کراچی (جیوڈیسک) صدر مملکت ممنون حسین نے کہا ہے کہ قوم ان لوگوں کو مسترد کر دے جو حکومت کو غیر مستحکم کر رہے ہیں، ان کا کہنا تھا کہ ماضی کی غلط پالیسیوں کی وجہ سے کشکول توڑنے میں مشکل کا سامنا ہے۔ کراچی میں خواتین کی نجی یونیورسٹی کے کانوکیشن سے خطاب کرتے ہوئے صدر مملکت ممنون حسین کا کہنا تھا کہ قوم ان لوگوں کو مسترد کر دے جو حکومت کو غیر مستحکم کر رہے ہیں۔
انہوں نے کہا کہ ماضی کی غلط پالیسیوں کی وجہ سے کشکول توڑنے میں مشکل کا سامنا ہے، پرانے قرضے اتارنے کیلئے نئے قرضے لے رہے ہیں۔ ان کا کہنا تھا کہ تعلیمی نصاب میں بڑی تبدیلیوں کی فوری ضرورت ہے، پرائمری تعلیم کا شعبہ مکمل طور پر خواتین کے پاس ہونا چاہئے۔ اس حوالے سے سفارشات وزیر اعظم کو بھیج دی ہیں۔ انہوں نے کہا کہ کراچی کے مسائل کرنا حکومت کی ترجیح ہے۔
جولائی سے اپریل 14-2013 برآمدات 21 ارب ڈالر تک پہنچ گئیں
کسی بھی چینل کو مسلمانوں کے جذبات مجروح کرنے کی اجازت نہیں دینگے، عابد شیر علی
