جغرافیائی سرحدوں کے ساتھ ساتھ ثقافتی یلغار کا بھی ڈٹ کر مقابلہ کرنا ہو گا : اقبال چودھری
Posted on August 19, 2013 By Noman Webmaster لاہور
لاہور : پاکستان ایوارڈ اکیڈمی کے زیراہتمام یوم آزادی کے حوالے سے گزشتہ روز مقامی ہوٹل کے بورڈ روم میں ایک پروقار تقریب منعقد ہوئی جس کے مہمان خصوصی محمد اقبال چودھری میڈیا کوآرڈی نیٹر چودھری پرویز الٰہی تھے جبکہ دیگر مہمانوں میں حاجی گلزار اعوان، میاں سہیل اسماعیل، کرنل (ر) سردار عبدالرئو ف مگسی، چودھری مبین، محمد ندیم، فلم سٹار نغمہ بیگم، سٹیج اداکارہ شیبا بٹ کے علاوہ شوبز کی کئی شخصیات شامل تھیں۔
اس موقع پر مختلف شعبہ ہائے زندگی کے افراد کو نمایاں کارکردگی پر ایوارڈ اور انعامات دیئے گئے اور پاکستان کی 66 ویں سالگرہ پر کیک بھی کاٹا گیا۔ اقبال چودھری نے اپنے خطاب میں کہا کہ وطن عزیز کو حاصل کرنے کے لئے مائوں نے اپنے بیٹوں، بہنوں نے اپنے بھائی اور بیٹیوں نے اپنے سہاگ لٹا کر اس پاک وطن کی بنیاد رکھی ہمیں نہ صرف اپنی جغرافیائی سرحدوں کی حفاظت بلکہ بیرونی ثقافتی یلغارکا بھی ڈٹ کر مقابلہ کرنا ہو گا۔
