لاہور (جیوڈیسک) تحریک انصاف پنجاب کے صدر اعجاز چودھری کا کہنا ہے کہ موجودہ حکومت کے سو دنوں کی کارکردگی نے مایوس کرتے ہو ئے عوام کا جینا دوبھر کر دیا ہے۔ اگر یہ پانچ سال رہے تو عوام کا کیا حال کریں گے۔ اعجاز چودھری نے یہ بات لاہور کینٹ میں دربار حضرت بابا مسکین شاہ کے سجادہ نشین عشرت حسین کی تحریک انصاف میں شمولیت کے اعلان کے موقع پر کہی۔
اعجاز چودھری کا کہنا تھا کہ ڈالر کے مقابلے میں روپے کی قدر میں کمی کے باعث ملکی قرضوں میں اضافہ ہوا جس سے معیشت کو نقصان پہنچے گا۔ تحریک انصاف نے کئی مرتبہ اقتدار کو ٹھوکر ماری ہے کیونکہ یہ اس کا مشن نہیں اس کا مشن صرف اصولوں پر کھڑے رہنا ہے۔
ڈیرہ غازی خان : جرگہ کرنے کے الزام میں 19 افراد کیخلاف مقدمہ
فوجی اہل کار سے قانون کے مطابق کارروائی کی جائے، پشاور ہائیکورٹ
