حکومت عوام کی جان و مال کے تحفظ اور روزگارمیں اپنا فرض ادا کرنے میں بری طرح ناکام ثابت ہوئی ہے، ڈاکٹر عبدالقدیر خان
Posted on March 4, 2013 By Noman Webmaster سٹی نیوز
تحریک تحفظ پاکستان کے چیئرمین اور محسن پاکستان ڈاکٹر عبدالقدیر خان نے کہا کہ حکومت عوام کی جان و مال اور روزگارکی ذمہ دار ہوتی ہے لیکن بدقسمتی سے حکومت اپنا فرض ادا کرنے میں بری طرح ناکام ثابت ہوئی ہے مرکزی دفتر سے جاری اپنے ایک بیان میں ڈاکٹر عبدالقدیر خان نے کہا کہ ٹارگٹ کلنگ ،خودکش دھماکے ڈرون حملے اور ملک میں فرقہ وارانہ فسادات امن و امان قائم رکھنے میں حکومتی ایجنسیاں بری طرح ناکام ثابت ہوئی ہیں.
جبکہ حکمران ذاتی تشہیر کیلئے سیاسی جلسوں کے اخراجات پورے کرنے کیلئے پٹرول،ڈیزل کی قیمت میں اضافہ کرکے حاصل شدہ رقم سے عیاشیوں سے میں مصروف ہیں اور عوام دو وقت کی روٹی سے بھی محروم ہیں،ظالم حکمرانوں سے نجات حاصل کرنے کیلئے عوام آئندہ انتخابات میں کرپٹ لوگوں کو مسترد کردیں.
