اسلام آباد (جیوڈیسک) ایبٹ آباد کمیشن کی رپورٹ کس طرح لیک ہوئی؟ راز سامنے آگیا، ایک غدار اعلی سرکاری افسر نے قومی راز 15 ہزار ڈالر میں غیر ملکی ٹی وی چینل کو بیچ دیا۔ اسلام آباد ایک بیورو کریٹ نے کی ملک وقوم سے غداری اور 15 ہزار ڈالر کے عوض بک گیا۔ قومی راز ایک بار پھر غیروں کے ہاتھوں میں پہنچ گئے۔ یہ غدار بیورو کریٹ اس وقت بھی ڈیوٹی انجام دے رہا ہے لیکن ابھی تک اس کے خلاف کوئی کارروائی نہیں کی گئی۔
ایبٹ آباد کمیشن کی رپورٹ اس افسر کے ہاتھ لگ گئی اور اس نے بھی ڈاکٹر شکیل آفریدی کی طرح ڈالر کمانے کا پروگرام بنا لیا۔ اس افسر نے رپورٹ بیچنے کے لئے پہلے امریکی اخبار واشنگٹن پوسٹ سے رابطہ کیا لیکن بات نہ بنی۔ پھر اس ننگ وطن نے نے نیویارک ٹائمز سے سودے بازی کی کوشش کی تاہم کامیاب نہ ہو سکا۔
اس کے بعد یہ پہنچا قطر کے ٹی وی چینل الجزیرہ کے پاس اور سودا 15 ہزار ڈالر میں طے پا گیا۔ غدار افسر نے ڈالر لئے اور ایبٹ آباد کمیشن کی رپورٹ الجزیرہ کے حوالے کر دی۔ الجزیرہ ٹی وی نے رپورٹ کئی ہفتے تک روکے رکھی اور دو تین ذرائع سے تصدیق کرنے کے بعد اسے نشر کر دیا اور اپنی ویب سائٹ پر بھی ڈال دیا۔
صدر کے چیف سیکیورٹی آفیسر پر خودکش حملے کا مقدمہ درج
ایبٹ آباد کمیشن کی رپورٹ غیر مصدقہ : امریکی محکمہ خارجہ
