گورنر پنجاب چوہدری محمد سرور نے کہا کہ طالبان اور حکومت سے مذاکرات میں سید منور حسن بطور ثالث بہتر کردار ادا کر سکتے ہیں۔ امیر جماعت اسلامی کا کہنا ہے کہ اس حوالے سے حکومت نے ان سے کبھی رابطہ نہیں کیا۔ منصورہ میں جماعت اسلامی کے امیر سے ملاقات کے بعد گورنر پنجاب نے ذرائع سے گفتگو میں کہا کہ طالبان سے مذاکرات کا دروازہ بند نہیں کرنا چاہیے۔
مسائل سے نجات کیلئے مذاکرات بہترین حل ہیں، پاکستان میں امریکی ڈرون حملوں کا کوئی جواز نہیں۔ بطور برطانوی رکن پارلیمنٹ بھی ہمیشہ ان حملوں کی مخالفت کی، موجودہ حالات کا تقاضہ ہے کہ تمام سیاسی جماعتیں متحد ہو کر ملک کو مسائل کی دلدل سے نکالیں۔
اس موقع پر سید منور حسن نے کہا کہ حکومت کی جانب سے طالبان سے مذاکرات کے لئے باقاعدہ طور پر ان سے کوئی رابطہ نہیں کیا گیا۔ موجودہ حالات میں جلد اے پی سی بلانی چاہیے، امیر جماعت اسلامی نے کہا کہ مسلم لیگ نون نے انتخابات سے پہلے بہت وعدے کیے مگر اقتدارمیں آنے کے بعد ایک بھی وعدہ وفا نہیں کیا۔
کراچی، جشن آزادی، ساحل پر آتشبازی، ایم کیو ایم کی پروقار تقریب
حکومت پنجاب کے کاشتکاروں کے بجلی کے بلوں میں کمی کرے، چودھری شجاعت
