نئی دلی (جیوڈیسک) بھارتیہ جنتا پارٹی کی حکومت کو بنے ایک روز ہی گزرا ہے کہ وزارتوں کے معاملے پر ہندو انتہا پسند اتحادی جماعت شیو سینا سے اختلافات کھل کر سامنے آ گئے جبکہ شیو سینا کے واحد وزیر نے عہدہ کا چارج سنبھالنے سے صاف انکار کر دیا۔
حکمراں جماعت بھارتیہ جنتا پارٹی نے 45 رکنی کابینہ میں شیو سینا کے صرف ایک رکن کو شامل کیا ہے جس پر شیو سینا نے شدید احتجاج کیا اس حوالے سے شیوسینا کے سربراہ اودھے ٹھاکرے نے نومنتخب وزیراعظم نریندر مودی اور وزرا کی حلف برداری کی تقریب کے بعد بی جے پی قیادت سے ملاقات کے دوران انہیں اپنے تحفظات سے آ گاہ کیا۔
شیو سینا کا کہنا ہے کہ ان کی جماعت حکمراں اتحاد کی دوسری بڑی جماعت ہے جس کے ارکان کی تعداد 18 ہے لیکن اس کے باوجود انہیں صرف ایک وزارت دی گئی جبکہ اپنے قلمدان سے ناخوش مودی کابینہ میں شیو سینا کے واحد وزیر اننت گیتی نے عہدہ کا چارج سنبھالنے سے صاف انکار کر دیا ہے۔
عراق میں بم دھماکوں اور فائرنگ کے واقعات میں 27 افراد ہلاک، 34 زخمی
ء 2015 کے بعد افغانستان کی کمان 9800 فوجیوں کے سپرد
