لاہور: پاکستان مسلم لیگ ن کے رکن قومی اسمبلی ایم این اے رانا مبشر اقبال نے اپنے جاری بیان میں کہا ہے کہ عمران نیازی نے عوام پر ظلم کے پہاڑ توڑ دیے تحریک انصاف کے منشور میں عوام کو ریلیف دینا لکھا ہی نہیں عمران خاں نے اربوں ڈالر غیر ملکی قر ضہ لیکر بھی معیشت کو سنبھال نہ سکا تحریک انصاف کی پوری ٹیم نااہل اور نا تجربہ کار ہے ۔ملک میں جمہوریت نام کی کوئی چیز موجود ہی نہیں ،آمریت سے بدتر قوم پر حکمران مسلط ہیں جو جھوٹے الزامات لگا کر مخالفین کو گرفتار کروا رہے ہیں۔
ملکی معیشت تباہی کے دہانے پر پہنچ چکی ہے غریب آدمی دو وقت کی روٹی کو ترس رہاہے انہوں نے کہاسیاسی مخالف قوتوں موجودہ حکمرانوںکے ساتھ مل کراپوزیشن جماعتوں سے سیاسی انتقام لے رہی ہے ۔ گرفتاریوں کے باوجود (ن) لیگی رہنمائوں نے حکومت کے آگے گھٹنے نہیں ٹیکے بلکہ حکومت کے سامنے سیسہ پلائی دیوار بن کر کھڑے ہو گئے ہیں۔(ن) لیگ کے قائدین سمیت دیگر رہنمائوں کے خلاف جھوٹے مقدمے درج کر کے جیلوں میں بند کر نا حکومت کی نا اہلی کا منہ بولتا ثبوت ہے عمران خان اور سیاسی مخالف قوتوں کے خواب کبھی پورے نہیں ہوں گے ،عمران خان کی دس ماہ کی کارکردگی زیرو پوائنٹ پر ہے۔
آئی ایم ایف کے معاہدے کے بعد مہنگائی دو سو فیصد بڑھ چکی ہے جو عوام کی برداشت سے باہر ہو گی ،حکومت کی ناقص کارکردگی کی وجہ سے پاکستانی قوم تنگ آچکی ہے ۔ایک سوال کے جواب پر انہوں نے کہا کہ رانا ثنااللہ کے خلاف حکومت کو کسی قسم کی کوئی کرپشن نہیں ملی تو پھر حکومت نے منشیات جیسا گھناونا الزام لگا کر گرفتار کر لیا، شرم آنی چاہیے کہ باعزت آدمی کی عزت نفس کا خیال رکھنا حکومت کی ذمہ داری ہے۔ جب کہ حکومت خود ہی عزت نفس اورچادر اور چاردیواری کو پامال کر رہی ہے ۔حکومت اپنے مخالفین کے ساتھ انتقامی کاروائیوں سے باز رہے حکومت مخالف کاروائیاںمسلم لیگ ن کے کارکنان کا حوصلہ پست نہیں کر سکتی بلکہ پاکستان مسلم لیگ ن کے کارکنان اپنی پارٹی کے ساتھ سیسہ پلائی ہوئی دیوار بن کر کھڑے ہیں اور حکومت کی وہ تمام کاروائیاں جو عوام دشمن ہیں ان کے خلاف احتجاج کرتے رہے گئے۔
شعبہ نشرواشاعت۔ آآآآآآ سجادعلی شاکر:این اے 129لاہور 03226390480
مہنگائی اور معاشی بدحالی آئی ایم ایف کو خوش کرنے کے لئے کی گئی، ترجمان یوتھ ونگ
اکشے کمار کے ساتھ کام کرنے کی آفر ہوئی تھی، مایا علی
