کراچی (جیوڈیسک) سرکاری پراسیکیوٹر منتظر مہدی نے جسٹس باقر کیس میں پیش ہونے سے معذرت کرلی ہے۔ چالان کل انسداد دہشت گردی کی عدالت میں پیش کیا جائے گا۔ سرکاری پراسیکیوٹر منتظر مہدی کا کہنا تھا کہ جسٹس مقبول باقر حملہ کیس کی تفتیش درست انداز سے نہیں کی گئی، اِس لیے وہ بحیثیت سرکاری وکیل، جسٹس مقبول باقرکیس کی پیروی نہیں کر سکتے۔
منتظر مہدی اس سے پہلے شاہ زیب قتل کیس میں بھی دوران سماعت پیروی سے انکار کرچکے ہیں۔ اِس صورتحال پر سیکریٹری قانون نے سیشن پبلک پراسیکیوٹر ظفر احمد خان کو کیس میں سرکاری وکیل مقرر کر دیا۔ جسٹس باقر حملہ کیس کا چالان کل انسداد دہشت گردی کی عدالت میں پیش کیا جائے گا۔
دریائے سندھ میں اٹک خیرآباد کے مقام پر نچلے درجے کا سیلاب
حافظ آباد : ضمنی انتخابات میں ن لیگ کے امیدوارکی کامیابی پر شدید ہوائی فائرنگ
