شیر گڑھ (جیوڈیسک) طالبان کمیٹی کے رکن مولانا یوسف شاہ نے کہا ہے کہ حکومت اور طالبان کمیٹیوں کے درمیان مذاکرات کے لیے جگہ کا تعین ہو گیا ہے اور دونوں کمیٹیوں کا اجلاس آئندہ 3 روز میں متوقع ہے۔ اپنے ایک بیان میں طالبان کمیٹی کے رکن مولانا یوسف شاہ نے کہا کہ مذاکراتی عمل کو حکومت کے ساتھ فوج کی حمایت اور تائید بھی حاصل ہے، قوم امن معاہدے کی طرف دیکھ رہی ہے، حکومت اور طالبان مذاکرات کو کامیاب بنائیں جب کہ امریکی اور بھارتی لابی مذاکرات کی ناکامی کے لیے سرگرم ہیں۔
ان کا کہنا تھا آئندہ اجلاس کے لیے فریقین سے کہا گیا ہے کہ اپنے تمام مطالبات ڈرافٹ کی شکل میں پیش کریں۔ میجر (ر) عامر کی مذاکرات سے علیحدگی سے متعلق ان کا کہنا تھا کہ انہیں امید ہے کہ وہ دوبارہ کمیٹی سے مکمل تعاون کریں گے۔
جو پاکستان کا دشمن ہے وہ برطانیہ کا بھی دشمن ہے، برطانوی وزیر اعظم
بلوچستان اسمبلی میں آئی ایس آئی کو بدنام کرنے کے خلاف متفقہ قرارداد منظور
