یہ بات پیپلز پارٹی کی پارلیمانی کمیٹی کے اجلاس میں بتائی گئی۔ اجلاس میں فیصلہ کیا گیا ہے کہ پیپلز پارٹی اور اس کی اتحادی جماعتیں صدارتی انتخابات کا بائیکاٹ کرتے ہوئے تیس جولائی کو ایوان میں داخل نہیں ہوں گی۔اس کے علاوہ قومی اسمبلی کے آج کے اجلاس میں بھی سیاہ پٹیاں باندھ کر احتجاج کیا جائے گا۔
اجلاس کے بعد ذرائع سے گفتگو کرتے ہوئے مخدو م امین فہیم کا کہنا تھا کہ پیپلز پارٹی کے ساتھ اس کی اتحادی جما عتیں مسلم لیگ ق، اے این پی اور بی این پی عوامی بھی اس بائیکاٹ میں شریک ہوں گے۔
ان کا کہنا تھا کہ اس سلسلے میں پارٹی اپنا موقف آج قومی اسمبلی کے اجلاس میں پیش کرے گی اور تحریک انصاف کو بھی اپوزیشن کا ساتھ دینے پر آمادہ کرنے کی کوشش کی جائے گی تاکہ صدارتی انتخابات میں شیڈول کی تبدیلی کے خلاف بائیکاٹ کے لیے اپوزیشن کو مضبوط کیا جاسکے۔
مسلم لیگ ن اور مسلم لیگ فنکشنل کی پارلیمانی پارٹیوں کا مشترکہ اجلاس
کراچی : لانڈھی میں رینجرز کا چھاپہ، 5 مبینہ دہشت گرد گرفتار
