخ نبیل سیٹھی ، شیخ عدنان پرویز ، شیخ فرخ ، شیخ طیب ، شیخ عامر ، قاسم سیٹھی ، ڈاکٹر رزاق احمد غفار و دیگر نے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ممتاز ثناء خوان رسول عارف شاہد گوندل کے والد محترم علامہ امان اللہ نعمانی قضائے الٰہی سے انتقال کر گئے مرحوم کی روح کے ایصال ثواب کیلئے ختم قل آج مورخہ 20ستمبر بروز منگل ان کے آبائی گائوں موضع جھیورانوالی کی جامع مسجد جوہڑ والی میں پڑھا جائے گا اجتماعی دعا 11بجے ہوگی دوست و احباب سے شرکت کی استدعا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ممتازسماجی رہنما انسانی حقوق کمیٹی کے چیئرمین سابق مرکزی نائب صدر تحریک استقلال سید باقررضوی کے صاحبزادے بزنس مین سید امجد رضوی کے بھتیجے سید شفیق الرحمن کی دعوت ولیمہ گزشتہ روز قندفشاں میرج ہال میں منعقد ہوئی سید باقررضوی ،سید ا مجد رضوی ،سید شفیق الرحمن ،افتخاربھٹہ ،چوہدری خالد پرویزمنگا ودیگرنے مہمانوں کااستقبال کیا تقریب میں ممتاز شخصیات نے شرکت کی ،شرکت کرنیوالوں میں سابق صوبائی وزیرمیاں عمران مسعود،جماعت اسلامی ضلع گجرات کے امیرڈاکٹرطارق سلیم،اسلامی نظریاتی کونسل کے رکن صاحبزادے سعید شاہ گجراتی ،انجمن تاجران گجرات کے صدرجاوید بٹ،سابق ایم پی اے سید علی ہارون شاہ،صنعتکارفرقان اے ایوب،سابق تحصیل نائب ناظم حاجی الیاس الرحمن،سید خالد محمود گیلانی،عالم دین سید الطاف الرحمن ،سابق امیدوارچیئرمین رہنماپی ٹی آئی حاجی شبیروڑائچ، سابق صدور پریس کلب محمد طفیل میر،راجہ طارق محمود،وائس چیئرمین چوہدری تنویر،خان امان اللہ خان،خان دلاورخاں،ڈاکٹرارشد،سید عدیم شاہ جنگی،سید علیم امتیازشاہ،حاجی غفوربٹ،وسیم حیدرایڈووکیٹ، سید ساجے شاہ،سید صفدرشاہ گیلانی،محمد منیب،چوہدری فرخ پرویز،چوہدری سرفرازایڈووکیٹ،ٹھیکیدارلیاقت علی،ملک عدیل جنگ ایجنسی،انجینئرعبادعلی بھٹہ،مولاناعبدالوہاب عابد،عامرمنگا،احسان فیصل کنجاہی،حاجی محمد شفیع آف حاجیوالہ،یاورعباس،طاہرمانڈہ،صفدرمحمود شاہ،محمدانورشیخ سمیت سینکڑوں دیگرشریک ہوئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)گجرات میں دن دیہاڑے ڈکیتی کی دو دلیرانہ وارداتوں میں تین نامعلو م مسلح ڈاکوئوں نے گن پوائنٹ پر لاکھوں روپے کے زیورات اور نقدی چھین لی اور فرار ہو گئے ،پولیس سوتی رہ گئی، ڈاکو اہل خانہ پر تشدد بھی کرتے رہے ، تفصیل کے مطابق گزشتہ روزگجرات میں دن دیہاڑے ڈکیتی کی پہلی واردات تھانہ سول لائن گجرات کے علاقہ محلہ سردار پورہ میں چوہدری اکرام ملہی کے گھر ہو ئی جہاں تین نامعلوم ڈاکوئوں نے اسلحہ کے زور پر اہل خانہ کو یرغمال بنا کر ایک کمرہ میں بند کر دیا اور گھر مین موجود ساڑھے تین لاکھ روپے کے زیورات اور ہزاروں کی نقدی لوٹ لی اور فرار ہو گئے نے ڈاکوجاتی دفعہ خواتین اوربچوں کو تشدد کا نشانہ بنا یا اور اسلحہ کے بٹ مار کر شدید زخمی کردیا اور فرار ہو گئے ،ڈکیتی کی دوسری واردات محلہ کالو پورہ میں ٹی ایم اے گجرات کے سینٹری انسپکٹر مشتاق بٹ کے ماموں کے بیٹے مظہر بٹ کے گھر ہو ئی ڈاکو مہمان بن کر ان کے گھر داخل ہو ئے اور گن پوانئٹ پر اہل خانہ کو یرغمال بنا کر گھر میں موجود چھ لاکھ روپے کے زیورات اور نقد ی لے اڑے ڈاکوئوں نے گھر مین موجود معذور پر بھی تشدد کر اسے زخمی کر دیا اور فرار ہو گئے،پولیس کو جب ان دونوں وقوعہ کی اطلاع ملی تو پولیس موقع پر پہنچ گئی ،پولیس نے الگ الگ مقدمات درج کر کے تفیتش شروع کر دی ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈی سی او لیاقت علی چٹھہ ، ڈی پی او سہیل ظفر چٹھہ نے کہا ہے کہ محرم الحرام کے دوران لاء اینڈا رڈر برقرار رکھنے اور شہریوں کے جان و مال کے تحفظ کیلئے ہرممکن اقدامات کئے جائیں گے، لائوڈ سپیکر ایکٹ سمیت تمام قوانین پر عمل درآمد یقینی بنایا جائے گا ، منتظمین محرم الحرام کے دوران ایسے علماء منافرت پھیلانے والے مقررین کو مدعو نہ کریں، ان خیالات کا اظہار انہوںنے ضلعی امن کمیٹی کے ہنگامی اجلاس سے خطاب کرتے ہوئے کیا، ایڈمنسٹریٹر ٹی ایم اے /اے ڈی سی عرفان علی کاٹھیا، ایم پی اے میجر (ر) معین نواز،مسلم لیگ ن کے راہنما چوہدری مبشر حسین، چوہدری منظورحسین وڑائچ، صاحبزادہ سید سعید شاہ گجراتی، ڈاکٹر طارق سلیم، پروفیسر سرفراز جعفری، عثمان افضل قادری، مرزا نعیم الرحمن نے بھی اظہار خیال کیا، ڈی او سی نواز گوندل، اسسٹنٹ کمشنرز نورالعین، ذوالفقار علی باگڑی ،ا ذبہ اعظم ، سینئر صحافی طفیل میر، وسیم اشرف بٹ، اظہر عطاری ، سید الطاف الرحمان مختلف مسالک کے علما ء کرام بھی موجود تھے۔ڈی سی او لیاقت علی چٹھہ نے کہا کہ تمام مجالس اور جلوسوںکی سکیورٹی کیلئے پولیس نفری کے ساتھ سول ڈیفنس کے رضا کار بھی ڈیوٹی دینگے، مجالس اور جلوسوںکے داخلی راستوں پر سی سی ٹی وی کیمرے لگائیں جائیں گے جنہیں لاہور میں صوبائی حکومت کے مرکزی کنٹرول روم سے بھی منسلک کیا جائے گا۔ انہوں نے ہدایت کی کہ ٹی ایم ایز اپنے علاقوں میں مجالس اور جلوس کے روٹس پر جہاں درکار ہو پیچ ورک کرائیں، تجاوزات کا خاتمہ اور روشنی کا مناسب انتظام کیا جائے۔ ڈی سی او نے امن کمیٹی کے ممبران سے کہا کہ وہ مجالس اور جلوس کے ہمراہ رہیں اور تمام معاملات کی نگرانی کریں ۔ ڈسٹرکٹ پولیس آفیسر سہیل ظفر چٹھہ نے کہا کہ ضلعی پولیس محرم الحرام کے دوران اپنے فرائض مکمل ذمہ داری اور غیر جانبداری سے سرانجام دے گی تاہم انہوںنے واضع کیا کہ قانون ہاتھ میں لینے والوں کے ساتھ سختی سے نمٹا جائے گا۔ انہوںنے مجالس او ر جلوسوں سے کے منتظمین سے کہا کہ وہ مقررہ اوقات اور روٹس کی پابندی یقینی بنائیں ۔ انہوںنے واضع کیا کہ حکومت کی طرف سے لائوڈ سپیکر ایکٹ پرسختی سے عمل درآمد کی ہدایات ہیں مساجد پر ایک سے زائد ہارن لگانے کی ہرگز اجازت نہیں دی جائے گی اسی طرح محرم الحرام کے دوران چاند گاڑی وغیر پر اونچی آواز سے ڈیک چلانے کی بھی ہرگز اجازت نہیں ہوگی ۔ ایم پی اے میجر (ر) معین نواز، مسلم لیگ ن کے راہنما نے کہا کہ عوام کے جان و مال کا تحفظ حکومت پنجاب کی ترجیحات میں سرفہرست ہے وزیر اعلی پنجاب میاں شہباز شریف کی قیادت میں صوبائی حکومت نیشنل ایکشن پلان پر پوری طرح عمل درآمد کیلئے پرعزم ہے ۔ اس سے قبل مختلف مسالک کے علماء کرام اور ممبران امن کمیٹی نے بھی اظہار خیال کیا اور محرم الحرام کے دوران امن وا مان برقرار رکھنے کیلئے اپنے مکمل تعاون کا یقین دلایا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)جامعہ گجرات کی اکڈیمک کونسل کا ساتواں اجلاس وائس چانسلر پروفیسر ڈاکٹر ضیا ء القیوم کی صدارت میں حافظ حیات کیمپس میں منعقد ہوا۔ ساتویں اجلاس کے ایجنڈا میں مختلف شعبہ جات کے بورڈآف سٹڈیز کی سفارشات کی منظوری، جامعہ گجرات میں نئے کورسز کا اجرائ، ایڈمشن پالیسی2016-17ء کی منظوری ، اکڈیمک کیلنڈر2016-17ء کی منظوری، مختلف شعبہ جات میں شروع کیے جانے والے نئے کورسز کی منظوری، کچھ کورسز کے نام میں تبدیلی وغیرہ شامل تھے۔ اس اجلاس میں اکڈیمک کونسل کے چھٹے اجلاس میں زیر بحث موضوعات کی منظوری بھی دی گئی۔اکڈیمک کونسل کے ساتویں اجلاس میں بیرونی اراکین نمائندہHEDطارق بھٹی، پرنسپل کوئین میری کالج لاہور پروفیسر ڈاکٹر عرفانہ مریم، سابق پرنسپل یو او جی FJکالج گجرات کوثر ممتاز، پروفیسر مقصودا ختر کے علاوہ جامعہ گجرات کے ڈین ڈاکٹر محمد فہیم ملک، ڈاکٹر فوزیہ مقصود، ڈاکٹر فریش اللہ یوسفزئی، مختلف شعبہ جات کے صدور چیئرپرسن ، پرنسپلNSMCڈاکٹر ظفر اقبال گِل، رکن کالجوں کے پرنسپل و ڈائریکٹران، ڈائریکٹر راولپنڈی ، سیالکوٹ ، لاہور و نارووال کیمپس اور انتظامیہ کے سینیئر اراکین نے شرکت کی۔ اس اجلاس میں پیش کردہ موضوعات پر تفصیلی بحث میں تمام اراکین نے شرکت کرتے ہوئے اہم امور کا جائزہ لیا اور جامعہ گجرات کے نظام تعلیم میں مزید بہتری لانے کے لیے مفید تجاویز پیش کیں۔ ڈاکٹر ضیاء القیوم نے کہا کہ نظام تعلیم قوموں کی زندگی میں اہم کردار ادا کرتا ہے۔ نسل نو کو عصر حاضر کے تقاضوں سے لیس تعلیم و تربیت فراہم کرنا اعلیٰ تعلیمی اداروں کا فریضہ اوّلین ہے۔ دورحاضر کے تعلیمی تناظر میں مختلف کورسز میں مثبت تبدیلی وقت کا اہم تقاضا ہے۔ نئی نسل کو زیور تعلیم سے آراستہ کرتے ہوئے ہمیں اس بات کا شعور حاصل کرنا لازم ہے کہ فارغ التحصیل ہونے کے بعد طلبہ ملک و قوم پربوجھ بننے کی بجائے پاکستان کی خدمت بہترین طریقہ سے سرانجام دینے کے قابل ہوں۔ اس ہدف کو حاصل کرنے کے لیے تعلیم کو مقصدیت کے ساتھ ساتھ عملی پہلوئوں پر استوار کرنا لازمی امر ہے۔ جامعہ گجرات اپنے نظام تعلیم کو عصری تقاضوں کے ساتھ ہم آہنگ کرنے میں پیش پیش ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)جوان طلبہ میں سیلف بزنس کے شعور کا ارتقاء ایک اہم سرگرمی ہے۔ جدید ٹیکنالوجی کی بدولت ہر دم بدلتی دنیا میں کاروباری سرگرمیوں کی نوعیت بالکل بدل چکی ہے۔ اس وقت تمام دنیا میں ای بزنس ترقی کی راہ پر گامزن ہے۔ ای بزنس نے ای روزگار کو بڑھا وا دینے میں اہم کردار ادا کیا ہے۔ جامعہ گجرات نے بزنس انکوبیشن سنٹر کے قیام کو عمل میں لا کر اہم کارنامہ سر انجام دیا ہے۔ طلبہ میں انٹر یپرینیئر شپ اور کیرئیر بلڈنگ کو فروغ دے کر ہی قومی ترقی کے خواب کو پوراکیا جا سکتا ہے۔ ان خیالا ت کا اظہار مینجرکارنیلیئن ولید انور نے جامعہ گجرات میں بزنس انکوبیشن سنٹر کے زیر اہتمام منعقدہ سیمینار ”ترقیٔ پاکستان کے لیے نوجوانوں کی حوصلہ افزائی ” کے شرکاء سے خطاب کرتے ہوئے کیا۔ اس سیمینار میں ڈائریکٹرSSCمحمد یعقوب اور مختلف شعبہ جات کے اساتذہ کے علاوہ طلباو طالبات کی بھاری تعداد نے شرکت کی۔ اس سیمینار کا مقصد طلبہ میں سیلف بزنس کے شعور کی ترویج و ترقی تھا تاکہ وہ فارغ التحصیل ہونے کے بعد عملی میدان میں کامیابی سے اپنی خدمات سرانجام دینے کے قابل ہو سکیں۔ اس سیمینار کی میزبانی کے فرائض ایکسپرٹBICمحمد حیدر معراج نے سرانجام دئیے۔ محمد حیدر معراج نے اپنے تعارفی کلمات میں کہا کہ انسانی ترقی شعور ی کاوشوں کے ذریعے ہی ممکن ہے۔ موجودہ تعلیمی تناظر میں ہمیں تعلیم برائے تعلیم کی بجائے تعلیم برائے عمل کی راہوں پر گامزن ہونے کی ضرورت ہے۔ تعلیم و عمل میں ہم آہنگی کے ذریعے ہی قومیں ترقی کی معراج پر پہنچتی ہیں۔ ہمارے نوجوان طلبہ پاکستان کا قومی سرمایہ ہیں اور انہیں اعلیٰ تعلیم کے ذریعے معاشرہ کا ذمہ دار اور فرض شناس شہری بنانا جامعات کی اوّلین ذمہ داری ہے ۔ جامعہ گجرات اپنی مختلف النوع تعلیمی سرگرمیوں کے ذریعے نسل نو کو اعلیٰ تعلیمی شعور سے آگاہ کرتے ہوئے ان میں عمل پسندی کو راسخ کرنے کی از حد کوشش کر رہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)اس میں کوئی دو رائے نہیں ہے کہ یونیورسٹی آف گجرات چوہدری پرویز الہٰی کی طرف سے اہل گجرات کے لیے ایک نایاب تحفہ ہے گجرات سٹی کے علاوہ دوسرے شہروں اور دیہات کے لوگوں کے لیے اب علم حاصل کرنا نا ممکن نہیں رہا۔یونیورسٹی آف گجرات میں نئے وی سی کے آنے سے تیزی سے تبدیلیاں رونما ہو رہی ہیں جو کہ قابل ستائش ہیں یونیورسٹی روڈ جس کو حافظ حیات روڈ بھی کہا جاتا ہے کے بننے سے حالت بہتر ہو گئی ہے جس کی وجہ سے سفر اب آرام دہ ہو گیاہے میڈیکل کمپلیکس اور بڑی کنٹین جس کو Cafeteria بھی کہا جاتا ہے دور حاضر کی اشد ضرورت تھی جو اب پوری ہو رہی ہے لیکن ان سب کے باوجود آخر کیا وجہ ہے کہ یونیورسٹی آف گجرات کا گراف دن بدن نیچے گرھ رہا ہے اس کی وجہ شاید یہ بھی ہے کہ تمام اعلیٰ تعلیم یافتہ اور تجربہ کار اساتذہ PHDکرنے کے لیے بیرون ممالک یا دوسری یونیورسٹیز چلے گئے ہیں جس کی وجہ سے نصابی سرگرمیاں ڈسٹرب ہو رہی ہیں تباہ حال ٹرانسپورٹ کا سسٹم کب ٹھیک ہو گا؟؟ ۔۔۔۔۔ طالب علم کس کو فریاد سنائیں ؟؟اسی طرح ٹرانسپورٹ کا سسٹم بھی زبوں حالی کا شکار ہے بسوں کی اکثریت خراب ہے جس روٹ پر تین بسیں چلانی چاہئیں وہاں پر ایک چل رہی ہے گجرات ہو سیالکوٹ ہو یا کوئی اور دیہا ت سب طالب علموں کے لیے یکساںکرایہ لیا جاتا ہے جو کہ نا انصافی ہے فوارہ چوک گجرات کا سب سے بڑا بس سٹاپ ہے جہاں سے گجرات سٹی کے طلباء اور طالبات بسوں پر سوار ہوتے ہیں اول تو روٹ کی سب بسیں آتی ہی لیٹ ہیں اور اگر غلطی سے آبھی جائیں تو رکے بنا ہی آگے چلی جاتی ہیں اب لڑکیوں کے لیے صرف ایک بس ہے بس نمبر 6۔ لیکن لڑکیوں کی تعدار تقریباتین بسوں جتنی ہے بس سٹاپ پر جب بس آتی ہے تو وہ قیامت کا منظر پیش کر رہی ہوتی ہے کہ بس پر چڑھنے کے حصول میں کسی کا جوتا گم جاتا ہے تو کسی کا موبائل جو کہ سراسر تعلیم اور طالب علموں کے لیے زیادتی ہے اکثر والدین پریشان ہیں لیکن کوئی بھی داد درسی کرنے والا نہیں ۔ نہ جانے یہ ہتک آمیز رویہ کب ختم ہو گا؟؟ یونیورسٹی کو اندر سے تو تبدیل اور اپ گریڈ کیا جا رہا ہے نہ جانے باہر سے اس کی حالت کب بہتر ہو گی ؟؟نئے وائس چانسلر بہت اچھے اور شفیق انسان ہیں ہم امید کرتے ہیں کہ وہ فوارہ چوک کے سٹاپ کی حالت اور روٹ کا ازسر نو جائزہ لیں گے اور اسکی حالت کو جلد از جلد بہتر کرنے کے احکامات جاری کریں گے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ڈی سی او لیاقت علی چٹھہ نے کہا ہے کہ بلدیاتی نمائندے یونین کونسلوں سے متعلقہ عوامی مسائل کے حل کے ساتھ تعلیم ، صحت کے شعبہ جات کی بہتری کیلئے اپنا کردار ادا کریں، یونین کونسلوںکو فنڈز کی پہلی قسط جاری کر دی گئی دفاتر کے قیام اور تزئین و آرائش کے لئے ان اخراجات کیلئے قائم کی گئی کمیٹی میں چیئرمین یونین کونسل بطور کنوینئر شامل ہوگا، متعلقہ افسران چیئرمین ضلع کونسل، میئر اور میونسپل کمیٹیوں کے چیئرمین کے دفاتر کی تزئین و آرائش بھی فوری مکمل کریں ۔ ان خیالات کا اظہار انہوں نے ضلع کونسل ہال میں تحصیل گجرات سے تعلق رکھنے والے یونین کونسلوںکے چیئرمینوں سے خطاب اور لوکل گورنمنٹ سسٹم کو فعال بنانے کیلئے اعلی سطحی اجلاس کی صدارت کرتے ہوئے کیا، ڈی او سی نواز گوندل، اسسٹنٹ کمشنرز نورالعین، ذوالفقار علی باگڑی، آذبہ آعظم، اے ڈی ایل جی محمود اقبال گوندل، ڈی او سی او الطاف حسین جگ بھی موجود تھے۔یونین کونسلوں کے چیرمینوں کے اجلاس سے خطاب کرتے ہوئے ڈی سی او لیاقت علی چٹھہ نے کہا کہ ضلعی انتظامیہ کی کوشش ہے کہ ترقیاتی منصوبوںمیںیونین کونسلوںکے نمائندوں کو ساتھ لیکر چلیں ابتک جس پراجیکٹ میں بھی بلدیاتی نمائندوںکو شامل کیا اسکے بہترین نتائج سامنے آئے۔ انہوںنے کہا کہ صحت اور تعلیم کے شعبہ جات حکومت کی ترجیحات میں سرفہرست ہیں ، حکومت نے ہر سکول کو این ایس بی فنڈز کی مد میں لاکھوں روپے دیے ہیں جو سکول کونسلوں کے ذریعے خرچ ہونگے، ایجوکیشن ڈیپارٹمنٹ کو ہدایت کی گئی ہے کہ سکول کونسلوںمیں منتخب بلدیاتی نمائندوں کو بھی شامل کریں ۔ انہوںنے کہا کہ تمام بنیادی مراکز صحت میں اٹھارہ بنیادی ادویات کی وافر مقدار میں فراہمی یقینی بنائی گئی ہے وہ خود بھی سکولوں اور ہسپتالوں کی اچانک چیکنگ کرتے ہیں بلدیاتی نمائندے بھی اپنے علاقے میں سکولوںاور ہسپتالوںکا دورہ کریں اور وہاں فراہم کی جانیوالی سہولیات اور مسائل پر نظر رکھیں۔ ڈی سی او نے کہا کہ سات سال تک بچے کی تاریخ پیدائش کا انداراج چیئرمین یونین کونسل کا اختیار ہے اسی طرح ڈیتھ سرٹیفکیٹ ، نکاح اندارج اور طلاق موثر سرٹیفکیٹ کے حوالے سے بھی چیئرمین یونین کونسل اپنا کردار ادا کریں ، انہوںنے ڈی او سی او کو ہدایت کی کہ تمام یونین کونسلوںمیںتاریخ پیدائش، اموات سمیت مختلف خدمات کیلئے فیس کے ریٹس بورڈز پر نمایاں طور پر آویزاں کرائیں۔ انہوںنے واضع کیا کہ سیکرٹری یونین کونسل چیئرمین کی ہدایات پر عمل کا پابند ہے شکایت پر فوری تبادلہ کر دیا جائے گا۔ اس سے قبل اجلاس سے خطاب کرتے ہوئے ڈی سی او لیاقت علی چٹھہ نے کہا کہ نئی قائم ہونیوالی یونین کونسلوں کے دفاتر انکے ہیڈ کوارٹرز میںقائم کئے جائیں گے تاکہ علاقہ کے مکینوں کی رسائی آسان ہو سکے۔ انہوںنے کہا کہ حکومت پنجاب نے ضلع کونسل کے چیئرمین ، میونسپل کارپوریشن کے مئیر اور میونسپل کمیٹیوں کے چیئرمینوںکے دفاتر کی تزئین وآرائش کے لئے بھی حکومت نے فنڈز فراہم کر دیے ہیں اس سلسلے میں فوری طور پر کام کا آغاز کیا جائے جبکہ اے ڈی ایل جی اور ڈی او سی او کی سربراہی میں دو کمیٹیاں بھی تشکیل دے دی گئی ہیں ۔ انہوںنے ہدایت کی کہ سرکاری افسران نئی یونین کونسلوںکو فعال بنانے کیلئے بھرپور تعاون کریں، انکے اکاوئنٹ کھلوانے کیلئے حکومت سے رجوع کیا جائے نیز اسسٹنٹ کمشنرز اپنے دورے کے شیڈول میں یونین کونسلوںکے معائنہ کو بھی شامل رکھیں۔ اجلاس میں یونین کونسلوںکے چیئرمینوں نے اپنے مسائل سے ڈی سی او کو آگاہ کیا اور تجاویز دیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)گرانفروشوں، ملاوٹ مافیا، صفائی کا خیال نہ رکھنے والوں کیخلاف کریک ڈائون تیز کیا جائے ، اشیائے خوردو نوش کی قیمتوں کے ساتھ کھادوں، زرعی ادویات کی زائد قیمتیں وصول کرنیوالوں کے خلاف فوری مقدمات درج کرائے جائیں، تجاوزات کیخلاف آپریشن مزید موثر اور تیز کیا جائے۔ یہ ہدایات ڈی سی او لیاقت علی چٹھہ نے پرائس مجسٹریٹس کے اجلاس سے خطاب کرتے ہوئے جاری کیں، ضلع بھر کے پرائس مجسٹریٹس بھی موجود تھے جبکہ ڈی او انڈسٹریز اکرام الحق نے بریفنگ دی۔ڈی سی او لیاقت علی چٹھہ نے بتایا کہ یکم سے 15ستمبر تک ضلع بھر میں پرائس مجسٹریٹس نے 648ریڈ کئے اس دوران 173مقامات پر گرانفروشی پائی گئی جس پر 32ملزمان کے خلاف مقدمات درج جبکہ دیگر پر 1لاکھ97ہزار روپے جرمانہ عائد کر دیا گیا۔ انہوںنے بتایا کہ حفظان صحت کے اصولوں کا خیال نہ رکھنے والے 2ہوٹلز کے ذمہ داران کے خلاف مقدمات درج،چارسیل اور 18کے چالان کئے گئے، جعلی ادویات کی فروخت پر ایک ملزم کے خلاف مقدمہ، 4میڈیکل سٹور سیل کر دیے گئے اسی طرح تجاوزات کرنیوالے 3ملزمان کے خلاف مقدمات درج کرائے گئے۔ ڈی سی او نے ہدایت کی کہ ملاوٹ مافیا کے خلاف کریک ڈائون تیز کیا جائے ، پھلوں، سبزیوں اور دیگر اشیائے خورد و نوش کی مقررہ سے زائد قیمتیں وصول کرنیوالوں کے خلاف مقدمات درج کرائے جائیں ۔ انہوںنے ہدایت کی کہ اے سی ہوٹلوں میں صفائی یقینی بنانے کیلئے چیکنگ سخت کردیں، کچن سے منسلک ایل سی ڈی دیگر استعمال میں لانے کی اجازت نہ دی جائے۔ ڈی سی او نے محکمہ زراعت ، لائیو سٹاک کے افسران پر زور دیا کہ وہ کھادوں کی قیمتوںپر عمل درآمد یقینی بنائیں۔ انہوں نے اے سی کھاریاں کو ہدایت کی کہ لالہ موسیٰ میں تجاوزات کے خلاف آپریشن کو منطقی انجام تک پہنچایا جائے جی ٹی روڈ پر این ایچ اے کی اجازت سے کہیں تجاوزت کی گئی ہیں تو انہیں چیئرمین این ایچ اے کے نوٹس میںلایا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)چوہدری وجاہت کے قریبی ساتھی سابق تحصیل ناظم چوہدری سعادت نواز اجنالہ کا حلقہ میں مصروف ترین دن مختلف شخصیات سے ان کی رہائش گاہ پر جاکر ان کے پیاروں کی وفات پر تعزیت و فاتحہ خوانی کی چوہدری سعادت نواز اجنالہ نے موضع سماں جا کر چیئرمین یو سی سماں چوہدری افضل سماں سے ان کے بھائی محمد ارشد سماں کی وفات پر تعزیت اور مرحوم کی روح کے ایصال ثواب کے لیئے فاتحہ خوانی بھی کی بعد ازاں انھوں نے موضع کلیوال سیداں جا کر سابق ضلعی نائب ناظم سید نورالحسن شاہ کی وفات پر ان کے بیٹوں سید سلمان شاہ اور سید حبیب شاہ سے اظہار تعزیت کیا اور مرحوم کے ایصال ثواب کے لیئے فاتحہ خوانی کی چوہدری سعادت نواز اجنالہ معین الدین پور سیداں بھی گئے جہاں انھوں نے مسلم لیگ نکے راہنماء سید عدیل عباس شاہ سے ان کے بہنوئی سید تصور شاہ اور انکے بیوی بچوں کے بہیمانہ قتل پر اظہار افسوس کیا اور مرحومین کے ایصال ثواب کیلیئے فاتحہ خوانی بھی کی بعد ازاں انھو ں نے موضع بامتہ جاکر چوہدری مہدی خاں باتہ کی وفات پر انے کے بیٹے عامر مہدی بامتہ سے اظہار افسوس اور مرحوم کے ایصال ثواب کے لیئے فاتحہ خوانی بھی کی ان کے ہمراہ چوہدری سلیم مالووال ،بابر بھٹی کڑیانوالہ ،سید زاھد شاہ اجنالہ ،چوہدری حبیب ،صغیراحمدقمر،آصف بھٹی و دیگر بھی موجود تھے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)رائس ملز ایسو سی ایشن ضلع گجرات کی ایگزیکٹو باڈی کا ایک اہم اجلاس ضلعی صدر مہر حبیب بسوی کی زیر صدارت منعقد ہوا تلاوت اور نعت کے بعد جنرل سیکرٹری چوہدری عرفان اکبر وڑائچ نے سابقہ اجلاس کی کاروائی پڑھ کر سنائی اور ہائوس سے اس کی توثیق کروائی اجلاس میں محمد سلیم ( سلیم رائس ملز ) گجرات کی طرف سے اخبارات میں غلط اشتہارات اور خبریں لگوانے کا سختی سے نوٹس لیا گیا محمد سلیم ( سلیم رائس ملزگجرات ) جو کہ رائس ملزم ایسوسی ایشن ضلع گجرات کا خود ساختہ چیئرمین بن کر اخبارات مین اشتہارات دیکر جھوٹی شہرت حاصل کرتا ہے ، جبکہ رائس ملزم ایسوسی ایشن ضلع گجرات کی ایگزیکٹو باڈی مین چیئرمین کا عہدہ سرے سے موجود ہی نہیں ہے اس لئے قواعد و ضوابط کی خلاف ورزی کرنے پر محمد سلیم ( سلیم رائس ملز گجرات ) کی بنیادی رکنیت ختم کرنے کا فیصلہ کیا گیا اجلاس میں متفقہ طور پر سابقہ اجلاس کے فیصلے کو برقرار کھا گیا کہ چیمبر الیکشن 2016-17میں رائس ملزایسوسی ایشن فرینڈز گروپ کی مکمل حمائت اور اس کے نامزد امیدوار ان کیلئے ووٹ مانگے جائینگے ، اجلاس میں غلام رسول شارق ایڈووکیٹ ، میاں عمران منیر ، ملک یاسر شریف ، اخلاق شفیع ، چوہدری شعیب ساہی ایڈووکیٹ ، خرم صراف منگا ، چوہدری عظمت حسین ، چوہدری شاہد الحسن، چوہدری قیصر محمود ، چوہدری وقار عزیز ، آصف بہادر اور چوہدری عرفان اکبر نے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)رہنما مسلم لیگ ن یونین کونسل ڈوگہ کونسلر ملک عمران حسین ڈوگہ نے چیئرمین یوسی ڈوگہ ملک محمد اشفاق اعوان ڈوگہ کو حج کی سعاد ت حاصل کر نے پر مبارک باد دی ہے اورکہا ہے کہ یہ خوش نصیب انسان ہیں جنہیں جوانی میں ہی اللہ تعالیٰ کے گھر کی زیارت نصیب ہوئی ہے ہم سب دوست احباب اور ساتھی ملک محمد اشفاق کی قیادت میں اور کوٹلہ برادران ایم این اے چوہدری عابد رضا اور ایم پی اے چوہدری شبیر احمد کوٹلہ کی ہدایات کی روشنی میں علاقہ کی تعمیر و ترقی اور عوامی فلاح و بہبود کیلئے کام جاری رکھے ہوئے ہیں اور یہ سلسلہ انشاء اللہ تعالیٰ آئندہ بھی اسی طرح جاری رہے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)ممتازکاروباری و سماجی شخصیت طارق بٹ نائب صدر ٹریڈ یونین گلیانہ روڈ کھاریاں ایم ڈی امریکن شوز کے صاحبزادے حسن طارق بٹ رشتہ ازدواج سے منسلک ہوگئے ان کی دعوت ولیمہ سکائی ویز جی ٹی روڈ کھاریاں پر ہوئی مہمانوں کا استقبال طارق بٹ ،حاجی شبیر حسین ملک ،چوہدری شوکت علی باہر وال اور دیگر نے کیا دعوت ولیمہ میں علاقہ بھر سے کثیر تعداد میں سیاسی وسماجی کاروباری مذہبی شخصیات اور رشتہ دار دوست احباب نے شرکت کی نمایاں طورپر شرکت کرنے والوں میں ملک امجد علی (جنرل الیکٹرونکس )،خواجہ مدثر کھاریاں کینٹ ،چوہدری تجمل حسین ایس ایچ او تھانہ کھاریاں کینٹ ،مولانا اختر حسین جلالی صدر سنی علماء کونسل کھاریاں ،مولانا مسعود احمد غازی جنرل سیکرٹری سنی علماء کونسل کھاریاں ،مفتی محمود احمد ،طاہر بٹ ،حاجی آصف بھٹی ،حاجی ناصر بھٹی ،یوسف ڈار ،بابر فاروق بٹ ،خالد بٹ ،چوہدری وقاص مجید کونسلر ،حاجی چوہدری صوفی محمد ریاض ،حاجی چوہدری محمد ریاض ،چوہدری عاصم بشیر ککی ،صحافی سید تنویر نقوی ،صحافی نورالاسلام ،عبدالرحیم بٹ ،چوہدری عرفان احمد ،چوہدری راشد محمود ،ملک یونس بدرمرجان ،عثمان اکبر عباسی ،چوہدری محمداشفاق ،چوہدری عتیق الرحمن ،ناصر محمود بٹ ،مجد حسین بیگہ و دیگر شامل تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)پی ٹی آئی پر امن احتجاج کا حق محفوظ رکھتی ہے تاریخ گواہ ہے کہ پہلے بھی پر امن احتجاج ہوئے اور انشاء اللہ تعالیٰ آئندہ بھی پر امن احتجاج ہی ہونگے رائیونڈاحتجاج کی کال سے حکمران اور ان کے حواری حواس باختہ ہوچکے ہیںاور وہ خود حالات کو خراب کرنے کی کوششیں کررہے ہیں اگر حالات خراب ہوئے تو تمام تر ذمہ داری حکمرانوں اور ان کے ڈنڈہ بردار جتھوں پر ہوگی ان خیالات کااظہار سابق صدر کسان ونگ تحصیل کھاریاں پی ٹی آئی چوہدری اصغر علی ٹوپہ نے کیا انہوں نے کہا کہ ہم انشاء اللہ چیئرمین عمران خان کی کال پر لبیک کہتے ہوئے چوہدری ناصر احمدچھپر کی قیادت میں لاہور ضرور پہنچیں گے اور اگر کسی نے رکاوٹ ڈالنے کی کوشش کی تو اس کو اسی طرح جواب دینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)چیئرمین یونین کونسل ڈوگہ ملک محمد اشفاق اعوان ڈوگہ حج کی سعادت حاصل کرنے کے بعد گذشتہ روز وطن واپس پہنچ گئے ائیر پورٹ پر رشتہ داروں اور دوست احباب نے شاندار استقبال کیا اور پھولوں کے ہار پہنائے موضع ڈوگہ ڈیرہ پر پہنچنے پر کارکنوں نے فقیدالمثال استقبال کیا حج کی سعادت حاصل کرنے کے دوران ملک محمد اشفاق نے ملک و ملت کی سلامتی کیلئے خصوصی دعائیں بھی کیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)آئین اور قانون کی حکمرانی سے ہی معاشرے میں انصاف عام ہوسکتا ہے بلاتفریق انصاف کی فراہمی کیلئے بار اور بینچ کے مابین بہترین تعلقات بھی کلیدی حیثیت رکھتے ہیں ان خیالات کا اظہار ماہر قانون چوہدری عارف تھوتھال ایڈووکیٹ سابق صدر کھاریاں بار ایسوسی ایشن نے کیا انہوں نے کہا کہ کوئی بھی معاشرہ اس وقت تک ترقی نہیں کرسکتا جب تک وہاں پر قانون اور آئین کی حکمرانی نہ ہو انصاف کے بول بالے کیلئے بار اور بینچ مل کر کردار ادا کرسکتے ہیں انہوں نے کہا کہ کھاریاں بار کے وکلاء نے ہمیشہ ہی اس سلسلہ میں اپنا کردار نمایاں حیثیت سے ادا کیا ہے ہم انشاء اللہ آئین اور قانون کی حکمرانی کیلئے آئندہ بھی اپنا کردارادا کرتے رہینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)مسلم لیگ ن ملک کو ترقی کی راہوں پر گامزن کرنے کیلئے 24گھنٹے مصروف عمل ہے میاں برادران دن رات اسی کام میں مصروف ہیں جب کہ حلقہ این اے 107کی تعمیروترقی کیلئے کوٹلہ برادران بھی بہترین کارکردگی کا مظاہرہ کررہے ہیں ان خیالات کااظہار رہنما پاکستان مسلم لیگ ن عبدالقیوم بھٹی (کونسلر )نے کیا انہوں نے کہا کہ پاکستان کی ترقی اور عوام کی خوشحالی کچھ لوگوں کو ہضم نہیں ہورہی اس لیے وہ ترقی کی راہوں میں رکاوٹیں ڈالنے کیلئے کبھی احتجاجی مارچ اور کبھی دھرنے دینے کیلئے سڑکوں پر آجاتے ہیں اور صرف اور صرف ملک و قوم کا نقصان ہی کرتے ہیں ہم ان لوگوں سے کہتے ہیں کہ اگر یہ واقعی ملک وقوم سے مخلص ہیں تو حکومت کیساتھ مل کر تعمیر و ترقی اور خوشحالی کیلئے کام کریں احتجاجی دھرنے اور ریلیاں ملک و قوم کو نقصان پہنچا رہی ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد (جی پی آئی)صدروزیرآبادچیمبرآف ایجوکیشن محمداشفاق وڑائچ نے کہا ہے کہ ذہین طلباء ملک وقوم کااثاثہ ہیں۔انکی حوصلہ افزائی فرض بھی ہے اورقرض بھی۔جدیدتعلیم حاصل کئے بغیرترقی یافتہ قوموںکامقابلہ ممکن نہیں۔پرائیویٹ سیکٹرشرح خواندگی میںاضافہ کے لئے اپناکرداراداکررہا ہے۔وہ گوجرانوالہ بورڈپری میڈیکل میںپنجاب کالج وزیرآبادکے طالب علم فہدذوالفقار کی پہلی پوزیشن حاصل کرنے پرپرنسپل حافظ پروفیسرمحمدآصف عثمانی اورطالب علم فہدذوالفقار کومبارکباد کے موقع پر اظہارخیال کررہے تھے۔اس موقع پرمحمدفیاض،صابر حسین بٹ بھی موجودتھے۔وزیرآبادچیمبرکی طرف سے مٹھائی بھی دی گئی۔انہوںنے کہا کہ حکمران تعلیمی میدان میںانقلاب برپا کرنے کے دعویدارہیںمگرپرائیویٹ سیکٹرجو65فیصدتعلیم کابوجھ اٹھائے ہوئے ہے انہیںدیوارسے لگایا جارہا ہے اورمختلف ٹیکسزسے شعبہ تباہ کرنے کی کوشش ہورہی ہے۔انہوںنے کہا کہ وزیراعلیٰ پنجاب کواس معاملے کانوٹس لینا چاہئے اورپرائیویٹ سیکٹرکی مشاورت سے پالیسیاںتشکیل دینی چاہئیں۔انہوںنے کہا کہ ملک وقوم کی ترقی میںتعلیم کابنیادی کردارہے تعلیم دشمنوںکامتحدہوکرمقابلہ کرنا ہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد (جی پی آئی)جماعت اسلا می ضلع گوجرانوالہ کے امیرڈاکٹرمحمدعبید اللہ گوھیر نے کہا ہے کہ کرپشن کے خلاف پوری قوم متحدہوچکی ہے۔احتساب کے لئے عدالتی کمیشن بنانے میںنوازشریف خودسب سے بڑی رکاوٹ ہیں۔نوازشریف کے متوالوںکومشرف ایکشن کے بعددیکھ چکے ہیں۔اقتدارکے ڈنڈے پکڑکرفوٹوسیشن سے کشدیگی میںاضافہ ہوگا۔(ن)لیگ اورتحریک انصاف مذاکرات سے جلسہ کی جگہ کاتعین کریں۔30ستمبرکوفیصل آبادمیں ہزاروںمردوخواتین کرپشن فری پاکستان مہم میںسراج الحق کے شانہ بشانہ جدوجہدکرنے کے عزم کے ساتھ شریک ہونگے۔خواجہ اظہارالحق کی رہا ئی کے لئے وزیراعظم اوروزیراعلیٰ سندھ نے غلط مثال قائم کی۔وہ جماعت اسلا می کے قائمقام زونل امیرعبدالوکیل علوی کی ہمشیرہ کی وفات پراظہارتعزیت کے بعدصحافیوںسے گفتگوکررہے تھے۔اس موقع پروسیم شاہد اولکھ،خالد راول،صابر حسین بٹ بھی موجودتھے۔ڈاکٹرمحمدعبید اللہ گوھر نے کہا کہ ملک میںنظریاتی،اخلاقی اورمعاشی کرپشن کی وجہ سے پاکستان اپنی منزل نہیںپارہا۔ملکی مسائل کے حل،ترقی،امن وخوشحالی کے لئے سیاسی بیداری اوردیانتدارقیادت ضروری ہے۔جماعت اسلا می کے سینکڑوںکارکنان مختلف ادوارمیںایوانوںمیںرہے مگرکسی کے دامن پربددیانتی،کرپشن اوراقرباء پروری کاکوئی داغ نہیں۔جماعت اسلا می نے اپنے عمل وکردارسے ثابت کیا ہے کہ وہی بحران سے پاکستان کونکال سکتی ہے۔انہوںنے کہا کہ بھارت میںکشمیری مسلمانوںپرمظالم سے مودی پوری دنیامیںبدنام ہوااس لئے اقوام متحدہ نہیںجارہاق۔نوازشریف کوجرات سے مسئلہ کشمیراقوام متحدہ میںاٹھانا چا ہئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سیالکوٹ (جی پی آئی)ریاض الدین شیخ سیالکوٹ چیمبر آف کامرس اینڈ انڈسٹری مین برسر اقتدار اتحاد فاونڈر گروپ کے قائد نے کہا ہے کہ اتحاد فاونڈر گروپ انڈسٹری کی ترقی کے ساتھ ساتھ مقامی شہری اور ملکی تعیمر و ترقی میں ایک کلید کردار ادا کر رہا ہے جس سے سیالکوٹ کے عام شہری کے چہرے پر سکون اطمنان نظر اتا ہے ان خیالات کا اظہارانہوں نے چیمبر اف کامرس کے سالانہ الیکشن 2016/17کے امیدواروں سے ایک میٹنگ سے خطاب کرتے ہوئے کیا ۔ ریاض الدین شیخ نے کہا کہ سیالکوٹ چیمبر کے پلیٹ فارم سے ہم نے جدوجہد کی جب ہم میدان میں آیء اس وقت سیالکوٹ سے چند ملین ڈالر کی ایکسپورٹ تھی جو اج اللہ کے فضل سے اور اتحاد گروپ کی پالیسوں سے دو ارب ڈالر سے بڑھ چکی ہے اج سیالکوٹ اور ارد گرد میں خوشحالی کا دور دورہ ہے انہوں نے کہا کہ دو دہائیاں پیچھے چلے جائیں تو شہر سیالکوٹ جو کہہ دنیا بھر میں اپنی پہچان رکھتا تھا کی سڑکیں کھنڈرات کا منظر پیش کرتی تھی اج ہماری کاوشوں اور بزنس کمیونٹی کے لاز وال کردار کی بدولت سیالکوٹ کی سڑکیں خوبصوت ر ہیں ریاض الدین شیخ نے کہا کہ چند سال پہلے سیالکوٹ کی بزنس کمیونٹی کو بیرون ملک سفر کرنے کے لیے لاہور اور اسلام اباد جانا پڑتا تھا مگر ہمارے گروپ کی عظیم الشان ورکنگ کی وجہ سے اج سیالکوٹ سمیت ارد گرد کے اضلاع کے لوگ سیالکوٹ سے سفر کر رہے ہیں جبکہ سیالکوٹ سے بین القوامی فلائیٹس اپریشن سے سیالکوٹ بزنس کمیونٹی کا وقت بچ رہا ہے انہوں نے کہا کہ ہمارے گروپ نے جہاں انڈسٹری کے ساتھ ساتھ شوشل سیکٹر میں نمایاں خدمات انجام دی ہیں اور دے رہے ہیں جن میں صحت ، تعلیم روز گار شہر کی تعمیر و ترقی شامل ہے انہوں نے کہا کہ اب اللہ کے فضل و کرم سے پاکستان کے جتنے اہم سرکاری غیر سرکاری ، اور بزنس کمیوٹی کے ادارے ہوں سیالکوٹ چیمبر کا بہت احترام کیا جاتا ہے شیخ ریاض نے کہا کہ سیالکوٹ چیمبر اس میں سب کو برابری کی سطع پر سب اراکین کے مسائل کو حل کیا جاتا ہے یہاں کسی کو کسی پر فوقیت نہیں ہمارے گروپ کا لوگوہمارا کام ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)شیعہ علما کونسل پنجاب کے صدر علامہ سید سبطین حیدر سبزواری آج (منگل، 20۔ستمبر) محر م الحرام کے دوران مجالس و جلوس ہائے عزا کے انتظامات اور عزاداری سید الشہدا میں حائل حکومتی رکاوٹوں پر ملت جعفریہ پاکستان میں پائی جانے والی تشویش پر لاہور پریس کلب میں سہہ پہر چار بجے بریفنگ دیں گے اوراس حوالے سے لائحہ عمل کا اعلان کریں گے۔صوبائیسیکرٹری اطلاعات پروفیسر ذوالفقار حیدر نے ایک بیان میں کہاہے عزاداری پر کوئی سمجھوتہ نہیں کیا جاسکتا۔ حکومت ہوش کے ناخن لے۔ ملت جعفریہ مشن کربلا کو جاری رکھنے کے لئے صدیوں سے قربانیاں دیتی آرہی ہے۔ کچھ ڈی پی او ز عزاداری میں رکاوٹیں ڈال کر حکومت کے لئے مشکلات پیدا کررہے ہیں۔ایسے عناصر کا محاسبہ ضروری ہوچکا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اسلام آباد (جی پی آئی)پی ٹی آئی سندھ کے سینئر نائب صدر حلیم عادل شیخ نے تحریک انصاف کے مرکزی سیکرٹری جنرل جہانگیر خان ترین سے اسلام آباد میں ان کے سیکرٹریٹ میں ملاقات کیں ،اس موقع پر ملکی سیاسی صورتحال پر بات چیت کرتے ہوئے جہانگیر خان ترین کا کہنا تھا کہ رائیونڈ مارچ پاکستان کی عوام کے بہتر مستقبل اور خوشحالی کا مارچ ثابت ہوگا،اس وقت کرپشن کے خاتمے کے ساتھ چیئرمین عمران خان کا پیغام گھر گھر پہنچانے میں سندھ میں پارٹی کارکنان اپنابھرپورکردار اداکررہے ہیں،تحریک انصاف پانامہ لیکس کے معاملے میں ایک قدم بھی پیچھے نہیں ہٹے گی ،یہ ہی وجہ ہے کہ ہماری تمام تر توجہ اس وقت رائیونڈ مارچ کی کامیابی پر مرکوز ہیں ،جس میں ملک کے تمام صوبوں سے لوگ بڑی تعداد میں شامل ہونگے ، ہماری کامیابی اس سے بڑھ کر اور کیا ہوگی کہ اس ملک کے محنت کش اورتعلیم یافتہ نوجوان تحریک انصاف کی طرف دیکھ رہے ہیں،ہم پاکستان کی عوام کو اپنے ساتھ لے جاکر حکمرانوں کو بتادینگے کے عوام کی طاقت کسے کہتے ہیں ،انہوں نے کہاکہ تحریک انصاف کی قیادت عوام کو کرپشن اور لوٹ مار کی سیاست سے نکال کر ایک ایسا معاشرہ دینا چاہتی ہے جس کی کسی بھی ترقی یافتہ ملک کو ضرورت ہوسکتی ہے ،رہنما تحریک انصاف حلیم عادل شیخ نے کہاکہ رائیونڈ مارچ کو کامیاب بنانے میں صوبہ سندھ کا کردار بھی کے پی کے اور پنجاب سے کم نہیں ہوگا،تحریک انصاف سندھ میں ڈاکٹر عارف علوی کی رہنمائی میں تحریک انصاف کا منشورصوبہ بھر میں عام کررہی ہے ۔حلیم عادل شیخ نے کہا کہ سندھ میں موجود لوگ یہ سمجھتے ہیں کہ یہاں پر موجود بھوک اور افلاس غربت سمیت تعلیم کی بدحالی کا خاتمہ تحریک انصاف کو اقتدار میں لائے بغیر ممکن نہیں ہے ،چیئرمین عمران خان اس وقت عام آدمی کی زندگی کو بہتر بنانے اور ملک سے غربت کے خاتمے کی جدوجہد کررہے ہیں یہ ہی وجہ ہے کہ پوری قوم ان کے ساتھ کھڑی ہے ۔حلیم عادل شیخ کا کہنا تھاکہ عنقریب سندھ میں یونین کونسل کی سطح پر تمام تر تنظیمیں مکمل کرلی جائینگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نارووال (جی پی آئی)ولادت مصطفےٰ ۖ سے رحمتوں کا نزول ہوا ۔ زحمتیں اور غم دور ہوئے ۔انسانیت نے سکھ کا سانس لیا ۔فخر آدم و بنی آدم حضرت محمد مصطفےٰ ۖ کی تعلیمات کا ظہور ہوتے ہی معاشرہ امن و آشتی کا گہوارہ بن گیا ۔ دشمن کو معاف کرنا اور ظالم سے حق لینا مسلمان کاطرۂ امتیاز ٹھہرا ۔ معاشرتی برائیوں کا خاتمہ ہوا اور ہر طرف نیکیوں کا موسم بہار آ گیا ۔ رحمت عالم ۖ نے انسانیت کو نیا اور حقیقی دستور حیات دیا ۔ آج معاشرتی ناہمواریوں کی وجہ سے ملک و ملت انتشار و افتراق کا شکار ہے ۔دہشت گردی کا ناسور پورے ملک کو کھوکھلا کر رہا ہے ۔ آج ضرورت ہے کہ جشن میلادالنبی ۖ منا کر اور سیرت النبی ۖ اپنا کر ہم معاشرہ میںمحبت و امن کے چراغ روشن کریں ۔ ان خیالات کا اظہار مرکزی ناظم اعلیٰ تحریک اویسیہ پاکستان و چیئرمین ادارہ تاجدار یمن پاکستان علامہ پیر محمد تبسم بشیر اویسی نے جامع مسجد ککا کلاس میں محفل میلاد مصطفےٰ ۖ سے خطاب کرتے ہوئے کیا ۔ محفل پاک کی صدارت سجادہ نشین آستانہ عالیہ تکیہ کلاں شریف پیر ارشد محمود قادری نے کی جبکہ سرپرستی راجہ محمد ریاض ،فیصل ریاض نے کی ۔علامہ پیر محمد تبسم بشیر اویسی نے کہاکہ نبی کریم ۖ نے پیداہوتے ہی اللہ تعالیٰ کے حضور سجدہ ریز ہو کر ہمیں بتایا کہ حقیقی میلاد کی خوش اُسے ہی حاصل ہو گی جو نمازیں پڑھنے والا اور عبادت گزار ہو گا۔ محبتِ رسول ۖ کا تقاجضا ہے کہ سنت رسول ۖ پر عمل کیا جائے ۔جشن میلاد النبی ۖ منانے سے شرک کا خاتمہ ہوتا ہے کہ اللہ تعالیٰ نہ کسی کا باپ ہے اور نہ کسی کا بیٹا جبکہ میلاد والے آقا ۖ حضرت آمنہ رضی اللہ عنہا کے بیٹے ہیں اور سیدہ فاطمہ کے باپ ۔ انہوں نے عوام پر زور دیا کہ اپنا کردار اسلام کے مطابق بنا کر غریب پروری کریں جس سے فیضانِ نبوی نصیب ہو گا۔اس موقعہ پر قاری ملک منیر احمد نعیمی قادری،ملک محمد منظور، قاری محمد ارشد ، محمد عاصم بشیر اویسی، محمد محسن اویسی، قاری محمد شہزاد رضوی،حافظ منیر احمد اور دیگر نے بھی خطاب و ہدیہ نعت پیش کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)جمعیت علما پاکستان نیازی کی مجلس عاملہ کا اجلاس قائد اہل سنت پیر سید محمد معصوم حسین نقوی کی زیر صدارت منعقد ہوا ،جس میں ڈاکٹر امجد حسین چشتی، پیر شہزادہ جان، پیر عثمان نوری اور دیگر نے شرکت کی ، ملکی اور بین الاقوامی سیاسی صورت حال پر تبادلہ خیال کیا ۔ اجلاس میں بھارتی فوج کی طرف سے مقبوضہ کشمیر جاری مظالم کی پر زور مذمت کرتے ہوئے تشویش کا اظہار کیا گیا کہ عالمی اداروں نے بے ضمیری کی حد تک کشمیر پر بے حسی کا مظاہرہ کیا ہے۔جبکہ موجودہ حکومت نے اپنے کشمیری بھائیوں کے بارے میں معذرت خواہانہ رویہ اختیار کیا ہے، جس کی وجہ سے عالمی سطح پر کشمیریوں کا کیس اچھے طریقے سے نہیں لڑا جاسکا۔ پاکستان مسئلہ کشمیر میں فریق ہے، مگر بھارت کے ساتھ ہونے والی تجارت اور سفارتی تعلقات ایسے رکھے گئے ہیں کہ مسئلہ کشمیر کو پس پشت ڈال دیا گیا ہے، جس کی وجہ سے 102۔ قیمتی جانیں قربان کرنے کے بعد بھی کشمیریوں کے بارے میں بھارت دہشت گردی اور شورش سے تعبیر کررہا ہے۔ اجلاس میں اس بات پر بھی تشویش کا اظہار کیا گیا کہ بھارت سے موجودہ حکمرانوں کی ذاتی دوستی مسئلہ کشمیر کے لئے نقصان کا باعث بن رہی ہے۔اور واضح کیا گیا کہ عالمی سطح پر مسئلہ کشمیراجاگر کرنے کے لئے اپوزیشن جماعتوں سے بھی مشاورت کی جائے ، جبکہ پارلیمنٹ کی کشمیرکمیٹی کے سربراہ مولانا فضل الرحمان کو ہٹا کر کسی ایسے شخص کو سربراہ بنایا جائے، جس کے کشمیر کاز پر نظریات واضح ہوں۔ جو قیام پاکستان کی مخالفت کرتے رہے اور جہاد کشمیر کو فساد کہنے والے ، کشمیریوں کا کیس عالمی سطح پر نہیں لڑ سکتے۔ پیر معصوم نقوی نے اجلاس سے خطاب میں کہا کہ وزیر اعظم کی طرف سے مسئلہ کشمیر کو اقوام متحدہ میں اٹھانے کا اعلان قابل تعریف ہے، عالمی سطح پر کشمیریوںکی سیاسی وکالت پاکستانی حکومت پر لازم ہے تاکہ بھارتی مظالم کو دنیا کے سامنے بے نقاب کیا جاسکے اوروادی جنت نظیر ملک خداداد کا حصہ بن سکے۔ انہوں نے کہا کہ جولائی سے جاری احتجاج نے کشمیر کی آزادی کی تحریک میں نئی روح ڈال دی ہے، کشمیری کسی صورت اپنے حق خود ارادیت سے دستبردار نہیں ہوں گے۔ کشمیر پر بزدلی کی نہیں، بہادری اور سفارت کاری کی ضرورت ہے۔ان کا کہنا تھاکہ کشمیر پاکستان کی شہ رگ ہے، جسے بھارتی پنجوں سے بچانے کے لئے جرائتمندانہ موقف اختیار کرنا وقت کی ضرورت ہے۔ ورنہ بھارتی درندے کشمیریوں کو بھی کھا جائیں گے اور مسئلہ کشمیر پر درندگی جاری رکھیں گے۔ انہوں نے کہا کہ بھارتی وزیر داخلہ مقبوضہ کشمیر میں ہونے والی ریاستی دہشت گردی کا ذمہ دار ہے۔اس کے دورہ مقبوضہ کشمیر کے دوران حریت کانفرنس کی قیادت اورعوام نے پیغام دے دیا تھا کہ وہ آزادی کے سوا کسی دوسرے ایشوپر بات کرنے کو تیار نہیں۔ اب پاکستان کو بھی کشمیر پر سیاست کی بجائے دو ٹوک موقف اختیار کرنے کی ضرورت ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات (جی پی آئی)ممتاز شاعر ادیب ،کالم و مضمون نگاراور ریجنل آفیسر انفارمیشن اینڈ پبلک ریلیشنز سوات ایم سرور محمود خٹک کی منفرد شاعری پر مبنی پشتو کتاب ” د شہباز منزل” چھپ کر مارکیٹ میںآگئی ہے۔208صفحات پر مشتمل خوبصورت گیٹ اپ کے ساتھ ہر اچھی بک سٹال پر دستیاب ہے ۔کتاب کی قیمت 250روپے ہے اس میں 21نظمیں ،54غزلیں اور100کے قریب قطعات اور ہائیکو جبکہ 10سانگز موجو د ہیں جن میں سے دو نظمیں ویڈیو سانگز کی صورت میں سوشل میڈیا پرپہلے ہی سپر ہٹ ہوچکی ہیں۔اس کتاب کی تقریباً تمام شاعری موسیقی کا لباس آسانی سے زیب تن کر لیتی ہے اور سٹیج سیکرٹریوں کیلئے بہت مد د گار ہے۔کتاب کے ساتھ ایک نثری مقالہ بھی ہے۔جس میں پختون قوم کو درپیش دور جدید کے مسائل کیلئے پر خلوص تجاویز پیش کی گئی ہیں۔ شائقین کتب کتاب میں گہری دلچسپی لے رہے ہیں اور اس کی فروخت تیزی سے جاری ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات (جی پی آئی)سا ت ستمبر گرلز پر ا ئمر ی سکو ل کا لا م بیوں میں بے قا عدگی نہیںہو ئی عملہ محمد یا سین ،ا ختر گل عبدا لو ہا ب خان بہادر عبد ا لستا ر مر ز ا زخان اور حکیم خان نے GGPSگور نمنٹ گرلز پر ائمر ی سکو ل کا لا م بیو ںکے متعلق جو خبر شا ئع کی گئی ہیں و ہ با لکل غلط جھو ٹ بے بنیا د اور من گھڑ ت ہے اور ذا تی بغض اور عنا د کا نتیجہ ہے مذ کور ہ ا فر ا د علا قے کے مشر ان نہیں ہیں بلکہ و ہ محمد یا سین جو کہ ا پنے آپ کو جنر ل کو نسلر ظاہر کر تا ہے کے ر شتہ داران ہیں اور ان کی فیملی سے تعلق ر کھتے ہیں ۔ ا صل حقیقت یہ ہے کہ GGPSبیو ں یو نین کو نسل کا لا م میں تعمیر اتی کا م ہو ر ہا تھا تو ا س و قت محمد یا سین اور مر ز ا خا ن جو دو نو ں ا پنے آپ کو کو نسلر ظا ہر کر ر ہے تھے ا نہو نے سکو ل ہیڈمسٹرزینب بی بی سے ر بطہ کر کے کہا کہ مذکو ر ہ کا م کا ا فتتا ح ہم کر نا چا ہتے ہیں اور ا پنے نا م کی تختی بو ر ڈ لگا نا چا ہتے ہیں جس پر میں نے کہہ کر ا نکا ر کیا کہ یہ سیا سی معا ملہ نہیں ہے بلکہ ہما ر ا ا پنا طر یقہ کا ہے اور ا س طر یقہ کا ر کے مطا بق ہم خود یہ کا م کر ینگے اور ا س میں سیا سی مد ا خلت نہیں ہے ہو نی چا ہیے ۔اور جب کام تکمیل کو پہنچا تو کونسلرز محمد یاسین اور مرزا خان پھر سکول کے دیوار پر اپنے نام کا تختی لگانے پہنچے ۔تو سکول انتظامیہ نے اسے منع کیا اور کہا یہ تعلیمی معاملہ لہذا اسے سیاست سے دور رکھا جائے جس پر وہ دونوں سیخ پا ہوئے اور اس کو ایشو بنا یااور 17.08.2016 کو چند دیگر افراد کے ہمراہ سکول پر ہلہ بول دیا اور گرلز سکول میں بغیر کسی اجازت داخل ہوئے اور سکول کے چاردیوار کے تقدس پامال کی ۔سکول انتظامیہ نے واقع کے خلاف تھانہ کالام میں درخواست دی جس پر مقامی پولیس نے محمد یاسین اور دیگر تھانے طلب بھی کیا لیکن اس پر کوئی کاروائی عمل میں نہیںلائی ۔جس کے بعد سکول انتظامیہ نے اعلیٰ حکام کو بھی درخواست ہائے دی ہیں جس مذکوزہ افراد نے سکول کو بد نام کرنے کیلئے مقامی اخبارات میں غلط ،جھوٹ اور بے بنیاد خبرشائع کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات (جی پی آئی)ڈی ائی جی ملاکنڈ اختر حیات خان اور ڈی پی او سوات محمد سلیم مروت کے خصوصی ہدایت پر ڈی ایس پی سٹی حبیب اللہ خان کی نگرانی میں ایس ایچ او بنڑ زاہد خان نے دوران ناکہ بندی 240گرام چرس ،پستول اور کارتوس برامد کرکے ملزمان محمد رحیم ولد شائرستان سکنہ اینگروڈھیرئی ،سید علی ولد ثانی گل سکنہ اینگروڈھیرئی فضل رحمن ولد عبدالواحد سکنہ کانجو ،فرزند علی ولد محمد جوہر سکنہ بنڑکو گرفتار کرکے ان کے خلاف مقدمات درج کرلئے گئے جبکہ ایک اور کارروائی میں بنڑ پولیس نے کرایہ دار ایکٹ کے تحت عبدالعزیز ولد ازادے سکنہ چارباغ ،محمد جمیل ولد تاج محمد سکنہ بٹ خیلہ ،اکبر علی ولد شیرزمان سکنہ رحیم اباد کو بھی تحویل میں لے لیا پولیس نے مقدمات درج کرکے مزید تفتیش شروع کردی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی)یونیورسٹی آف اے جے کے کی ناقص حکمت عملی بھمبر میں بی اے کے داخلہ فارم نایاب داخلہ کے خواہشمند امیدواران پریشان سال ضائع ہونے کا خدشہ تفصیلات کیمطابق آزادجموں وکشمیر یونیورسٹی میں بی اے کے داخلہ کیلئے بنکوں میں دیے گئے فارم نایاب ہوگئے داخلہ کے خواہشمند امیدواران سارا سارادن بنکوں کے چکر لگا کر ذلیل وخوار ہوتے رہے بنک عملہ نے فارم حاصل کرنے کیلئے آنے والے امیدواران کو بتایا کہ بہت تھوڑی تعداد میں فارم مہیا کیے گئے جسکے باعث ہمیں بھی پریشانی کا سامنا رہا اور سارا سارا دن امیدواران اور عملہ کے درمیان نوک جھونک کا سلسلہ جاری رہا بی اے میں داخلہ کے خواہشمند امیدواران نے اس موقع پر کہاکہ اے جے کے یونیورسٹی کے شعبہ داخلہ کیطرف سے کم تعداد میں فارم کی چھپائی اور بنکوںکو داخلہ فارم کی قلیل تعداد کی فراہمی سے طلباء و طالبات کا قیمتی سال ضائع ہونیکا خدشہ ہے انہوںنے کہاکہ یونیورسٹی حکام داخلہ فارمز کے بحران کا نوٹس لیں اور مقررہ داخلہ کی تاریخ میں توسیع کرکے طلباء و طالبات کا قیمتی سال ضائع ہونے سے بچائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(جی پی آئی)ڈپٹی کمشنر بھمبر نے دفعہ 144کا نفاذ کرکے سپورٹس اسٹیڈیم میں ہر قسم کی تقریبات شادی اور کیبل آپریٹرز کو انڈین چینلز چلانے دکھانے پر پابندی عائد کردی خلاف ورزی کی صور ت میں کیبل آپریٹرز کا لائسنس منسوخ کر دیا جائیگا تفصیلات کیمطابق ڈپٹی کمشنر بھمبر مرزا ارشد محمود جرال نے دفعہ 144کا نفاذ کرتے ہوئے اسپورٹس کمپلیکس بھمبرمیں ہر قسم کی تقریبات شادی پر پابندی عائد کردی ہے جبکہ کیبل آپریٹر زکو بھی حکم جاری کیا ہے کہ وہ کیبل پر انڈین چینلز کو فی الفور بند کردیں خلاف ورزی کی صورت میں کیبل کا لائسنس منسوخ کر دیا جائیگا۔
امید روشنی فورم پاکستان لاہور کے زیراہتمام نوجوان اہل قلم کیلئے قومی کنونشن کا انعقاد
گجرات کی خبروں کی تصویری جھلکیاں
