برلن (جیوڈیسک) جرمنی میں عیاش ماں نے اپنی زندگی کی راہ میں رکاوٹ جان کر اپنے بچے کو پیدا ہونے کے آدھے گھنٹے بعد ہی گلا کاٹ کر قتل دیا اوراس کی لاش دریا میں پھینک کر خود ڈسکو چلی گئی۔ جرمنی کی ریاست بویریا کے شہر ریگنسبرگ کی نادین کوئنیگ نامی 20 سالہ لڑکی الزام ہے کہ گزشتہ برس اس نے ایک بچے کو جنم دیا جس کا اس کے والدین کو بھی علم نہ تھا، پیدائش کے آدھے ہی گھنٹے بعد اس نے اپنے بچے کو چھری سے گلا کاٹ کر قتل کر دیا اور اس کی لاش دریا میں پھینک کر ڈسکو کلب چلی گئی، پولیس نے بچے کی لاش ملنے کے 12 روز بعد شواہد کی مدد سے خاتون کو حراست میں لیا تھا جس کے بعد اس پر بچے کے قتل کا مقدمہ زیر سماعت ہے۔
وکیل استغاثہ نے اپنے دلائل میں کہا کہ دنیا میں آنے والا بچہ نادین کوئنیگ کے لئے بہت بڑی ذمہ داری تھا جس سے عہدہ برا ہونا اس کے بس میں نہیں تھا اور اس بچے کی وجہ سے نا صرف اس کی زندگی پر انتہائی گہرے اثرات مرتب ہوتے بلکہ اس کی عیش پرستی پر بھی قدغن لگ سکتی تھی۔ لڑکی کا اس موقع پر کہنا تھا کہ اسے خدشہ تھا کہ وہ جس طرح کی عیش و عشرت سے بھرپور زندگی گزار رہی ہے مستقبل میں اس کا بچہ اس میں رکاوٹ بن سکتا ہے۔
سعودی عرب میں القاعدہ سے تعلق کے الزام میں پاکستانی سمیت 62 دہشت گرد گرفتار
کینیا میں زہریلی شراب پینے سے 60 افراد ہلاک، متعدد اندھے ہو گئے
