اسلام آباد (جیوڈیسک) امیر جماعت اسلامی سراج الحق نے کہا ہے کہ حکومت کے پاس تحریک انصاف اور عوامی تحریک کے مطالبات منظور کرنے کی گنجائش اور انہیں دینے کے لیے اب بھی بہت کچھ ہے۔
سراج الحق نے کہا کہ تحریک انصاف اور عوامی تحریک نے ملک میں دھرنے کی طویل ترین تاریخ بنادی ہے جبکہ یہ لوگ آئین وجمہوریت پر یقین رکھتے ہیں اور انہوں نے قانون سے بغاوت کا بھی اعلان نہیں کیا اس لیے ہم چاہتے ہیں کہ تینوں فریقین کے درمیان ایسا راستہ نکالیں جو ملک اور عوام کے لیے ترقی و عزت کا باعث ہو۔ انہوں نے کہا کہ حکومت کے پاس دونوں جماعتوں کے مطالبات منظور کرنے کی گنجائش اور انہیں دینے کے لیے اب بھی بہت کچھ ہے اس لیے ہم نہیں چاہتے کہ دھرنے والے یہاں اسے ناکام لوٹیں۔
سراج الحق نے کہا کہ ہم نے تینوں جماعتوں کو تجاویز پیش کردی ہیں اور ہم ثالث کے طور پر توڑنے کی بجائے جوٹنے کی کوشش کررہے ہیں جبکہ دھرنے سے بہت سی نئی چیزیں بھی سامنے آئی ہیں لیکن ہم یہ بھی نہیں چاہتے کہ یہ معاملہ اتنا طویل ہوجائے کہ اس سے کوئی بڑا حادثہ رونما ہو جس کے نتیجے میں آئین کو نقصان پہنچے۔
ان کاکہنا تھا کہ اس وقت ملک میں چاروں طرف خوف محسوس کررہا ہوں کہیں عدم برداشت کی وجہ سے ہمارا ملک شام و عراق نہ بن جائے، ہم ملک میں سیاسی و آئینی جدوجہد کے ذریعے تبدیلیاں چاہتے ہیں اس لیے کھلے دل کے ساتھ فریقین کی بات سنتے ہیں۔ سراج الحق نے کہا کہ دھرنےمیں شریک لوگ سرکاری عمارت یا پارلیمنٹ ہاؤس میں نہیں بلکہ ڈی چوک پر بیٹھے ہیں جس کے حکومت کے لیے بھی تھوڑی آسانی پیدا ہوئی لیکن اس کا ہر گز یہ مطلب نہ لیا جائے کہ ان کو اسی حالت میں رہنا دیا جائے اور حکومت بے اعتنائی کا رویہ اختیار کرلے۔
عمران خان پیپلز پارٹی کی قیادت پر تنقید کرتے وقت مناسب الفاظ استعمال کریں، قمر زمان
وفاق نے پرویز مشرف کیخلاف تمام مقدمات کا ریکارڈ سپریم کورٹ میں جمع کرا دیا
