کراچی (جیوڈیسک) گورنر سندھ ڈاکٹر عشرت العباد نے متحدہ قومی موومنٹ کے وزراء کے استعفے منظور کرلیے۔ مستعفی ہونے والے وزراء میں رؤف صدیقی صوبائی وزیر صنعت اور ڈاکٹر صغیر احمد وزیر صحت تھے۔
گورنر سندھ نے استعفے منظور کرنے کے بعد وزیراعلیٰ سندھ کو بھجوادیے۔ واضح رہے کہ پیپلز پارٹی کے رہنما اور قومی اسمبلی میں قائد حزب اختلاف سید خورشید شاہ کی جانب سے لفظ مہاجر سے متعلق بیان پر ایم کیو ایم اور پیپلز پارٹی کے درمیان کشیدگی پیدا ہوگئی تھی۔
جس کے بعد ایم کیو ایم کے صوبائی وزراء، مشیروں اور معاون خصوصی نے استعفیٰ دے دیا تھا۔ صوبائی مشیروں فیصل سبزواری اور عادل صدیقی جبکہ معاون خصوصی عبدالحسیب خان کے استعفے پہلے ہی وزیراعلیٰ سندھ نے منظور کر لیے تھے۔
نیلوفر کا خطرہ، ماہی گیروں کو کشتیاں پانی میں نہ لے جانے کی ہدایات
کوئٹہ: 10 نومبر سے پولیو مہم چلانے کا فیصلہ، محکمہ صحت
