لاہور : امامیہ اسٹوڈنٹس آرگنائزیشن پاکستان لاہور ڈویژن کے زیر اہتمام انقلاب اسلامی کی 38 ویں سالگرہ کے موقع پر سیمینار منعقد ہوگا۔
آئی ایس او لاہور کے ترجمان حسام علی کے مطابق لاہور کے مقام قومی مرکز شاہ جمال میں سوموار کی شام سیمینار بعنوان انقلاب اسلامی کے عالمی اثرات منعقد ہوگا جس سے معروف عالم دین علامہ امین شہیدی خصوصی خطاب کریں گے۔
لاہور سمیت ملک بھر کے تمام اہم ڈویژن میں انقلاب اسلامی کی سالگرہ کی تقریبا ت کا انعقاد کیا جارہاہے جبکہ لاہور میں منعقد ہونے والے سیمینار میں شہر و مضافات سے سینکڑوں مردوزن شریک ہونگے ،حسام علی نے بتایا کہ سیمینار کے موقع پر انقلاب اسلامی کی تاریخ پر مبنی ایک تصویری نمائش کا بھی انعقاد کیا جائے گا۔
انہوں نے مزید کہا کہ اس انقلاب سے اسلام کا بول بولا ہو اہے اسلام مخالف امریکہ واسرائیل بہت سے میدانوں میں ناکام ہوئے ہیں اور وہ خود کو اس خطرہ سے محسوس کرتے ہیں اور سازشوں میں مصروف ہیں۔
ہمیں بحیثیت مسلمان ہمیں اس انقلاب کی حفاظت کرنی چاہئے اور پاکستان میں اسلامی انقلاب کے لئے عملی کوشش کریں تاکہ اسلامی اقدار کا احیاء ہو۔
بلدیہ کورنگی کا صفائی وستھرائی اور بلدیاتی انتظامات کو بہتر بنانے کے لئے ہنگامی بنیادوں پر اقدامات
پرویز مشرف بہت جلد پاکستان آکر سیاسی قوت کا مظاہرہ کریں گے۔ طاہر حسین سید