لاہور (جیوڈیسک) جمعیت علمائے اسلام (ف) کے سربراہ مولانا فضل الرحمان کا کہنا ہے کہ اگر مسلم لیگ (ن) کو نیب پر تحفظات ہیں تو پھر سوچنے کی بات ہے۔
لاہور میں میڈیا سے گفتگو کرتے ہوئے مولانا فضل الرحمان کا کہنا تھا کہ ایک بار پھر کہتا ہوں پنجاب میں منظور ہونے والا تحفظ نسواں بل شریعت اور آئین سے متصادم ہے، ہمیں پنجاب حکومت کے ردعمل کا انتظار نہیں اور ہم اسلامی اقدار کے خلاف قانون سازی کی مخالفت کرتے ہیں۔
مولانا فضل الرحمان نے کہا کہ نیب کے بارے میں درپردہ حقائق کا علم نہیں ہے، نیب سے متعلق جتنے بھی معاملات ہیں ان سے ہمارا کوئی تعلق نہیں، اگر مسلم لیگ (ن) کو نیب پر تحفظات ہیں تو پھر سوچنے کی بات ہے۔
واضح رہے کہ مولانا فضل الرحمان حکومت کے اہم اتحادی ہیں تاہم پنجاب میں حال ہی میں منظور ہونے والے تحفظ نسواں بل پر وہ حکومت سے سخت ناراض نظر آتے ہیں، انھوں نے متعلقہ بل منظور کرنے پر پنجاب اسمبلی کے مرد اراکین کو ’زن مرید‘ قرار دیا اور صوبائی حکومت سے بل پر نظر ثانی کا بھی مطالبہ کیا۔
جہاں خرابی ہو گی اس کی نشاندہی کروں گا، عالمگیر خان
الطاف حسین کے را سے تعلقات؛ ایف آئی اے کا سرفراز مرچنٹ اور مصطفی کمال سے رابطہ
