گجرات کی خبریں 1.10.2013
Posted on October 2, 2013 By Geo Urdu گجرات
سرکاری اور نجی تعلیمی اداروں میں جبری چھٹی اور اساتذہ کو زبردستی جلسہ میں لے جانے پر طلبہ، ان کے والدین اور ٹیچرز نے شدید احتجاج کیا ہے
گجرات (جی پی آئی) حمزہ شہباز شریف کے دورہ گجرات کے موقع پر ان کے استقبال کیلئے تمام سرکاری اور نجی تعلیمی اداروں میں جبری چھٹی اور اساتذہ کو زبردستی جلسہ میں لے جانے پر طلبہ، ان کے والدین اور ٹیچرز نے شدید احتجاج کیا ہے۔ پاکستان مسلم لیگ کے رہنما اور سابق وزیر تعلیم میاں عمران مسعود نے کہا ہے کہ ای ڈی او گجرات نے شہر کے تمام گورنمنٹ کے علاوہ پرائیویٹ کالجوں اور سکولوں میں منگل کو زبردستی چھٹی کیلئے باقاعدہ تحریری حکم جاری کیا لیکن اس تعطیل کی کوئی وجہ نہیں بتائی گئی تھی۔ انہوں نے کہا کہ تمام تر قوانین اور ضوابط کی خلاف ورزی کرتے ہوئے جاری کردہ اس حکم سے تعلیمی اداروں کے سربراہوں کو تو مطلع کر دیا گیا لیکن والدین اور طلبہ کو کوئی اطلاع نہیں دی گئی۔ ای ڈی او ذاتی طور پر بھی تعلیمی اداروں میں گئے اور زبانی حکم بھی جاری کیا کہ تمام اساتذہ بھی وزیراعلیٰ کے صاحبزادے کے استقبال کے علاوہ جلسہ میں شریک ہوں گے جبکہ اس کی خلاف ورزی پر سخت ترین کارروائی ہو گی۔ چھوٹے بچوں کے والدین جب انہیں لے کر سکولوں میں پہنچے تو انہیں بھی اچانک چھٹی کا پتہ چلا جس پر انہوں نے بھی شدید احتجاج کیا۔ میاں عمران مسعود نے اس صورتحال پر سخت تشویش کا اظہار کرتے ہوئے کہا کہ بلدیاتی ملازمین کو بھی جلسہ گاہ لے جایا گیا تاکہ جلسہ کی رونق بڑھائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہزادہ حمزہ شہباز شریف کی گجرات آمد پر تمام سرکاری و پرائیویٹ تعلیمی اداروں میں گزشتہ روز چھٹی کرا دی گئی
گجرا ت (جی پی آئی) چوہدری ظہور الٰہی ہائوس گجرات کے ترجمان حمید اللہ بھٹی نے کہا ہے کہ پنجاب کے ولی عہد شہزادہ حمزہ شہباز شریف کی گجرات آمد پر تمام سرکاری و پرائیویٹ تعلیمی اداروں میں گزشتہ روز چھٹی کرا دی گئی، جو پنجاب حکومت اور گجرات انتظامیہ کا تعلیم سے نفرت کا منہ بولتا ثبوت ہے، اگر شہزادہ حمزہ شریف کے آئے ہوئے بچے سڑکوں سے گزر کر سکول چلے جاتے تو شہزادے کو نقصان نہیں ہو سکتا تھا، غریبوں کے دعویدار حکمران اب آنے جانے میں سڑکیں خالی مانگنے لگے ہیں، جس کے لئے بچوں کا تعلیمی نقصان کرنے سے بھی وہ نہیں گھبراتے، پولیس نے ناکے لگا کر طلباء و طالبات کو زبردستی گھر بھیجا ایسا تو رنجیت سنگھ کی حکمرانی میں بھی نہیں ہوا جو اب ہو رہا ہے، حمید اللہ بھٹی نے کہا کہ این اے 104 سے بصیرت اور بصارت سے محروم ممبر بننے والے کا ووٹرون کو گھر دینے کا اشتہاری حکم بھی قابل مذمت ہے، لگتا ہے کہ وہ اب بھی نوابی غرور تکبر میں مست ہیں، اگر گیس سے متعلقہ مسائل انہیں حل کرانے ہیں تو حلقہ میں کسی جگہ کھلی کچہری لگائیں اور عوام انہیں کیسے لقب دیتے ہیں سن لیں، حمید اللہ بھٹی نے کہا کہ روز بروز بڑھتے نرخ سے جلد ہی لوگ بجلی، گیس کے کنکشن کٹانے پر مجبور ہونگے، حکمرانوں نے ووٹ دینے والوں کی جو درگت بنائی ہے اس سے ن لیگ ہمیشہ کیلئے ختم ہونے والی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور ہائی کورٹ نے حا جی ناصر محمود کی درخواست ضمانت منظور کر تے ہو ئے رہائی کا حکم دیدیا ہے
گجرات ( جی پی آئی) لاہور ہائی کورٹ نے حا جی ناصر محمود کی درخواست ضمانت منظور کر تے ہو ئے رہائی کا حکم دیدیا ہے حاجی ناصر محمود کو جعلی ڈگری کیس میں ڈسٹرکٹ اینڈ سیشن جج گجرات طارق عباسی نے ڈیڑ سال قید اور پچاس ہزار روپے جرمانہ کی سزا سنائی تھی اور ان دنوں حاجی ناصر محمود گجرات جیل میں ڈیڑسال قید کاٹ کر رہے تھے انکے خلاف تھانہ سول لائن میں الیکشن کمیشن کی رپورٹ پر مقدمہ درج ہوا تھا اور حاجی ناصر محمود کو گجرات جیل سے رہا کر دیا گیا ہے، جب حاجی ناصر محمود کو ڈسٹرکٹ جیل گجرات سے رہا کیا گیا تو سینکڑوں کارکنوں نے جیل کے باہر ان کا شاندار استقبا ل کیا، جبکہ ن لیگ کے اہم راہنما حاجی ناصر محمود کو لینے کیلئے بھی موقع پر موجود تھے، حاجی ناصر محمود کو ریلی کی شکل میں گجرات جیل سے ان کی رہائشگاہ پر لایا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سٹیزن فرنٹ ضلع گجرات کے سیکرٹری اطلاعات عامر چوہدری کے مطابق سٹیزن فرنٹ کی سپریم کونسل کا ماہانہ اجلاس
گجرات (جی پی آئی) سٹیزن فرنٹ ضلع گجرات کے سیکرٹری اطلاعات عامر چوہدری کے مطابق سٹیزن فرنٹ کی سپریم کونسل کا ماہانہ اجلاس آج 2 اکتوبر 2013ء بروز بدھ بعد نمازِ عشاء 8 بجے شب حافظ نواب دین ہائوس جلال پور روڈ گجرات میں ضلعی صدر چوہدری علی ابرار جوڑا کی زیر صدارت منعقد ہوا۔ اجلاس میں پٹرول و بجلی کے ریٹس بڑھانے کے حوالے سے لائحہ عمل طے کیا جائے گا جبکہ ایوارڈ کمیٹی اپنی رپورٹ پیش کرے گی۔ اس کے علاوہ کرسچن کمیونٹی کے ساتھ ملکر احتجاجی تقریب کی رپورٹ بھی پیش کیا جائے گا۔ ممبران سپریم کونسل وقت مقررہ پر اجلاس میں شرکت کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ریلوے روڈ پر معذور شخص کی 7 سالہ بچی سے زیادتی کی کوشش ناکام
گجرات (جی پی آئی ) ریلوے روڈ پر معذور شخص کی 7 سالہ بچی سے زیادتی کی کوشش ناکام اہل علاقہ نے پکڑ کر تشدد کا نشانہ بنا کر پولیس کے حوالے کر دیا گذشتہ روز تھانہ اے ڈویژن کے علاقہ محلہ فیض مصطفی غلہ منڈی ریلوے روڈ پر بھلوال کے رہائشی معذور شخص ریاض 7 سالہ بچی (ر) کو ورغلا کر مسجد کی لیٹرین میں لے گیا اور اس سے زیادتی کی کوشش کی اہل علاقہ نے معلوم ہونے پر معذور شخص کو پکڑ کر تشدد کا نشانہ بنایا اور پولیس کے حوالے کر دیا پولیس تھانہ اے ڈویژن نے ملزم ریاض کو گرفتار کر کے تفتیش شروع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عزیز بھٹی شہید ہسپتال گجرات میں موٹر سائیکلوں اور گاڑیوں کے پارکنگ ٹھیکہ سے شہری عاجز آ گئے
گجرات (جی پی آئی ) عزیز بھٹی شہید ہسپتال گجرات میں موٹر سائیکلوں اور گاڑیوں کے پارکنگ ٹھیکہ سے شہری عاجز آ گئے شہریوں کے ساتھ مریضوں کو بھی سخت مشکلات کا سامنا ہے بتایا گیا ہے کہ عزیز بھٹی شہید ہسپتال گجرات میں ناجائز طور پر قائم کیا گیا موٹر سائیکل اور گاڑیوں کا اسٹینڈ شہریوں کیلئے وبال جان بن چکا ہے ٹھیکیدار ہسپتال میں آنے والے موٹر سائیکلوں اور گاڑیوں کے مالکان سے زبردستی پارکنگ کے نام پر جگہ ٹیکس وصول کر رہا ہے اور اس سلسلہ میں ای ڈی او ہیلتھ اور ایم ایس عزیز بھٹی شہید ہسپتال گجرات کوئی توجہ نہیں دے رہے حالانکہ پنجاب بھر میں پارکنگ اور پارکوں میں فیس ختم کر دی گئی ہے مگر گجرات کے عزیز بھٹی شہید ہسپتال میں دھڑلے کے ساتھ گاڑی پارکنگ فیس وصول کی جا رہی ہے ڈی سی او گجرات فوری طور پر نوٹس لیں۔
قوم کو سستی بجلی دینے کا وعدہ پورا کریں گے : حمزہ شہباز
