حکومت رمضان المبارک میں مہنگائی پر کنٹرول کرنے میں اپنے باقی کاموں کی طرح نا کام رہی، روحیل اکبر
Posted on July 23, 2013 By Tahir Webmaster سٹی نیوز
تحریک تحفظ پاکستان کے مرکزی رہنماء روحیل اکبر نے کہا ہے کہ حکومت رمضان المبارک میں مہنگائی پر کنٹرول کرنے میں اپنے باقی کاموں کی طرح ناکام رہی جس سے عوام میں احساس محرومی پیدا ہو رہا ہے اپنے ایک بیان میں انہوں نے کہا کہ موجودہ حکومت کے بھگوان آمریت کی پیداوار ہیں۔
اسی وجہ سے عوام کو تنگ کرنے کا کوئی طریقہ ہاتھ سے جانے نہیں دیتے یہی وجہ ہے آج ملک میں مہنگائی کا جن کسی کے قابو میں نہیں اور عوام غربت اور افلاس کے ہاتھوں خود کشیاں کرنے پر مجبور ہیں اب بھی اگر حکومت نے ہوش کے ناخن نہ لیے تو پھر آنے والے دور میں عوام اپنے ساتھ ہونے والی زیادتیوں کا انتقام لے لیں گے۔
