کراچی (اصل میڈیا ڈیسک) بین الاقوامی بلین مارکیٹ میں فی اونس 24 قیراط سونے کی قیمت 34 ڈالر بڑھکر 1933 ڈالر کی سطح پر پہنچنے کے باعث مقامی سطح پر سونے کی قیمتوں میں نمایاں اضافہ ہوا ہے۔
صرافہ مارکیٹوں میں پیرکو فی تولہ اور فی دس گرام سونے کی قیمتوں میں بالترتیب 1300روپے اور 1114روپے کا نمایاں اضافہ ہوا جسکے نتیجے میں کراچی حیدرآباد سکھر ملتان لاہور فیصل آباد اسلام آباد راولپنڈی پشاور اور کوئٹہ کی صرافہ مارکیٹوں میں فی تولہ سونے کی قیمت بڑھکر 115600روپے اور فی دس گرام سونے کی قیمت بڑھکر 99108روپے ہوگئی۔
بلین مارکیٹ کے نمائندوں کا کہناہے کہ دبئی گولڈ مارکیٹ کے مقابلے میں پاکستانی صرافہ مارکیٹوں میں پیرکو بھی فی تولہ سونے کی قیمت 3000روپے کم رہی ہے۔ اسی طرح فی تولہ چاندی کی قیمت 80روپے بڑھکر 1400روپے اور فی دس گرام چاندی کی قیمت 68روپے 59پیسے بڑھکر 1200روپے 27پیسے ہوگئی۔
کراچی سمیت سندھ بھر میں موسم سرما طویل ہونے کا امکان
کراچی دنیا کے آلودہ ترین شہروں میں چھٹے نمبر پر آ گیا
