غم کے صحرائوں میں گھٹا نہ ملی

Posted on June 18, 2016 By Zulfiqar Ali آپکی شاعری, شاعری

غم کے صحرائوں میں گھٹا نہ ملی
چاہتوں کی کوئی رِدا نہ مِلی
جِس کو پانا جزا سے برتر ہے
دکھ تو یہ ہے کہ وہ سزا نہ ملی
مسکراہٹ میں پِنہاں زخموں سے
کوئی بھی چشم آشنا نہ ملی
یوں تو وہ آج بھی ملا ہم سے
پر وہ پہلی سی اب ادا نہ مِلی
آئینہء ذات اس طرح ٹوٹا
دِل کے آنگن میں بھی صدا نہ ملی
ہم کو تو اس جہان میں ساحل
سر چھپانے کو بھی جگہ نہ ملی

Sad Love

ساحل منیر

by Zulfiqar Ali

سندر آنکھیں کبھی کبھی تو یہ دل بھی فقیر لگتا ہے