گجرات کی خبریں 25/6/2014

Posted on June 26, 2014 By Geo1 Webmaster سٹی نیوز

شاہ فضل ٹرسٹ پاکستان کے زیر اہتمام آستانہ عالیہ غوثیہ فضلیہ کھپیڑانوالہ شریف میں سیدہ سلام اللہ علیہا میڈیکل کمپلیکس کا افتتاح
گجرات ( جی پی آئی ) شاہ فضل ٹرسٹ پاکستان کے زیر اہتمام آستانہ عالیہ غوثیہ فضلیہ کھپیڑانوالہ شریف میں سیدہ سلام اللہ علیہا میڈیکل کمپلیکس کا افتتاح پیر طریقت ‘ رہبر شریعت صاحبزادہ پیر سید محمود الحسن شاہ بخاری قادری الحسنی و الحسینی سجادہ نشین آستانہ عالیہ غوثیہ فضلیہ کھپیڑانوالہ شریف نے اپنے دست مبارک سے کیا ۔ اور خصوصی دعا بھی کی ‘ افتتاح کے موقع پر صاحبزادہ پیر سید رخسار الحسن شاہ بخاری قادری ‘ صاحبزادہ پیر سید زاہد الحسن شاہ بخاری قادری ‘ صاحبزادہ پیر سید کرنل مسعود الحسن شاہ بخاری قادری ‘ صاحبزادہ پیر سید امتیاز الحسن شاہ بخاری قادری ‘ صاحبزادہ پیر سید فیضان الحسن شاہ بخاری قادری ‘ صاحبزادہ پیر سید تجمل حسین شاہ ‘ سید حامد حسین شاہ ‘ سید سعادت مہندی ‘ سید فیض الحسن شاہ ‘ سید محسن مبشر شاہ ‘ سید احسن مبشر شاہ ‘ سید زوار حسین شاہ ‘ سید عاشر حسین بخاری ‘ کوآرڈینیٹر گورنر پنجاب چوہدری اختر آف چھوکر کلاں ‘ ریٹائرڈ پولیس آفیسر چوہدری محمد رشید ‘ پرنسپل دارالعلوم جامعہ غوثیہ فضلیہ کھپیڑانوالہ شریف قاری شفقت اللہ قادری ‘ ممتاز ثناء خوان مظہر عزیز قادری ‘ ڈاکٹر محمد ایوب قادری ‘ صوفی محمد اقبال ‘ محمد احسان قادری ‘ حافظ محمد امجد ‘ محمد بابر قادری ‘ محمد فیصل قادری ‘ عامرچوہدری ‘ ڈاکٹر رزاق احمد غفاری کے علاوہ سینکڑوں پیر بھائیوں ‘ مریدوں اور عقیدت مند بھی موجود تھے ‘ سیدہ سلام اللہ علیہا میڈیکل کمپلیکس میں مریضوں کا فری میڈیکل چیک اپ ہوگا اور مستحق مریضوں کو ادویات بھی فری دی جائیں گی ‘ میڈیکل کمپلیکس ممتاز معالج ڈاکٹر سید بابر حسنین رضوی کی زیر سرپرستی مریضوں کو چیک کیا جائے گا ‘ جبکہ ڈاکٹر محمد اقبال محسن نے بھی اپنی ڈیوٹی سرانجام دیا کرینگے ‘ اس فری میڈیکل کمپلیکس کے قیام سے کئی دیہات کے ہزاروں عوام کو فائدہ ہوگا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سیاسی و سماجی شخصیت سابق نائب ناظم مہر مشتاق احمد کی والدہ محترمہ کی روح کے ایصال ثواب کیلئے ختم چہلم آج ہوگا
گجرات ( جی پی آئی ) ممتاز سیاسی و سماجی شخصیت سابق نائب ناظم مہر مشتاق احمد کی والدہ محترمہ کی روح کے ایصال ثواب کیلئے ختم چہلم آج 26جون 2014ء بروز جمعرات صبح 9بجے ان کی رہائشگاہ گلی ڈاکٹر روبینہ ساجد قمر سیالوی روڈ گجرات میں پڑھا جائیگا ‘ اور دعا انشاء اللہ ٹھیک دس بجے صبح ہوگی ‘ ایصال ثواب کی محفل پاک میں شرکت فرما کر ثواب دارین حاصل کریں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حضرت کبیر الدین شاہدولہ دریائی کے عرس مبارک کے سلسلہ میں آ ج 26جون بروز جمعرات کودوپہر12بجے گلشن محبو ب بھمبر روڈمیں محفل میلا د منعقد ہو گی
گجرات(جی پی آئی )حضرت کبیر الدین شاہدولہ دریائی کے عرس مبارک کے سلسلہ میں آ ج 26جون بروز جمعرات کودوپہر12بجے گلشن محبو ب بھمبر روڈمیں محفل میلا د منعقد ہو گی،محفل میلا د کی صدرات صاحبزادہ منصور الحق آوانی سجادہ نشین آستانہ عالیہ آ وان شر یف و مہمند ہ شر یف کر یںگے،محفل میں ممتاز ثناء خوان رسول ہدیہ نعت رسول پیش کرینگے ‘ اس موقع پر تما م انتظا ما ت کی نگر انی صاحبزادہ پیر رضوان منصورآوانی زیب آ ستا نہ عا لیہ مہمند ہ شر یف و مہمند ہ شر یف کر یں گئے،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اتحاد کیلئے رابطے جاری، قتل عام کرانے والے نواز، شہباز شریف استعفے دیں: چودھری شجاعت حسین، پرویزالٰہی، شیخ رشید
گجرات ( جی پی آئی )پاکستان مسلم لیگ کے صدر و سابق وزیراعظم سینیٹر چودھری شجاعت حسین، سینئر مرکزی رہنما و سابق نائب وزیراعظم چودھری پرویزالٰہی اور عوامی مسلم لیگ کے صدر شیخ رشید احمد نے یہاں پاکستان عوامی تحریک کے سربراہ ڈاکٹر طاہر القادری سے ان کی رہائش گاہ پر طویل ملاقات کی جس کے بعد میڈیا سے گفتگو کرتے ہوئے انہوں نے کہا کہ دینی و سیاسی جماعتوں سے اتحاد کیلئے رابطے کیے جا رہے ہیں، ماڈل ٹائون میں قتل عام کرنے والے نواز اور شہباز شریف استعفے دیں، ملک میں یہ کون سی جمہوریت ہے جس میں انا کی تسکین کیلئے اپنے ہی نہتے اور بیگناہ شہریوں کو قتل کیا جا رہا ہے۔ انہوں نے کہا کہ سیاسی و دینی جماعتوں کی مشاورت اور رابطوں کے سلسلہ میں کل اہم اجلاس ہو گا جبکہ رمضان میں بھی یہ سلسلہ جاری رہے گا البتہ رمضان کا احترام لازم ہے۔ انہوں نے کہا کہ 10 نکات سے اتفاق کرنے والوں سے مشاورت کے علاوہ ان جماعتوں سے بھی رابطے کر رہے ہیں جو 10 نکات میں سے ایک پر بھی متفق ہیں یا پھر اپنے لائحہ عمل کے تحت اس اتحاد کا حصہ بننا چاہتی ہیں، یہ تحریک اب زور پکڑ چکی ہے۔ انہوں نے کہا کہ جب تک شہباز شریف استعفیٰ نہیں دیتے تب تک کوئی وزیراعلیٰ کے خلاف گواہی دینے کیلئے نہیں آئے گا، تلہ گنگ میں پاکستان مسلم لیگ کے کارکنوں اور رہنمائوں کے خلاف پرچے درج کیے جا رہے ہیں جبکہ پاکستان عوامی تحریک کے مزید 1600 کارکنوں کے خلاف دہشت گردی کے مقدمات بنائے گئے ہیں، راولپنڈی اور اٹک کے عہدیدار دوبارہ گرفتار کر لیے گئے ہیں، کارکنوں اور رہنمائوں کے گھروں پر چھاپے مارے جا رہے ہیں، شدید زخمی کارکنوں میں سے ایک روزانہ شہید ہو رہا ہے، ایسے میں نہتے کارکنوں پر گولی چلانے کا آرڈر دینے والوں پر کون اعتماد کر سکتا ہے، حکمرانوں کو وزیرستان آپریشن کی کوئی فکر ہے نہ احساس، فکر ہوتی تو یہ ماڈل ٹائون آپریشن اور خونریزی نہ کرتے۔ شیخ رشید احمد نے کہا کہ مجھے امید ہے کہ تحریک انصاف کے قائد عمران خان بھی جلد اس الائنس کا حصہ بننے والے ہیں کیونکہ وہ اپنی فکری سوچ کے ساتھ آگے بڑھیں گے ان کے دل میں عوام کا درد ہے اس لیے میری خواہش ہے کہ جلد وہ بھی ڈاکٹر طاہرالقادری سے ملاقات کریں۔ انہوں نے ڈاکٹر طاہر القادری کو لال حویلی آنے کی دعوت بھی دی۔ انہوں نے حکمرانوں پر تنقید کرتے ہوئے کہا کہ رات کو گھروں پر چھاپے مار کر گرفتاریاں اور دن کو ٹیلیفون کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
برصغیر پاک و ہند کی عظیم روحانی شخصیت حضرت سید محمد نوشہ گنج بخش رحمتہ اللہ علیہ کے عرس مبارک کی تقریبات آج سے شروع ہوگئیں
گجرات (جی پی آئی ) برصغیر پاک و ہند کی عظیم روحانی شخصیت حضرت سید محمد نوشہ گنج بخش رحمتہ اللہ علیہ کے عرس مبارک کی تقریبات 26/27 جون بروز جمعرات و جمعتہ المبارک منعقد ہو رہی ہیں یہ تقریبات مجدد اعظم حضرت سید محمد نوشہ گنج بخش رحمتہ اللہ علیہ کے چشم و چراغ و بانی دی ورلڈ اسلامک مشن برطانیہ حضرت پیر سید معروف حسین شاہ عارف قادری نوشاہی کی زیر صدارت منعقد ہو رہی ہیں ‘ مرکزی تقریب 26جون بروز جمعرات صبح دس منعقد ہوگی جس کی صدارت عالمی مبلغ اسلام پیر سید معروف حسین شاہ عارف قادری نوشاہی کرینگے ‘ جبکہ خصوصی طور پر جانشین حضور عالمی مبلغ اسلام حضرت صاحبزادہ پیر سید محمد احسن شاہ شرافت نوشاہی اور جگر گوشہ عالمی مبلغ الاسلام حضرت صاحبزادہ پیر سید حسن شاہ ازہر نوشاہی و دیگر اہم شخصیات کثیر تعداد میں شریک ہونگی۔ خصوصی دعا صاحبزادہ پیر سید معین الحسنین قیوم نوشاہی کرینگے تقریبات کی نگرانی چوہدری نثاراحمد نوشاہی ناظم اعلیٰ مرکزی بزم نوشاہیہ پاکستان کرینگے علماء اکرام کثیر تعداد میں شرکت ہونگے ‘ عرس مبارک کی مرکزی دنیا بھر سے آئے ہوئے علماء اکرام مفتیان اسلام خطاب کرینگے ‘ ثناء رسول ہدیہ نعت بحضور صلی اللہ علیہ وآلہ وسلم پیش کرینگے ‘ عرس کی تقریبات کے سلسلہ میں سخت حفاظتی انتظامات کئے گئے ہیں تاکہ کوئی نا خوشگوار واقع پیش نہ آ سکیں ‘ زائرین کیلئے لنگر کا خصوصی انتظامیہ کیا گیا ہے ‘ عرس میں پاکستان کے علاوہ بیرون ملک سے آئے ہوئے مہمان گرامی بھی شریک ہوتے ہیں ۔ ہر سال مرکزی روحانی تقریب میں ہزاروں عقیدت مند شامل ہوتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حضرت علامہ پیر سید معروف حسین شاہ عارف قادری نوشاہی کی خدمات تاریخ کا حصہ ہیں ‘ چوہدری نثار احمد نوشاہی
گجرات (جی پی آئی ) حضرت علامہ پیر سید معروف حسین شاہ عارف قادری نوشاہی کی خدمات تاریخ کا حصہ ہیں ‘ ناظم اعلیٰ مرکزی بزم نوشاہیہ پاکستان چوہدری نثار احمد نوشاہی نے کہا ہے کہ وابستگان سلسلہ نوشاہیہ کو عرس مبارک حضرت سید نوشہ گنج بخش قادری پر ہدیہ تبریک پیش کیا ‘ انہوں نے کہا ہے کہ حضور عالمی مبلغ اسلام حضرت علامہ پیر سید معروف حسین شاہ عارف قادری نوشاہی نے حضور مجدد اعظم حضرت سید نوشہ گنج بخش قادری کی حقیقی تعلیمات سے روشناس کروایا عرس مبارک پر خالص دینی و روحانی محافل کا انعقاد کیا ‘ دنیا بھر سے نامور علماء کرام کو مدعو فرما کر تقریبات کو چار چاند لگائے’ انہوں نے کہا ہے کہ حضور عالمی مبلغ ا سلام کی قیادت میں یہ عظیم مشن جاری رہے گا ‘ انہوں نے لوگوں پر زور دیا مجدد اعظم حضرت سید نوشہ گنج بخش قادری کی تعلیمات پر عمل پیرا ہو کر اہل حق سے سچی محبت کا ثبو ت دیں ۔انہوں نے کہا ہے کہ تمام عقید ت مند عرس مبارک تقریبات میں جوش و خروش سے شریک ہوں کیونکہ حضرت علامہ پیر سید معروف حسین شاہ عارف قادری نوشاہی نے تبلیغ اسلام کے سلسلہ میں کو دن رات کاوشیں کیں ہیں اُن خراج تحسین پیش کرنا کا یہ بہترین طریقہ ہے کہ اُن کے نقش قدم پر چلیں انہوں نے کہا ہے کہ پیر سید معروف حسین شاہ عارف قادری نوشاہی ہر سال حضرت نوشہ گنج بخش رحمتہ اللہ علیہ کی عرس مبارک کی تقریبات بھرپور طریقہ سے منعقد کرنے کیلئے کام کرتے ہیں اور دنیا بھر میں حضرت سید محمد نوشہ گنج بخش کا پیغام پہنچا رہے ہیں ‘ چوہدری نثار احمد نوشاہی نے کہا ہے کہ تمام عقیدت مندوں نے جس طرح پہلے عرسوں میں شرکت کی اس سال میں بھی انشاء اللہ تعالیٰ ملک بھر سے قافلے در قافلے اس عرس مبارک کی تقریب بھرپور انداز میں شرکت کیلئے پہنچ گئے ‘ جن کیلئے پیر سید معروف حسین عارف قادری نوشاہی نے شاندار انتظامات کئے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجدد اعظم حضرت سید نوشہ گنج بخش قادری رحمتہ اللہ علیہ فیضان سے لاکھوں لوگ فیضیاب ہو رہے ہیں ‘ پیر سید تصور حسین شاہ
گجرات (جی پی آئی ) مجدد اعظم حضرت سید نوشہ گنج بخش قادری رحمتہ اللہ علیہ فیضان سے لاکھوں لوگ فیضیاب ہو رہے آج بھی آپ کے مزار پر انوار پر لاکھوں لوگ حاضری کا شرف حاصل کرتے ہیں ‘ سجادہ نشین دربار نوشاہی ڈوگہ شریف حصرت پیر سید تصور حسین شاہ نوشاہی عرس مبارک سید نوشہ گنج بخش قادری کے سالانہ عرس مبارک کے موقع پر اپنے خصوصی بیان میں انہوں نے فرمایا تعلیمات نوشہ گنج بخش پر عمل پیرا ہو کر انسان پر سکون اور بلند مراتب حاصل کرتاہ ے ‘ قطب المشائخ حضرت علامہ پیر سید ابوالکمال برق نوشاہی اور عالمی مبلغ اسلام حضرت علامہ پیر سید معروف حسین شاہ عارف قادری نوشاہی نے سلسلہ نوشاہیہ کا پیغام پوری دنیا میںپہنچایا عرس مبارک کے موقع پر خالص مذہبی روحانی تقریبات کے انعقاد پر حضرت علامہ پیر سید معروف حسین شاہ عارف قادری نوشاہی کو خراج تحسین پیش کرتے ہیں ۔ جنہوں نے دنیا بھر میں حضرت نوشہ گنج بخش کی تعلیمات کو ہر خاص و عام پہنچانے کی کوشش کی اور اُن کی تعلیمات سے لوگ مستفید ہو رہے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی ) حضرت سید نوشہ گنج بخش قادری کے سالانہ عرس مبارک کے سلسلہ میں عظیم الشان محفل درگاہ حضرت علامہ پیر سید ابوالکمال برق نوشاہی دربار نوشاہی ڈوگہ شریف میں 27جون بروز جمعتہ المبارک دن 3بجے تا نماز مغرب دربار نوشاہی ڈوگہ شریف کے سجادہ نشین حضرت پیر سید تصور حسین شاہ نوشاہی کی زیر سرپرستی منعقد ہو گی ‘ نگرانی حافظ وسیم عباس نوشاہی صدر مرکزی بزم تصور پاکستان کرینگے ‘ نامور ثنا خوان مصطفی قاری محمد شفیع نوشاہی گولڈ میڈلسٹ خصوصی ہدیہ عقیدت پیش کرینگے ‘ علاقہ بھر سے عقیدت مندان بھرپور شرکت کرینگے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جدید خطوط پر استوار لائبریریوں کا قیام ذہنی بیداری کا پیامبر ہوتا ہے’ ڈاکٹر نظام الدین
گجرات ( جی پی آئی ) جدید خطوط پر استوار لائبریریوں کا قیام ذہنی بیداری کا پیامبر ہوتا ہے ۔ جامعات میں علم کی صحیح معنوں میں ترسیل کے لیے جدید ترین لائبریریوں کا قیام وقت کی اہم ضرورت ہے ۔ جدید دنیا میں لائبریری کا مفہوم بالکل بدل چکا ہے ۔ علم کی تحصیل کے لیے نہ صرف کتابیں ضروری ہیں بلکہ رسل و رسائل کے جدید ترین ذرائع کا استعمال بھی اہم بن چکا ہے ۔ جامعات کی ترقی میں لائبریری کثیر الجہتی حیثیت کی حامل ہوتی ہے ۔ لائبریری کسی بھی جامعہ کے ذہنی نشوونما کو ماپنے کا پیمانہ ہے ۔ ان خیالات کا اظہار مہمان خصوصی وائس چانسلر جامعہ گجرات پروفیسر ڈاکٹر محمد نظام الدین نے یونیورسٹی آف گجرات میں سنٹرل لائبریری کے افتتاح کے موقعہ پر کیا ۔ اس سے قبل انہوں نے سنٹرل لائبریری کی افتتاحی تختی کی نقاب کشائی کی اور فیتہ کاٹا۔ انہوں نے مزید کہا کہ جامعہ گجرات کی لائبریری کا شمار پاکستان کی پبلک سیکٹر یونیورسٹیوں کی نمایاں ترین لائبریریوں میں ہو گا ۔ اس لائبریری میں کتابوں کے ساتھ ساتھ ایک ویڈیو لائبریری بھی قائم کی جائے گی ۔ اور کتابوں کو ڈیجٹلائز کرنے کا کام بھی کیا جائے گا ۔ ڈائریکٹر پلاننگ رانا مسعود امجد رانا نے کہا کہ سنٹرل لائبریری جامعہ گجرات کا قیام پروفیسر ڈاکٹر محمد نظام الدین کی ذاتی کوششوں اور دلچسپی کا مرہون منت ہے ۔ اور ڈیزائننگ کے حوالہ سے میڈم جہاں آراء نظام نے سنٹرل لائبریری کو طلباء و طالبات کی جدید علمی ضرورتوں کے مطابق تشکیل دینے میں اہم کردار ادا کیا ۔ چیئرمین لائبریری کمیٹی ڈاکٹر مدثر اقبال نے کہا کہ لائبریری یونیورسٹی کا سب سے اہم حصہ ہوتی ہے اور طلباء و طالبات کی علمی و ذہنی تشکیل میں اہم کردار ادا کرتی ہے ۔ انچارج سنٹرل لائبریری محمد عمران صدیقی نے لائبریری کے مختلف حصوں کے بارے میں بریفنگ دیتے ہوئے کہا کہ جامعہ گجرات کی سنٹرل لائبریری کا شمار پاکستان کی چند بڑی اور جدید ترین لائبریریوں میں ہو گا ۔ اس لائبریری میں تقریباً 3 لاکھ کتابیں سٹور کرنے کی گنجائش ہے ۔ طلباء و طالبات کو جدید علوم سے آراستہ کرنے کے لیے یہاں 100 کمپیوٹر بھی رکھے گئے ہیں۔ لائبریری کے میڈیا ہال میں 250 لوگوں کے بیٹھنے کی گنجائش ہے ۔ ایک ہال کو مختلف پراجیکٹس کی نمائش کے لیے مختص کیا گیا ہے ۔ ڈپٹی ڈائریکٹر (ورکس )رانا ندیم اشرف نے اس موقع پر سنٹرل لائبریری کے عمارتی انفرا سٹرکچر بارے آگاہ کیا ۔ لائبریری کے افتتاح کے موقع پر رجسٹرار UOG ڈاکٹر طاہر عقیل ، ٹریژرر طارق سعید، ڈائریکٹر اے اینڈ سی صاحبزادہ فیصل خورشید ، ڈائریکٹر سوشل سائنسز ڈاکٹر فریش اللہ، ڈائریکٹر فیکلٹی آف سائنسز ڈاکٹر محمد فہیم ملک، ڈائریکٹر میڈیا شیخ عبدالرشید، ڈاکٹر فوزیہ مقصود، سدرہ مقصود، تنزیلہ گل، ڈاکٹر بشریٰ، ڈاکٹر جاوید حیدر سید، ڈاکٹر زاہد یوسف، زاہد بلال ،پی ایس او ٹو وائس چانسلر فیصل اقبال اور مختلف شعبہ جات کے صدور و اساتذہ، انتظامیہ کے سینئر اراکین اور طلباء و طالبات کی ایک بڑی تعداد نے شرکت کی ۔ شعبہ علوم اسلامیہ کے صدر ڈاکٹر محمد نواز نے اس موقع پر اجتماعی دعائے خیر و برکت کروائی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یونیورسٹی آف گجرات کے ویڈیو کانفرنس ہال کا نام شہید ڈائریکٹر پروفیسر سید شبیر حسین شاہ کی یاد میں پروفیسر سید شبیر حسین ویڈیو کانفرنس ہال رکھ دیا گیا
گجرات ( جی پی آئی ) یونیورسٹی آف گجرات کے ویڈیو کانفرنس ہال کا نام شہید ڈائریکٹر پروفیسر سید شبیر حسین شاہ کی یاد میں پروفیسر سید شبیر حسین ویڈیو کانفرنس ہال رکھ دیا گیا ۔ وائس چانسلر جامعہ گجرات پروفیسر ڈاکٹر محمد نظام الدین نے اس موقع پر یادگاری تختی کی نقاب کشائی کرتے ہوئے کہا کہ پروفیسر شبیر حسین شاہ ایک متحرک شخصیت تھے۔ انہوں نے جامعہ گجرات کی ترقی و تعمیر کے لیے دن رات محنت کی اور جامعہ گجرات کی فضا کو علمی بنانے میں اہم کردار ادا کیا۔ جامعہ گجرات کے لیے ان کی خدمات کو ہمیشہ یاد رکھا جائے گا پروفیسر شبیر شاہ کی انہی خدمات کے اعزاز میں ویڈیو کانفرنس ہال کو ان کے نام سے معنون کیا گیا ہے ۔ پروفیسر شبیر شاہ نے علم کے فروغ کی راہ میں اپنی جان کا نذرانہ پیش کیا ۔ ڈائریکٹر میڈیا شیخ عبدالرشید نے کہا کہ پروفیسر شبیر شاہ ایک علم دوست شخصیت تھے۔ ویڈیو کانفرنس ہال کو ان کے نام سے عبارت کرنا خوش آئند امر ہے ۔ انہوں نے اس بات کا اعادہ کیا کہ پروفیسر شبیر شاہ کی یاد میں کتاب کی تیاری جامعہ گجرات کی ذمہ داری ہے ۔ انہوں نے اپیل کی کہ پروفیسر شاہ کے دوستوں اور عزیزوں کو اس حوالہ سے اپنی یادیں لکھنا چاہئیں۔ شیخ عبدالرشید نے پروفیسر شبیر شاہ مرحوم کی یاد میں سماج میں دانشور کے کردار کے موضوع پر ایک سیمینار منعقد کروانے کا بھی اعلان کیا ۔ شعبہ معاشیات کے صدر ڈاکٹر عاطف جعفری نے کہا کہ وہ اور ان کا خاندان ویڈیو کانفرنس ہال کو پروفیسر شبیر شاہ کے نام معنون کیے جانے پر یونیورسٹی انتظامیہ کے از حد شکر گذار ہیں۔ اس موقع پر شیخ الجامعہ پروفیسر ڈاکٹرمحمد نظام الدین نے ڈاکٹر جاوید حیدر سید کو پروفیسر شبیر شاہ کے نام پر شعبہ تاریخ میں شبیر شاہ چیئر بنانے کی تجویز پیش کی ۔ انہوں نے کہا کہ پروفیسر شبیر شاہ بنیادی طور پر تاریخ کے استاد اور پاکستان کے مایہ ناز دانشور تھے۔ انہوں نے اس چیئر کو چلانے کے لیے ایک انڈوومنٹ فنڈ قائم کرنے کی تجویز پیش کی اور اپنی جانب سے شبیر شاہ چیئر کے لیے دو لاکھ روپے کے فنڈز کا اعلان بھی کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یونیورسٹی آف گجرات کے ملازمین کی جانب سے ایک دن کی تنخواہ شمالی وزیرستان سے نقل مکانی کرنے والے بہن بھائیوں کے لیے عطیہ کرنے کا اعلان
گجرات ( جی پی آئی ) یونیورسٹی آف گجرات کے ملازمین کی جانب سے ایک دن کی تنخواہ شمالی وزیرستان سے نقل مکانی کرنے والے بہن بھائیوں کے لیے عطیہ کرنے کا اعلان… وائس چانسلر یونیورسٹی آف گجرات پروفیسر ڈاکٹر محمد نظام الدین کی سربراہی میں ایک اعلیٰ سطحی اجلاس کا انعقاد عمل میں لایا گیا ۔ جس میں رجسٹرار جامعہ گجرات ڈاکٹر طاہر عقیل، جامعہ گجرات کے مختلف شعبہ جات کے ڈائریکٹران، صدور شعبہ جات اور سینئر انتظامیہ کے اراکین نے شرکت اس اہم اجلاس میں اتفاق رائے یہ فیصلہ کیا گیاکہ یونیورسٹی آف گجرات کے تمام گزیٹڈ ریگولرملازمین اپنی ایک دن کی تنخواہ دہشگردی کے خلاف جنگ کے نتیجہ میں نقل مکانی کرنے والے بہن بھائیوں کے لیے حکومت پنجاب کے قائم کردہ فنڈ میں جمع کروائیں۔ ڈاکٹر نظام الدین نے اجلاس میں خطاب کرتے ہوئے کہا کہ آئی ڈی پیز کی مدد کے لیے کوئی کسر اٹھا نہیں رکھیں گے ۔ تمام سٹاف نے ایک دن کی تنخواہ حکومت پنجاب فنڈ میں دینے کا اعلان کیا ۔ جامعہ گجرات کے طالبعلم بھی IDP’s کے لیے فنڈ ریزنگ میں حسب معمول بھرپور کردار ادا کریں گے اور تمام طالبعلموں کے جمع کردہ فنڈ پاک فوج کے ذریعے نقل مکانی کرنے والوں کے لیے عطیہ کیے جائیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جنوبی وزیرستان آپریشن کی کامیابی کیلئے پوری قوم دعا گو ہے ،خدیجہ فاروقی
گجرات ( جی پی آئی) پاکستان مسلم لیگ ق کی رکن صوبائی اسمبلی و صدر پاکستان مسلم لیگ شعبہ خواتین پنجاب خدیجہ عمر فاروقی نے پنجاب اسمبلی کے باہر اخبار نویسوں سے گفتگو کرتے ہوئے کہا کہ جنوبی وزیرستان میں جاری فوجی آپریشن کی کامیابی کیلئے پوری قوم دعا گو ہے اس آپریشن سے ملکی بقاء اور استحکام وابستہ ہے تاہم پنجاب حکومت نے سانحہ ماڈل ٹائون برپا کرکے قومی یکجہتی کو ناقابل تلافی نقصان پہنچایا۔انہوں نے ایک سوال کے جواب میں کہا کہ سپلیمنٹری بجٹ کے نام پر وزیراعلیٰ پنجاب کی خواہش پر ہونے والے اخراجات کی منظور ی دی گئی ۔انہوں نے کہا کہ میٹروبس اتھارٹی کو 2ارب 42 کروڑ کی رقم کیوں دی گئی اور کروڑوں روپے کی تشہیری مہم کیوں چلائی گئی ۔وزیر خزانہ اس کا جواب دینے میں ناکام رہے ۔انہوں نے کہا کہ مفت اور لازمی تعلیم کیلئے قانون سازی انتہائی ضروری ہے مگر پنجاب حکومت غیر فعال آرڈینینس کا سہار ا لیکر اس اہم ذمہ داری سے بھاگ رہی ہے انہوں نے کہا کہ ایسے آرڈینینس کا کیا فائدہ جو نافذ العمل ہی نہیں ۔انہوں نے مزید کہا کہ بجٹ کی تیاری اور منظوری میں عوامی نمائندوں کو نظر انداز کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلعی انتظامیہ معذوری کا شکار بچوں کی بحالی پر خصوصی توجہ دے رہی ہے ‘ ڈی سی او لیاقت علی چٹھہ
گجرات(جی پی آئی )ڈی سی او لیاقت علی چٹھہ نے کہا ہے کہ ضلعی انتظامیہ معذوری کا شکار بچوں کی بحالی پر خصوصی توجہ دے رہی ہے ہماری کوشش ہے کہ زہنی یا جسمانی معذوری کا شکار کوئی بھی بچہ گھر میں نہیں پڑا رہنا چاہیے ۔ ان خیالات کا اظہار انہوںنے خصوصی بچوں کے تعلیمی اداروں کے حوالے سے منعقدہ اجلاس سے خطاب کرتے ہوئے کیا۔ اجلاس میں اسسٹنٹ کمشنرز افشاں رباب، میاں اقبال مظہر، چوہدری اشرف ریحانیہ ، چوہدری اعجاز احمد آف شاہدولہ ٹائون، چوہدری خرم، چوہدری عرفان صفی، ای ڈی او ز چوہدری محمد نواز، چوہدری اصغر علی اور دیگر افسران و پرنسپل صاحبان نے شرکت کی۔ اجلاس کو بتایا گیا کہ تما م تعلیمی اداروں میں صاحب ثروت افراد اور سرکاری افسران پر مشتمل مینجمنٹ کمیٹیاں قائم کی گئی ہیں۔ اجلاس کو بتایا گیا کہ لالہ موسی میں واقع خصوصی بچوں کے سکول کی تمام بسیں مرمت کرالی گئی ہیں جبکہ عمارت کی مرمت کا کام بھی جلد مکمل کر لیا جائے گا۔ اسی طرح صاحب ثروت حضرات کے تعاون سے گجرات، سرائے عالمگیر ، کھاریاں میں واقع دیگر اسپیشل بچوں کے تعلیمی اداروں کی بہتری اور ان میں ضروری سہولتوں کی فراہمی پر خصوصی توجہ دی جارہی ہے۔ اجلاس کو بتایا گیا کہ سماجی شخصیت چوہدری اشرف ریحانیہ علی پور روڈ پر دو کنا ل اراضی پر خصوصی بچوں کے تعلیمی ادارے کی زیر تکمیل عمارت اپنے خرچ سے مکمل کر ارہے ہیں جو رواں گرمیوں کے چھٹیوں کے دوران مکمل کر لی جائیں گی۔ اسی طرح چوہدری اعجاز احمد آف شاہدولہ ٹائون بس کی مرمت اپنے خرچ سے کرائیں گے۔ اسی طرح دیگر تعلیمی اداروں کی بہتری کے لئے بھی کا م جاری ہے ۔ڈی سی او لیاقت علی چٹھہ نے پرنسپلز کو ہدایت کی کہ وہ اپنے علاقہ جات کا دورہ کریں اور مقامی معززین سے میٹنگز کر کے اور اعلانات کروا کر عوام الناس کو آگاہ کریں کہ انکے علاقہ میں خصوصی بچوں کے لئے اس نوعیت کے ادارے قائم ہیں اور وہاں کیا سہولیات فراہم کی جارہی ہیں ۔ انہوںنے کہا کہ خصوصی بچوں کو سکول لانیوالی بسوں کے روٹ اور فیول کے معاملات پر سکول انتطامیہ کی مشکلات کا ازالہ کیا جائے گا۔ انہوںنے ہدایت کی کہ مینجمنٹ کمیٹیاں ہر ماہ اجلاس منعقد کریں اور ان میں کئے جانیوالے فیصلوں بارے ڈی سی او افس کو بھی آگاہ رکھا جائے۔ انہوںنے واضع کیا کہ ایسے ممبران جو مسلسل تین ماہ تک اجلاس میں شرکت نہ کریں انہیں فارغ کر کے نئے ممبران کو تقرر کیا جائے۔ انہوںنے اس عزم کا اظہار کیا کہ گجرات کے خصوصی بچوں کے تعلیمی اداروں کو صوبہ بھر کے لئے ماڈل بنایا جائے گا۔ انہوںنے ای ڈی او کمیونٹی ڈویلپمنٹ کو ہدایت کی کہ خصوصی تعلیمی اداروں کی خرید و فروخت کے معاملات کو سنٹرلائز کیا جائے اور وہ خود تمام عمل کی نگرانی کریں۔ اجلاس میں دیگر ممبران نے بھی اظہار خیال کیا اور خصوصی تعلیمی اداروں کی بہتر ی کے لئے تجاویز دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات کے سرکاری افسران و ملازمین متاثرہ بھائیوں کی مدد کے لئے ایک دن کی تنخواہ ساڑھے 23ملین روپے وزیر اعلی پنجاب کے ریلیف فنڈمیں عطیہ کریں گے
گجرات(جی پی آئی )ڈی سی او لیاقت علی چٹھہ نے کہا ہے کہ شمالی وزیر ستان میں آپریشن کی وجہ سے بے گھر ہونیوالے متاثرین ہمارے بھائی ہیں ضلع گجرات کے سرکاری افسران و ملازمین متاثرہ بھائیوں کی مدد کے لئے ایک دن کی تنخواہ ساڑھے 23ملین روپے وزیر اعلی پنجاب کے ریلیف فنڈمیں عطیہ کریں گے۔ان خیالات کا اظہار انہوں نے اجلاس سے خطاب کرتے ہوئے کیا جس میں ڈی پی او رائے اعجاز احمد ،سیٹلمنٹ آفیسر الیاس گل، ڈی او سی احمد رضا سراء ، اسسٹنٹ کمشنرز افشاں رباب، میاں اقبال مظہر، شعیب نسوانہ، وقار حسین خان، سید میثم عباس، ای ڈی اوز چوہدری محمد اصغر، کاشف طاہر، ڈسٹرکٹ اکاونٹس آفیسر فیض محی الدین و دیگر نے شرکت کی۔ ڈی سی او لیاقت علی چٹھہ نے کہا کہ دہشتگردی کی لعنت نے ملک کو سخت نقصان پہنچایا ہے جس کی وجہ سے ملکی معیشت کو سخت نقصان پہنچا اور پوری دنیا میں پاکستان کا امیج متاثرہوا حکومت کو مجبورا اس ناسور کے خلاف ایکشن لینا پڑا ۔ ڈی سی او نے کہا کہ اس آپریشن کی وجہ سے لاکھو ں خاندانوں کو اپنا گھر بار چھوڑ کر ہجرت کرنا پڑی۔ انہوںنے کہا کہ ان متاثرین کی امداد ہماری اخلاقی ذمہ داری ہے جس کے لئے وزیر اعلی پنجاب نے خصوصی فنڈ قائم کر دیا ہے تاکہ ان افراد کو کھانا، شیلٹر اور دیگر ضروریات فراہم کی جا سکیں۔ ڈی سی او نے بتایا کہ ضلعی حکومت کے ملازمین و افسران ، صوبائی حکومت اور دیگر محکموں کے افسران و ملازمین اپنی آزاد مرضی سے ایک دن کی تنخواہ متاثرین کی بحالی کے لئے جمع کر اسکتے ہیں تاہم انہوںنے واضع کیا کہ اگر کوئی آفیسر یا ملازم ایسا نہ کرنا چاہے تو آگاہ کرنے پر اسکی کٹوتی نہیں کی جائے گی۔ ڈی سی او نے بتایا کی حکومت پنجاب کی ہدایات کے مطابق متاثرین کی امداد کے لئے ڈاکٹرز اور دیگر ٹیمیں بھی گجرات سے متاثرین کی امداد کے لئے بھیجی جائیں گی۔ ڈسٹرکٹ پولیس آفیسر رائے اعجاز احمد نے اجلاس سے خطاب کرتے ہوئے کہا کہ پاکستانی قوم نے ابتداء سے ابتک بڑی مشکلات اور مسائل کا سامنا کیا ہے اس قوم میں برداشت اور ایثار کا جذبہ کو ٹ کوٹ کر بھر ا ہوا ہے جسکا ثبوت ماضی میں سیلاب اور زلزلہ سے متاثرین کی دل کھول کر امداد ہے۔ انہوںنے کہا کہ ماہ رمضان میں ہر صاحب حیثت زکواہ اور عطیات دیتا ہے اس وقت دہشتگری کے خلاف آپریشن سے متاثرہ بھائی سب سے زیادہ ان عطیات کے مستحق ہیں۔ اس موقع پر دیگر افسران نے بھی اظہار خیال کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حضرت کبیر الدین شاہدولہ دریائی کا عرس مبارک شروع ہو گیا
گجرات ( جی پی آئی ) حضرت کبیر الدین شاہدولہ دریائی کا عرس مبارک شروع ہو گیا عرس مبارک کی تقریبات کا آغاز غسل سے ہوا گد ی نشین دربار عالیہ حضرت کبیر الدین شاہدولہ دریائی پیر سید اعجاز حسین شاہ اور صدر انجمن سجاد گان پیر سید کبیر الدین شاہدولہ دریائی نے اپنے دیگر عہدیداران کے ہمراہ دربار شریف کو عرق گلاب سے غسل دیا اس موقع پر علاقہ کی ممتاز سماجی سیاسی شخصیات کثیر تعداد موجود تھیں ڈی پی او گجرات رائے اعجاز احمد کی سربراہی میں پولیس نے سخت حفاظتی انتظامات کئے ہیں ‘ ڈی ایس پی سٹی غلام مصطفی گیلانی ‘ ڈی ایس پی ٹریفک میاں سہیل فاضل انتظامات کی نگرانی کر رہے ہیں ‘ ایس ایچ او تھانہ بی ڈویژن شیراز احمد موقع پر ڈیوٹی دے رہے ہیں مختلف شفٹوں میں سینکڑوں ملازمین تعینات کئے گئے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات پولیس عوام کی جان و مال کے تحفظ کیلئے چوبیس گھنٹے کام کر رہی ہے’ ڈی پی او گجرات رائے اعجاز احمد
گجرات ( جی پی آئی ) ڈی پی او گجرات رائے اعجاز احمد نے کہا ہے کہ گجرات پولیس عوام کی جان و مال کے تحفظ کیلئے چوبیس گھنٹے کام کر رہی ہے ‘ اور حضرت کبیر الدین شاہدولہ دریائی کے عرس مبارک کے موقع پر فول پروف انتظامات کئے گئے ہیں’ دربار کی طرف آنے جانے والی تمام سٹرکوں و گلیوں کو سیل کر دیا گیا ہے ‘ اور سکینرز ‘ و اک تھرو گیٹ نصب کر دیئے گئے ہیں ‘ لیڈی کانسٹیبلان بھی تعینات کر دی گئی ہیں جو کہ خواتین کی چیکنگ کرینگی سکیورٹی کیمرے بھی نصب کر دیئے گئے ہیں ‘ تاکہ ہر آنے جانے پر نظر رکھی جا سکے ‘ اس موقع پر انہوں نے محکمہ اوقاف کے ملازمین کو بھی حفاظتی اقدامات کے حوالے سے ہدایات دیں انہوں نے ڈی ایس پی سٹی اور ڈی ایس پی ٹریفک کو بھی مختلف احکامات جاری کئے اور دربار کی حدود میں موٹرسائیکل ‘ سائیکل اور ہر قسم کی گاڑیوں کے داخلے پر پابند ی عائد کر دی گئی ہے ‘ اس موقع پر صدر انجمن سجادگان سید رضی شاہ ‘ سید عقیل رضا شاہ ‘ ممتاز سماجی شخصیت رانا مشرف علی ناز ‘ چوہدری سلامت علی ‘ عمران بٹ آف شاہدولہ مرغ سنٹر ‘ ڈاکٹر رزاق احمد غفاری ‘ ڈی ایس پی سٹی غلام مصطفی گیلانی ‘ ڈی ایس پی ٹریفک میاں سہیل فاضل ‘ ایس ایچ او بی ڈویژن چوہدری شیراز ‘ انچارج چوکی گڑھی احمد آباد سب انسپکٹر اشرف ملہی ‘ انچارج سکیورٹی برانچ انسپکٹر رفاقت علی بھی موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حضرت کبیر الدین شاہدولہ دریائی کے عرس مبارک کے سلسلہ میں شاہدولہ مرغ سیل سنٹر پر سبیل لگادی گئی
گجرات ( جی پی آئی ) حضرت کبیر الدین شاہدولہ دریائی کے عرس مبارک کے سلسلہ میں شاہدولہ مرغ سیل سنٹر پر سبیل لگادی گئی ہے ‘ جس کا افتتاح ڈی ایس پی سٹی غلام مصطفی گیلانی نے اپنے دست مبارک سے کیا ۔ اس موقع پر لنگر تقسیم کیا گیا ۔ اور تین دن لنگر تقسیم کیا جاتا رہے گا ۔ عمران بٹ کی سربراہی میں نوجوان زائدین کی خدمت کیلئے کوشاں ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بیرون ملک مقیم پاکستانی ملک کی ترقی میں اہم کردار ادا کر رہے ہیں’ شیخ افضال احمد
گجرات ( جی پی آئی ) بیرون ملک مقیم پاکستانی ملک کی ترقی میں اہم کردار ادا کر رہے ہیں ‘ ان خیالات کا اظہار ممتاز سیاسی و سماجی شخصیت و تاجر راہنما شیخ افضال احمد نے جرمن میں ممتاز سماجی شخصیت رانا مشرف علی ناز کے صاحبزادے رانا کاشف رضا ۔رانا عارف رضا ‘رانا ذیشان علی’ کی طرف سے دیئے گئے ظہرانہ کے موقع پر کیا ۔ انہوں نے کہا ہے کہ جس طرح رانا مشرف علی ناز پاکستان میں مہمان نوازی کرتے ہیں ‘ اس طرح اُن کے صاحبزادے بیرون ملک میں پاکستانیوں کی خدمت کر رہے ہیں ۔ مجھے خوشی ہے کہ رانا برادران اپنے والد رانا مشرف علی ناز کا نام روشن کر رہے ہیں ۔ اور جس انداز میں رانا برادران نے جرمن میں اپنا نام کمایا ہے ۔ یہ بھی ایک مثال ہے ۔ اور پاکستانی دن رات محنت کر کے زرمبادلہ کما کر ملک کی ترقی میں دن رات کوشاں ہیں ‘ اس موقع پر رانا کاشف علی نے شیخ افضال کا شکریہ ادا کیا جنہوں نے اُن کی دعوت پر جرمن آئے ۔ انہوں نے مختلف مقامات کی سیر بھی کی ۔

by Geo1 Webmaster

Nasir Mehmood - Chief Editor at GeoURDU.com

Find on Google+ Follow me opinions