اسلام آباد (جیوڈیسک) وزیراعظم نوازشریف کا کہنا ہے کہ گلگت بلتستان کونسل کے آئندہ انتخابات کے لئے امیدواروں کو ٹکٹ مشاورت سے اور میرٹ پر دیئے جائیں گے۔
وزیراعظم نوازشریف سے وزیراعلیٰ گلگت بلتستان حافظ حفیظ الرحمان کی ملاقات ہوئی، وزیراعلیٰ نے وزیراعظم کوگلگت بلتستان میں جاری ترقیاتی منصوبوں سےآگاہ کیا جب کہ گلگت بلتستان میں بہبود کی اسکیموں میں پیشرفت سےبھی آگاہ کیا گیا۔ اس موقع پر حافظ حفیظ الرحمان نے گلگت میں پھنسے سیاحوں کو نکالنے کے لئے سی ون تھرٹی طیارہ بھیجنے پر وزیر اعظم کا شکریہ ادا کیا۔
ملاقات کے دوران وزیراعظم کا کہنا تھا کہ گلگت بلتستان کےعوام نےمسلم لیگ (ن) پراعتماد کا اظہارکیا ۔ عوام کی جانب سے ملنے والا مینڈیٹ عوام کا معیار زندگی بہتر بنانے کا متقاضی ہے، حکومت بھی گلگت بلتستان کی ترقی اور خوشحالی کواولین ترجیح دیتی ہے۔ گلگت بلتستان کونسل کے آئندہ انتخابات کے لئے امیدواروں کو ٹکٹ مشاورت سے اور میرٹ پر دیئے جائیں گے۔
گلگت بلتستان کےعوام کا معیار زندگی بہتر بنانے کے لیے تعاون کرے گی، ترقیاتی منصوبوں کا مقصد خطے میں معاشی سرگرمیوں کا فروغ ہے، گلگت بلتستان میں ترقیاتی اسکیموں پرکام کا مسلسل جائزہ لیا جائے اورسیاحوں کو بھی بہترسہولیات فراہم کی جائیں۔
ایم کیو ایم چھوڑنے والوں کو باضمیر اور شامل ہونے والوں کو لالچی کہنا دوہرا معیار ہے: ڈاکٹر فاروق ستار
پاناما لیکس انکشافات کے بعد وزیراعظم کی نااہلی کے لئے سپریم کورٹ میں درخواست دائر کر دی گئی
