گجرات کی خبریں 3.10.2013
Posted on October 4, 2013 By Geo Urdu گجرات
آل پاکستان فیڈریشن آف یونائیٹڈ ٹریڈ یونینز اور جنرل فیڈریشن آف ٹریڈ یونینز کے زیر اہتمام گزشتہ روز بین الاقوامی عالمی دن منایا گیا
گجرات (جی پی آئی) آل پاکستان فیڈریشن آف یونائیٹڈ ٹریڈ یونینز اور جنرل فیڈریشن آف ٹریڈ یونینز کے زیر اہتمام گزشتہ روز بین الاقوامی عالمی دن منایا گیا، جس کا اعلان ورلڈ فیڈریشن آف ٹریڈ یونینز نے کیا تھا، پاکستانی یونینز کے زیر اہتمام ملک بھر میں پر امن احتجاجی مظاہرے اور سیمینار منعقد کیے گئے، اور پاکستانی حکومت اور دیگر سیاسی جماعتوں سے مطالبہ کیا گیا کہ پاکستان کے غریب اور محنت کش افراد کو جینے کا حق دیا جائے مہنگائی کو کنٹرول کیا جائے، تیل، گیس اور بجلی سستے داموں فراہم کرنے کیلئے اقدامات کیے جائیں، جبکہ پینے کا صاف پانی، رہائش، کھانا، تعلیم اور صحت جیسی بنیادی سہولیات بھی غریبوں اور محنت کشوں کو مفت فراہم کی جائیں، یونینز راہنمائوں کا کہنا تھا کہ بہت سے قوانین موجود ہیں، جو کہ صرف کتابوں کی حد تک ہیں، سرکاری ادارے اور ان کے افسران یہ نہیں چاہتے کہ ملک کے غریب، غربت سے باہر نکلیں اور انہیں سہولیات میسر آسکیں، اس سے قبل یونینز نے حکومت کی جانب سے بجلی، گیس، اور پٹرول کی قیمتوں میں اضافہ کی وجہ سے ملک میں مہنگائی کا سیلاب آنے جیسے واقعات کی مذمت کی اور حکومت سے مطالبہ کیا کہ IMF ورلڈ بینک، اور امریکہ کی پالیسیوں کا خاتمہ کیا جائے، خود مختار خارجہ پالیسی بنا کر تارکین وطن کو زیادہ سے زیادہ سہولتیں فراہم کی جائیں تا کہ وہ ملک کی ترقی میں اپنا کردار ادا کر سکیں اور حکومت کشکول توڑنے میں کامیاب ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْْْْْْْْْْْْْْپنجاب ایمرجنسی سروس ریسکیو 1122 نے تحصیل کھاریاں میں خدمات کا آغاز کر دیا ہے
گجرات(جی پی آئی) پنجاب ایمرجنسی سروس ریسکیو 1122 نے تحصیل کھاریاں میں خدمات کا آغاز کر دیا ہے ڈسٹرکٹ آیمر جنسی آفیسر چوہدر ی محمد عزیز افتتاحی تقریب کے مہمان خصوصی تھے جبکہ ذکی حیدر وڑائچ اور انچارج جمشید نسیم بھی او موقع پر موجود تھے۔ ڈسٹرکٹ ایمرجنسی آفیسر ریسکیو 112 چوہدری عزیز احمد نے افتتاحی تقریب میں میڈیا کو بتایا کہ کھاریاں میں ریسکیو 1122 سنٹر جی ٹی روڈ پر قائم کیا گیا ہے جہاں ریسکیو خدمات کے لئے 45 رکنی اعلیٰ تربیت یافتہ سٹاف تعینات کیا گیا ہے۔ انہوں نے بتایا کہ ریسکیو 1122 سنٹر کھاریاں میں تین ایمبولینس فراہم کی گئی ہیں جبکہ کسی حادثہ کی صورت میںپانی، گہرائی یا کسی اونچے مقام پر پھنسے افراد کو ہنگامی امداد فراہم کرنے کے لئے ایک ریسکیو گاڑی فراہم کی گئی ہے۔ ریسکیو 1122 کے ورکرز سے خطاب کرتے ہوئے چوہدری عزیز احمد نے کہا کہ کھاریاں میں ہم سب اس عزم کے ساتھ ریسکیو 1122 کی سروس کا آغاز کرنے جارہے ہیں کہ دکھی انسانیت کی خدمات کے معیار میں مزید بہتری لا سکیں۔ انہوں نے اس عزم کا اظہار کیا کہ ہر ریسکیو ورکر اس عہد کا قائل ہے کہدن ہو یا رات، آندھی ہو یا طوفاں، زلزلہ ہو یا آگ، حادثہ ہویا سانحہ ریسکیو 1122 لوگو ں کی مدد کیلئے ہر د م تیارہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب ایگزمینیشن کمشن کے زیر اہتمام پانچویں اور آٹھویں جماعت کے سالانہ امتحانات 2014 کیلئے رجسٹریشن اور داخلوں کا آغاز کر دیا گیا ہے
گجرات (جی پی آئی) پنجاب ایگزمینیشن کمشن کے زیر اہتمام پانچویں اور آٹھویں جماعت کے سالانہ امتحانات 2014 کیلئے رجسٹریشن اور داخلوں کا آغاز کر دیا گیا ہے۔ ای ڈی او ایجوکیشن کاشف طاہر اور اسسٹنٹ ڈائریکٹر ایڈمن محمد فاروق نے بتایا کہ پنجاب ایگزامینیشن کمشن کی طرف سے جاری کردہ شیڈول کے مطابق پرائمری اور مڈل کلاسز کے طلبہ کی رجسٹریشن اور داخلے کی آخری تاریخ 10 اکتوبر مقرر کی گئی ہے۔ رجسٹریشن و داخلہ فارم ای ڈی او ایجوکیشن، ڈی ای اوز ایجوکیشن مردانہ و زنانہ، ڈی ڈی ای اوز ایجوکیشن اور اے ای اوز ایجوکیشن کے دفاتر سے حاصل کئے جاسکتے ہیں نیز پنجاب ایگز مینیشن کمشن کی ویب سائٹ سے بھی فارم ڈائون لوڈ کئے جا سکتے ہیں۔ ای ڈی او ایجوکیشن کاشف طاہر نے بتایا کہ محکمہ تعلیم حکومت پنجاب کی پالیسی کے تحت تمام سرکاری اور پنجاب ایجوکیشن فائونڈیشن کے سکولوں کے 100 فیصد طلبہ کی دونوں امتحانوں میں شرکت لازمی ہے۔ انہوں نے بتایا کہ تمام رجسٹرڈ پرائیوٹ پرائمری تا سیکنڈری سکولوں کے لئے لازم ہے کہ وہ زیر تعلیم پنجم اور ہشتم کے سو فیصد طلبہ کی امتحان میں شرکت یقینی بنائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات پولیس کی سماج دشمن عناصر کے خلاف سرگرم کارروائی
گجرات (جی پی آئی) گجرات پولیس کی سماج دشمن عناصر کے خلاف سرگرم کارروائی، ناجائز اسلحہ اور منشیات برآمد کر کے 8 کس ملزمان کے خلاف مقدمات درج کرلئے۔ تھانہ کنجاہ پولیس نے مخبر خاص کی اطلاع پر منشیات فروش شوکت علی ولد لیاقت علی سکنہ گا کھڑا سے 1130 گرام چرس معہ 400 روپے وٹک برآ مد کر کے 9-C کے تحت مقدمہ درج کرکے تفتیش شروع کر دی۔ تھانہ B/DIV پولیس نے دوران گشت ملزم خالد محمود ولد صغیر احمد سکنہ صرافہ بازار گجرات سے 150 گرام چرس برآمد کر کے مقدمہ درج کر لیا۔ تھانہ گلیانہ پولیس نے منشیات فروشوں کے خلاف ریڈ کر کے 2کس ملزمان سے چرس اور 1کس سے شراب برآمد کرکے ملزمان کے خلاف الگ الگ مقدمات در ج کرلئے۔(١) ملزم شاہد رضوان ولد غضنفر علی سکنہ بدھو چک سے 125گرام چرس (٢) ملزم خالد جاوید ولد بشیر احمد سکنہ بدھو چک سے 145 گرام چرس (٣) ملزم شفاقت حسین ولد سائیں عاشق حسین سکنہ کتوار سے 4 کپیاں شراب تھانہ سول لائن پولیس نے دوران انٹیروگیشن 3 کس ملزمان سے ناجائز اسلحہ برآمد کر لیا۔(١) ملزم لیاقت علی ولد فضل الہی سکنہ ٹھٹھہ موسیٰ سے رائفل 222بور (٢) ملزم شیراز عرف جنگو ولد محمد حسین سکنہ حیات پورہ سے پسٹل 30 بور (٣) ملزم آصف رضا عرف گوشی ولد محمد اکرم سکنہ نعمان کالونی سے پسٹل 30 بور برآمد کر کے ملزمان کے خلاف مقدمات درج کر لیے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلع بھر میں جاری انسداد پولیو مہم کا پہلا مرحلہ کامیابی سے مکمل کرلیا گیا
گجرات (جی پی آئی) ضلع بھر میں جاری انسداد پولیو مہم کا پہلا مرحلہ کامیابی سے مکمل کرلیا گیا ہے۔ محکمہ صحت کی ٹیموں نے بھر پور محنت کرتے ہوئے مقررہ ہدف حاصل کر لئے ہیں جبکہ اس مہم کے دوران قطرکسی وجہ سے قطرے پینے سے محروم رہ جانے والے بچوں کو ویکسین پلانے کے لئے دو روزہ فالو اپ مہم جاری ہے۔ ان خیالات کا اظہار ای ڈی او ہیلتھ ڈاکٹر نصر ت ریاض نے بات چیت کے دوران کیا۔ انہوں نے بتایا کہ ضلع گجرات میں 30 ستمبر سے 2 اکتوبر تک جاری رہنے والی انسداد پولیو مہم کے دوران پانچ سال تک عمر کے 396332 بچوں کو ویکسین پلانے کا ہدف مقرر تھاجبکہ محکمہ صحت کی ٹیموں نے اس دوران 398971 بچوں کو پولیو سے بچائو کے قطرے پلا ئے اس طرح مجموعی طور پر طے شدہ ہدف سے زائد 100.7 فیصد بچوں کو حفاظتی قطرے پلائے گئے۔ انہوںنے بتایا کہ وہ بچے جو کسی وجہ سے پولیو سے بچائو کے قطر ے پینے سے محروم رہ گئے ہیں انکو کو ر کرنے کے لئے فالو اپ مہم چلائی جارہی ہے۔ ای ڈی او ہیلتھ نے عوام الناس سے اپیل کی کہ اگر کوئی بچہ پولیو سے بچائو کے قطرے پینے سے رہ گیا ہو تو وہ بلاتاخیر قریبی سرکاری ہسپتال یا مرکز صحت سے رابطہ کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی پی او گجرات سید علی ناصر رضوی نے ضلع بھر کے سرکل کے ڈی ایس پیز اور تمام تھانوں کے ایس ایچ اوز کو ہدایت دی ہے
گجرات (جی پی آئی ) ڈی پی او گجرات سید علی ناصر رضوی نے ضلع بھر کے سرکل کے ڈی ایس پیز اور تمام تھانوں کے ایس ایچ اوز کو ہدایت دی ہے کہ ضلع بھر میں غیر قانونی طور پر رہنے والے افغان باشندوں اور کالعدم تنظیموں کے کارکنوں کو فوری طور پر گرفتار کر کے ان کے خلاف مقدمات درج کئے جائیں جس پر پویس نے سینکڑوں افغان باشندوں کے گھروں پر چھاپے مار کر انہیں گرفتار کر لیا ہے جوکہ عرصہ دراز سے ضلع گجرات میں رہائش پذیر تھے پولیس نے یہ گرفتاریاں خفیہ اداروں کی رپورٹ پر کی ہیں جبکہ دوسری جانب کالعدم تنظیموں کے خلاف بھی آپریشن تیز کر دیا گیا ہے واضح رہے کہ افغان باشندوں کے پاس پاکستان کے شناختی کارڈز بھی موجود ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جماعت اسلامی کے رہنما ڈاکٹر طارق سلیم نے اپنے ایک بیان میں کہا ہے کہ حکمران عوام کی توقعات پر پورا اترنے میں مکمل طور پر ناکام رہے ہیں
گجرات (جی پی آئی ) جماعت اسلامی کے رہنما ڈاکٹر طارق سلیم نے اپنے ایک بیان میں کہا ہے کہ حکمران عوام کی توقعات پر پورا اترنے میں مکمل طور پر ناکام رہے ہیں الیکشن مہم میں عوام سے جھوٹے وعدے کر کے ووٹ حاصل کر کے اقتدار میں آنے والے حکمران امریکی اشاروں پر ناچ رہے ہیں انہوں نے کہا کہ جس طرح حکومت بجلی اور پیٹرول کی قیمتوں میں روز بروز اضافہ کرتی جا رہی ہے اس سے ملک میں حالات خراب ہو جائیں گے انہوں نے کہا کہ اگر حکومت نے پیٹرول اور بجلی کی قیمتوں میں اضافہ واپس نہ لیا تو بھرپور احتجاج کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف لیبر ونگ ضلع گجرات کی احتجاجی ریلی
گجرات (جی پی آئی ) پاکستان تحریک انصاف لیبر ونگ ضلع گجرات کی احتجاجی ریلی بجلی، پیٹرول اور افراط زر میں اضافہ کے خلاف آج 04 اکتوبر بروز جمعة المبارک سہ پہر ساڑھے تین بجے نکالی جائے گئی ریلی نشان حیدر چوک (کچہری چوک) میں پذیر ہو کر اپنا احتجاجی مظاہرہ ریکارڈ کروائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں میں گھریلو تنازعہ پر ایک شخص نے زہریلی گولیاں کھا کر خود کشی کر لی
گجرات (جی پی آئی ) کھاریاں میں گھریلو تنازعہ پر ایک شخص نے زہریلی گولیاں کھا کر خود کشی کر لی گذشتہ روز کھاریاں کے رہائشی شادی شدہ 35 سالہ شخص زبیر نے گھریلو تنازعہ پر دلبرداشتہ ہو کر زہریلی گولیاں کھا کر اپنی زندگی کا خاتمہ کر لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں نوجوان کرنٹ لگنے سے جاں بحق ہو گیا
گجرات (جی پی آئی ) گجرات میں نوجوان کرنٹ لگنے سے جاں بحق ہو گیا گذشتہ روز سروس موڑ کا رہائشی 22 سالہ نوجوان عدیل اپنے گھر میں اچانک کرنٹ لگنے سے موقع پر ہی جاں بحق ہو گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حساس ادارے نے پولیس اور ایلیٹ فورس کے ہمراہ کڑیانوالہ میں چھاپہ مار کر دو بھائیوں کو حراست میں
گجرات (جی پی آئی ) حساس ادارے نے پولیس اور ایلیٹ فورس کے ہمراہ کڑیانوالہ میں چھاپہ مار کر دو بھائیوں کو حراست میں لے کر تفتیش کیلئے نامعلوم مقام پر منتقل کر دیا ہے معلوم ہوا ہے کہ دونوں بھائیوں کے انٹرنیٹ پر کالعدم تنظیموں سے رابطے تھے جس پر کارروائی کرتے ہوئے انہیں گرفتار کیا گیا ہے کڑیانوالہ پولیس نے واقع کی تصدیق کرتے ہوئے سیکیورٹی وجوہات پر گرفتار کئے گئے دونوں بھائیوں کے نام بتانے سے گریز کیا ہے۔
ڈی ایس پی سٹی سید مصطفی گیلانی، چیئر مین چوہدری عمر گجر کے اعزاز میں چوہدری عثمان اختر چھوکر کلاں، آف انگلینڈ کا علینا سنٹر کا ظہرانہ
