جرمنی (اصل میڈیا ڈیسک) برلن میں جرمن چانسلر انگیلا میرکل کے دفتر کی عمارت کے داخلی دروازے سے ایک کار کے ٹکرانے کا واقعہ رونما ہوا ہے۔ پولیس نے گاڑی کے ڈرائیور کو حراست میں لے لیا ہے۔
جرمن دارالحکومت برلن میں ایک کار جرمن چانسلر کے دفتر کی عمارت کے داخلی گیٹ سے ٹکرا گئی۔
پولیس کا کہنا ہے اس واقعے میں زیادہ نقصان تو نہیں ہوا اور ابھی کسی جانی نقصان یا کسی کے زخمی ہونے کی تصدیق بھی نہیں کی گئی۔ تاہم عمارت کا گیٹ معمولی سا ٹیڑھا ہو گیا ہے۔
پولیس کے مطابق جرمن چانسلر انگیلا میرکل اور کابینہ کے دیگر ارکان بالکل محفوظ ہیں اور ان کو کوئی خطرہ لاحق نہیں ہے۔
پولیس کے مطابق اس واقعے کے بعد گاڑی کے ڈرائیور کو چانسلر دفتر کے سامنے سے ہی حراست میں لے لیا گیا ہے۔ برلن پولیس کی جانب سے تحقیقات شروع کر دی گئی ہیں۔ زیر حراست شخص کی عمر 54 برس بتائی جا رہی ہے۔
اطلاعات کے مطابق چانسلر دفتر کے گیٹ سے ٹکرانے والی اس کار پر دو نعرے بھی درج تھے۔ گاڑی کے ایک جانب لکھا تھا، ’’میں بچوں اور معمر افراد کے قتل کی مذمت کرتا ہوں‘‘ اور دوسری جانب لکھا تھا، ’’عالمگیریت کی سیاست روکی جائیں۔‘‘
گاڑی کی رجسٹریشن جرمن صوبے نارتھ رائن ویسٹ فیلیا کے علاقے لپے کی بتائی گئی ہے۔
امارات نے پاکستان سمیت بعض مسلم ممالک کے نئے ویزے روک دیے
شہباز اور حمزہ کی پیرول پر رہائی کا معاملہ: وزیراعلیٰ نے کابینہ سفارشات کی منظوری دیدی
