سرکاری املاک کی حفاظت کو اولین ترجیح سمجھتا ہوں، قبضہ مافیا کے خلاف سخت کاروائی عمل
پیرمحل (نامہ نگار) سرکاری املاک کی حفاظت کو اولین ترجیح سمجھتا ہوں، قبضہ مافیا کے خلاف سخت کاروائی عمل میں لا کر آ ہنی ہاتھوں سے نمٹوں گا ،پیرمحل کو قبضہ مافیا سے پاک کر کے دم لوں گا ان خیالات کا اظہار اسسٹنٹ کمشنرتحصیل پیرمحل حافظ محمد نجیب نے اپنے آفس میں صحافیوں سے کیا انہوں نے کہا کہ سرکاری اراضی کی حفاظت کرنا میرا فرض اور مشن بھی ہے قبضہ مافیا کے خلاف حلقہ پٹواریوں کو کاروائی کے احکامات جاری کر دیے ہیں جس سے سینکڑوں ایکڑ اراضی واگزار کروا لی ہے اور باقی کے خلاف آپریشن جاری ہے انہوں کہا کہ کسی بھی سیاسی یا بااثر شخصیات کا پریشر نہ لیتے ہوئے اپنے فرض کو پوری ایمانداری کے ساتھ نبھائوں گا ، انصاف کے تقاضوں کو پورا کرتے ہوئے سائلوں کے لیے میرے دروازے ہمہ وقت کھلے ہیں ہر کام میں میرٹ کوترجیح سمجھتا ہوں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مسلم لیگ(ن) پیرمحل کے رہنما چوہدری امان اللہ نے کہا ہے کہ مسلم لیگ(ن)آئین پاکستان اورجمہوریت کی محافظ جماعت
پیرمحل (نامہ نگار) مسلم لیگ(ن) پیرمحل کے رہنما چوہدری امان اللہ نے کہا ہے کہ مسلم لیگ(ن)آئین پاکستان اورجمہوریت کی محافظ جماعت ہے2015کو الیکشن کا سال قراردینے والے خود کیوں نہیں سمجھتے کہ عوام نے موجودہ حکومت کو2018تک اپنا مینڈیٹ دیا ہواہے ملک ہرروزالیکشن کا متحمل نہیں ہوسکتا وزیراعظم پاکستان میاں محمد نوازشریف اوروزیراعلیٰ پنجاب میاںمحمد شہبازشریف ملک کوروشنی اورترقی کی جانب لے کرجارہے ہیں موجودہ منتخب عوامی جمہوری حکومت کے خلاف سازشیں کرنے والے اپنے غیرجمہوری طرزعمل سے ملک اورعوام کو نقصان پہنچا رہے ہیں ہماراوطن پیاراوطن ہے اس ہرلحاظ سے مضبوط اورترقی یافتہ بنانے کیلئے تمام سیاسی جماعتوں کے قائدین اورہرمحب وطن پاکستانی کا فرض اولین ہے تاکہ اپنی آنے والی نسلوں کو محفوظ اورمضبوط بہترین پاکستان کا تحفہ دے سکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکمرانوں کی ناقص پالیسیوں کی وجہ سے ملک مسائلستان بن گیا ہے مہنگائی نے عوام کو ذہنی مریض بنا دیا ہے پیرمحل (نامہ نگار) حکمرانوں کی ناقص پالیسیوں کی وجہ سے ملک مسائلستان بن گیا ہے مہنگائی نے عوام کو ذہنی مریض بنا دیا ہے امن و امان کی صورت حال انتہائی مخدوش ہو چکی ہے ان خیالات کااظہار پاکستان تحریک انصاف کسان ونگ کے ضلعی صدر مہر ممتاز دولتانہ پارٹی آفس میں کارکنوں سے خطاب کرتے ہوئے انہوں نے کہا کہ حکمران جماعت میں قیادت کا فقدان ہے مسلم لیگ ن کی قیادت ملک کو بحرانوں سے نکالنے کی اہلیت نہیں رکھتی، انہوں نے کہا کہ مسلم لیگ ن کی حکومت بین الاقوامی سطح پر ملک کا تشخص بحال کرنے میں ناکام نظر آ رہی ہے۔ یہ ہی وجہ ہے کہ تحریک انصاف حکمرانوں سے استعفوں کا مطالبہ کر رہی ہے حکمرانوں کے استعفے ہی عوام کے لئے بہتر ثابت ہوں گے۔انہوں نے کہا کہ 30 نومبر کا دن غریب اور غیور پاکستانی اور حق و سچ کی فتح کا دن ہو گا گٹھ جوڑ اور مک مکا کی سیاست ہمیشہ ہمیشہ کیلئے دفن ہو جائیگی انہوں نے کہا کہ تحریک انصاف کے سرفروش وقت کے فرعونوں کے ساتھ ٹکرانے کیلئے مکمل طور پر تیار ہیں اب دنیا کی کوئی طاقت تحریک انصاف کا راستہ نہیں روک سکتی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھکا ری شہریوں کے لئے وبال جان بن گئے ارباب اختیار سے اصلاح احوال کا مطالبہ تفصیل کے مطابق شہر پیرمحل (نامہ نگار) بھکا ری شہریوں کے لئے وبال جان بن گئے ارباب اختیار سے اصلاح احوال کا مطالبہ تفصیل کے مطابق شہر کے گردو نواح میں عرصہ سے قائم بھکاری خیمہ بستیاں جن کی تعداد سینکڑوں میں ہے رہائش پذیر بھکاریوں نے شہریوں کی زندگیاں اجیرن کر دی ہیں بھیک مانگنے والوں میں ہر عمر کے مرد وزن ژامل ہیں جو طلوع آفتاب کے وقت ٹولیوں کی صورت میں شہر کا رخ کرتے ہیں اور یہ بھی اطلاعات موصول ہوئی ہیں کہ بھکاری حضرات ڈرگز کے گھنائو نے دھندہ میں ملوث ہیں جبکہ بھکاری دوشیزائیں کھلے عام دعوت گناہ دے کر نوجوانوں کو بے راہ روی کا شکار کرنے میں اہم کردار ادا کر رہی ہیں واضع رہے کہ جب بھی شہر کے گردونواح میں بھکاری آبادیاں آبد ہوئی ہیں تو جرائم کی شرح میں بھی خاطر خواہ اضافہ ہوا ہے اور اکثر بھیکاریوں نے نیو برانڈ موٹرسائیکلیں رکھی ہوئی ہیں اور ان کی خواتین تمام دن بھیک مانگتی ہیں جبکہ وہ خود خیموں میں لیٹے رہنے کے ساتھ جوئے بھی بازیاں لگاتے نظر آتے ہیں اور یہ بھی سننے میں آیا ہے کہ ایک مرد تین سے چار شادیاں کرتا ہے تاکہ بچے زیادہ پیدا ہونے کے ساتھ آمدن میں بھی اضافہ ہو سکے عوامی حلقوں کے بار بات مطالبوں کے باوجود بھکاری خیمہ بستیوں کے خلاف انتظامیہ کی جانب سے کاروائی نہ ہونے سے صوبائی حکومت کی ملکیت کروڑوں روپے کی سرکاری اراضی کا وجود بھی خطرے میں پڑ گیا ہے
