برلن (جیوڈیسک) ورلڈ کپ میں سب سے زیادہ گول سکور کرنیوالے کھلاڑی کا اعزاز حاصل کرنے والے جرمنی کے سٹرائیکر میرو سلوو کلوزے نے انٹرنیشنل فٹبال سے ریٹائرمنٹ لے لی۔
جرمن سٹرائیکرمیروسلووکلوزے نے اپنے کیرئیر کے دوران وہ سب کچھ حاصل کیا جس کی تمنا ہر کھلاڑی کرتا ہے۔ کلوزے نے گزشتہ ماہ برازیل میں ہونے والے فٹبال ورلڈ کپ کی تاریخ میں سب سے زیادہ سولہ گول کرنیوالے کھلاڑی کا اعزاز حاصل کیا تھا۔
کلوزے نے تیرہ سالہ کیرئیر کے دوران چار ورلڈ کپ ٹورنامنٹس میں جرمنی کی نمائندگی کی جبکہ وہ دوہزارچودہ ورلڈ کپ جیتنے والی جرمن ٹیم کا حصہ تھے۔
کلوزے نے دوہزارایک سے دوہزارچودہ تک ایک سوسینتیس میچزمیں جرمنی کی نمائندگی کرتے ہوئے اکہترمرتبہ گیند کوجال میں پہنچایا۔ کلوزے جرمنی کی جانب سے سب سے زیادہ گول کرنیوالے کھلاڑی بھی ہیں۔
لندن : تاحیات پابندی کے خلاف دانش کنیریا کی اپیل مسترد
ہرارے ٹیسٹ: افریقہ نے زمبابوے کو 9 وکٹ سے ہرا دیا
