گلیانہ (زاہد مصطفی اعوان) جشن آزادی کی تقریبات ۔پاکستان بھر کی طرح دنیا بھر میں منائی گئیں ۔سپیشل بچوں نے بھی اپنے قومی دن کو جوش و جذبے کے ساتھ منایا ،تفصیل کے مطابق جشن آزادی کی تقریبات پاکستان بھر کی طرح دنیا بھر میں منائی گئیں ۔جہاں نوجوان بچوں بوڑھوں اور خواتین نے آزادی کی خوشیاں منائیں وہاں سپیشل بچوں نے بھی اپنے قومی دن کو جوش و جذبے کے ساتھ منایا ۔اس حوالے سے ایک تقریب المدثر سپیشل ایجوکیشن کمپلیکس باہر وال میں بھی منعقد کی گئی جس میں المدثر سپیشل ایجوکیشن کے بچوں اور بچیوں نے خصوصی شرکت کی اور تقریب کو چار چاند لگا دئے ۔سپیشل بچوں نے المدثر چوک پنجن کسانہ موڑ پر پرچم کشائی کی تقریب منعقد کی ۔سپیشل بچوں نے قومی ترانہ کی دھن پر سبز ہلالی پرچم بلند کیا ۔پرچم کشائی کی اس تقریب کے مہمان خصوصی اسسٹنٹ کمشنر کھاریاں ذوالفقار علی باگری تھے ۔پرچم کشائی کے بعد سپیشل بچوں نے ملی نغمے گائے ۔جنہیں حاضرین نے بہت پسند کیا ۔اور سپیشل بچوں کو داد دی ۔اس موقع پر خطاب کرتے ہوئے المدثر سپیشل ایجوکیشن کمپلیکس کے چئیرمین سید مدثر حسین شاہ نے کہا کہ سپیشل بچے قوم کا سرمایہ ہے ۔ہمیں سپیشل بچوں پر فخر ہے ۔ہم انشاء اللہ سپیشل بچوں کی تعلیم و تربیت میں کوئی کسر نہیں چھوڑیں گے ۔اس موقع پر المدثر سپیشل ایجوکیشن کمپلیکس ناروے کے صدر چوہدری محمد اسلم ۔چوہدری بشارت ایدووکیٹ نے بھی خطاب کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گلیانہ (زاہد مصطفی اعوان )جشن آزادی کے حوالے سے یونین کونسل گلیانہ میں پرچم کشائی کی شاندار اور رنگا رنگ تقریب ۔چیئرمین یو سی گلیانہ ڈاکٹر محمد عباس نے قومی ترانہ کی دھن میں پرچم کشائی کی ۔اس موقع پر خطاب کرتے ہوئے ڈاکٹر محمد عباس نے کہا کہ قائد اعظم محمد علی جناح نے ہمیں پاکستان آزاد کروا کے دیا اور میاں نواز شریف اس کی حفاظت میں لگے ہوئے ہیں ،انھوں نے کہا کہ دہشت گردوں نے میرے ملک میں افراتفری پھیلانے کی ناکام کوششیں کی ہیں مگر پاک فوج نے انہیں ناکام بنا دیا ہے ،انشاء ہمارا ملک قائم ہے اور رہے گا ،سید خالد حسین شاہ معروف سیاسی وسماجی شخصیت نے کہا کہ ہم ناروے سمیت پاکستان میں بھی یوم آزادی کی شاندار تقریبات منعقد کرواتے ہیں ۔دیار غیر میں ہمیں اپنے وطن کی یا د بہت ستاتی ہے ۔ہمارا جینا مرنا وطن کے لئے ہے ۔تقریب کے اختتام پر چیئرمین ڈاکٹر محمد عباس کی طر ف سے ریفریشمنٹ کا بندوبست کیا گیا تھا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گلیانہ (زاہد مصطفی اعوان )ڈی پی او گجرات کے خصوصی احکامات کے مطابق ایس ایچ او تھانہ گلیانہ نے تھانہ گلیانہ کی حدود میں مساجد میں ایک سے زائد ہارن اور واک چاکنک ختم کرنے کی مہم شروع کر دی ۔تفصیل کے مطابق ایس ایچ او تھانہ گلیانہ محمد ارشد گوندل نے زاہد مصطفی اعوان سے ٹیلی فون پر گفتگو کرتے ہوئے بتایا کہ ڈی پی او گجرات نے ایک سرکلر جاری کیا ہے جس کے مطابق تمام مساجد میں ایک سے زائد ہارن استعمال کرنے پر پابندی ہے ۔اور دیواروںپر وال چاکنگ ۔بینرز اور پینا فلیکس بھی لگانے پر مکمل پابندی ہے ۔انھوں نے کہا کہ تھانہ گلیانہ کی حدود میں اس پر سختی سے عمل درآمد کروایا جائے گا ۔اور دو دن کا الٹی میٹم دیا گیا ہے ،جن افراد کے مکانوں اور دوکانوں پر وال چاکنگ ہے وہ فوری طور پر ختم کر دیں ۔وگرنہ قانون سختی سے عمل درآمد کروائے گا۔
پاکستان فلاح پارٹی کے ضلعی آفس میں کارکنان جشن آزادی کا کیک کاٹ رہے ہیں
پاکستان کو کمزور کرنے کی سازشیں کی جا رہی ہیں، شیخ ساجد الرحمان
